الأربعاء، 26 ديسمبر، 2007

صراع نفسي


أشعر بي انقسم الي قسمين
لا .. انقسم بل اتقطع وكل جزء يشد الاخر بقوة
وأنا بينهما أراني ... اتقطع
أبكى.. أصرخ.. تخرج الصرخة من قلبي وينزف
ماذا ترانى أفعل؟؟ أأترك بعضي يقطع بعضي وأسكت؟!!
أم ترانى أقتص منى علي ما أفعل؟
مالك يا نفسي تعصى؟
وقلبي ملتاع ولا يرفض..يتشبث بكل قطعة منه ويراها محقة.. ويسكت
أترانى جننت أم مازال علي قلبي الكثير ليفهم؟
واقفة أنا .. ساكنة.. أنا انتظر من يكسب
أنا

السبت، 22 ديسمبر، 2007

رحلة الي الله3

وصلنا من المزدلفة الي منى رمينا جمرة العقبة واتحللنا من الاحرام بس نسيت اقولكم ان لما رجعنا مخيمات منى لاقينا الخيمه زحمه جدا وفيها ناس منعرفهاش كتير طلع ان كل واحد عازم شخص على منى لكن مش مشكله اربعه ايام بنام واحنا قاعدين وساعات واحنا على جنبنا بس كله فى سبيل الله- وربنا يتقبل يارب - يعنى كنت قريت كتير عن ان ايام منى ايام ذكر وعبادة تقريبا متحققش اللي انا كنت بحلم اعمله من الزحمة ورغى زملائنا في الخيمة فكان شوية نقدر نركز ونقرأ القران ونسبح وشوية نحاول ننام او عمل اى شئ حتى لا ننخرط في الرغى احنا كمان
ثانى يوم رمينا قبل الزوال حيث سمعت فضيلة المفتى افتى بذلك وعند رجوعى معرفش ليه -هل دق الشك بابك اجل يا سنية- سألت الاشكاك الموجودة في منى واحد واحد وجميعهم افادوا بضرورة الرمى مرة اخرى بصرف النظر عن اى فتوى اخرى وهذا ما اقراه مجمع البحوث وجميع العلماء وان علي الرجوع للرمى مرة اخرى لانه يخشى علي الرمى تانى يوم لانه يكون صعب جداً لانه يوم المتعجلين ولن استطيع دعيت دعاء الاستخارة واتغديت واخبرت زوجى بضرورة العودة للرمى مرة اخرى ةبالفعل رجعنا بس كنا خلاص بنموت من التعب لان مكانا في منى كان بعيد عن الجمرات بعدة كيلومترات عدنا الي الخيمةفي منتهى التعب وانا احلم بمكان انام فيه حتى وانا قاعدة لا اطمح في اكثر من كده وكانت معنا في الخيمة سيدة كبيرة في السن وكانت طول الرحلة متعبة ونساعدها علي قدر ما نستطيع وهى لا تردد سوى هموت ياولاد هموت ونحن نرد عليها يا حاجة انت زى الفل مفيش حاجة هو تعب الرحلة ليس إلا وفي هذا اليوم سألتنا جميعاً في مساعدتها للذهاب الي الحمام ولكننا كنا في منتهى الالم والتعب وتقريبا رجلي نت لا احس بها رديت عليها انى لا استطيع لشدة تعبي واختى ايضاً وفي الصباح اعتذرت لها وصلينا الفجر وبعد عودتنا من رمي الجمرات ذلك اليوم لم نجدها بالخيمة وبسؤالنا عليها علمنا انها في المستشفى وسريعا علمنا بوفاتهاكم اثرت في كثيرا ومن وقتها ابذل اقصى جهودى حتى لو كنت مرهقة وتعبانة ان اكيد في حد اكثر منى تعب وارهاق واترحم علي الحاجة زينب دائماً واطلب منها ان تسامحنى
تقريبا منى فضيت تماما لان معظم الحجاج كانوا متعجلين فقضينا الليلة كما حلمنا بها ذهبنا الي خيمة مجاورة فارغة وعشنا حياتنا زى الكتاب ما بيقول
الحجاج اللي كانوا جايين من طازخستان بعد الحج اخذوا يبيعون ما معهم من منتجات يدوية (اشغال كروشية-عسل-ايشاربات) كانت حاجاتهم ظريفة جداً ولغتهم وطريقتهم كمان
عدنا الي مكة وعملنا طواف الافاضة بس كان ايه موووووووووووووت بصحيح زحمة فظيعة الحمد له قضيت
بعد ما خلصنا شعائر الحج ابتديت احس انى نفسي اشوف البنات وانهم وحشنى جدا- وكنت وانا بودعهم وخصوصا الصغيرة سنها وقتها كان سنة وتسعة اشهر كنت هتجنن ودعيت اللهم اربط علي قلبي- سبحان الله

الثلاثاء، 18 ديسمبر، 2007

رحلة الي الله 2


وصلنا الي مسجد الحبيب محمد صلي الله عليه وسلم فجر الرابع من ذى الحجة رمينا الشنط في الفندق وجرينا عند سماع اذان الفجر سريعاً توضأنا وصلينا ركعتى السنة وانتظرنا ان يقيم للصلاة ومن كثرة انتظارنا استغرنا واكتشفنا ان هذا كان النداء الاول فاخذنا نصلي حتى اذان الفجر وصلينا وانتظرنا علنا نتستطيع زيارة الرسول صلي الله عليه وسلم وندخل الروضة الشريفة وهيهات كنا منهكين جدا وكان العدد غير عادى بس عرفنا الطريقة انهم يقسمون السيدات طبقاً للجنسية ويدخلهم مع بعض كنت مستغربة ليه التفرقة للجنسيات وكلنا مسلمين واكيد في هذا الوقت والمشاعر والروحانيات مينفعش اننا نقسم لجنسيات رجعنا الي الفندق وانا محبطة وحاسة انى مش هقدر ازور او ادخل الروضة واخذت ادعي في صلاتى ان ييسر لي ربي الزيارة حتى كان في اليوم الاخير في المدينة قولنا لزوجى (انا واخته) لا تنتظرنا بعد صلاة الفجر سوف نزور ان شاء الله اليوم وبالفعل انتظرنا حتى وقت الزيارة وتم تقسيمنا الي جنسيات ودخلنا بس طبعا في زحام غير عادى ووقفت الاخوات ممسكات بلافتات باسم البلاد لتجتمع السيدات عليها واخذت توعيهن بآداب الزيارة وكيفيتها ودخلنا الله الله علي الراحة النفسية غير العادية احساس بالصفا لم تشعر به من قبل واحسست ومع هذا الزحام انى لوحدى في الروضة صليت ركعتين ودعوت كما لم ادعو من قبل احسست انى بالفعل في الجنة بكل هذا الصفا يارب ارزق المسلمين جميعا وتابع لنا بين الحج والعمرة وكانت ابنتى الصغيرة تعانى من مشكلة صحية وكنت هموت عليها ودعوت ويا سبحان الله الي يقول ادعونى استجب لكم وكأن ابنتى لم تكن تعانى من شئ ولا الالم الي كان يعتصرنى عندما ارها بهذا الحال كأن شئ لم يكن الحمد لله الحمد لله الحمدلله.

استعدينا في ظهر هذا اليوم للذهاب الي مكة ونزلنا حقائبنا واغتسلنا غسل الاحرام وذهبنا الي ابيار علي توضانا ونوينا الاحرام وصلينا العصر واسقلينا الاتوبيس للذهاب . ادينا العمرة الحمد لله وطبعا الاعداد الموجودة كانت اعداد كبيرة جدا ربنا يزيد ان شاء الله وفي الثامن من ذى الحجة اتجهنا الي منى امضينا اللية هناك معظم الخيام في منى كانت فارغة وعرفت ان معظم الحجاج ياتون بعد عرفات وبعد صلاة الفجر ذهبنا الي عرفات احساس لا استطيع ان ادونه لانه يحس لا يدون لم نذهب الي مسجد نمرة وبسؤالي افادوا انه يبعد كثيرا ولا نستطيع الذهاب الي هناك سمعنا الخطبة من كاسيت سيارة تم توصيله بميكروفون وكأنك معهم امضيت يوم ما اجمله وطبعا الجهاد في هذه المناطق مع الناس هو ترك المجادلة وتركها وانت علي حق وتطالب بحق ويا له من جهاد لنفس اعتادت عليه واعتاد الناس علي اخذ حقوقهم بعده فتترك كل ذلك لله سبحانه وتعالي مر اليوم سريعا ونحن نلبي حتى اوشكت الشمس علي المغيب وكأننا نتمسك بشئ حتى لا يمشى وهو يأبى وازداد البكاء وارتفع النحيب وعلا الصوت بالدعاء اللهم اغفر وارحم وانت ارحم الراحمين يارب ارزقنا الجنة يارب ارزقنا مرافقة حبيببك محمد في الجنة ارزقنا شربة من يديه الشريفتين لا نظمأ بعدها ابداً حتى غربت الشمس واذنوا بالرحيل تشعر بعد ذلك وكأن قلبك غير قلبك الذي تعرفه ابيض بلا ذنوب والله احساس ياليته يعود ياليته يعود.

ذهبنا بعدها الي المزدلفة توقف الاتوبيس لوحده لان الطريق اغلق من الاتوبيسات توضأنا وصلينا المغرب والعشاء وبعدها احسست برعشة تسرى في كل جسدى وارتفعت حرارتى ولم اشعر الا وانا والاتوبيس يتحرك للذهاب الي منى وقد صلوا الفجر ولم اشعر والحمد لله كانى لم يكن بي شئ قولت في نفسي لعلها بقايا ذنوب (لي بقايا ذنوب لست اعلمها الله يعلمها في السر والعلنى) اراد الله ان يطهرنى بهذه الحرارة والتى علمت ان حظ المؤمن من النار الحمى فيارب تكون قد قدرت لي ذلك يارب....

ونكمل بإذن الله وحوله

الخميس، 13 ديسمبر، 2007

رحلة الي الله 1


في 2 ذى الحجة العام الماضي كان يوم الخميس الموافق 21/12/2006 كان يوم السفر اتصلت باصحابي القدامى من المرحة الابتدائية كان بالي فترة مكلمتهمش -ظروف الزواج والاولاد والعمل وكل واحد مشغول بحياته- ودعتهم ودعوتهم ان يدعو لي ان يكمل الله كرمه علي وعليهم بهذه الرحلة المباركة ، ركبنا الاتوبيس من عند جامع عمرو وصلتنى عائلتى وعائلة زوجى واخت زوجى وكان برفتى زوجى الحبيب واخته التى هى اختى واكثر بالفعل وكانوا نعم الرفقة والمعين، انطلق الاتوبيس في رحاب الله الساعة 12 مساء تقريباً وكأنى سوف افتح عينى واغلقها الاقينى هناك وصلنا نويبع الساعة 11 صباحاً صلينا الجمعة هناك ونويبع دى بقي صاحبتى لانى كنت ذهبت للعمرة بري سابقاً عرفاها كويس يعنى عارفة كل ما هو موجود بها وغير موجود وانتظرنا حتى نكمل ختم الاوراق وختموها ولكن لا يوجد عبارة تنقلنا الي العقبة صلينا العصر والمغرب وكمان العشاء المهم قالوا لازم تغادروا الميناء لان اوراقكم مختومة بتاريخ اليوم وبعد الساعة 12 مينفعش تكونوا موجودين في مصر لازم تغادروا طب خدوا اللانش السريع وبعدين الاتوبيس يحصلكوا وبالفعل اخدنا هذا اللانش السريع وكان جميل بصراحة ومريح جدا ووصلنا الي ميناء العقبة حوالي الساعة 2 صباحاً وانتظرنا ان الاتوبيس يجى حتى الساعة تقريباً الخامسة او السادسة صباحاً ميناء اعقبة ظريف ومتحسيش انك غريب فيه بصراحة محستش الاحساس ده خالص وكانت معاملة الاخوة هناك اكثر من محترمة جزاهم الله خيرا، في الطريق من ميناء العقبة الي حدود الاردن منطقة اسمها المدورة وقفنا للوضوء والصلاة واثناء وقوفنا راينا اتوبيس اخر يستقله مسلمين من طازخستان شدنا طريقة فرش الاتوبيس تم تغطية كراسي الاتوبيس بالواح اخشاب وفرشه بمراتب اسفنج ووسادات سألنا احدهم والذي كان يتكلم العربية شوية علمنا انهم بالطريق منذ 9 أيام وقال انهم اتوا عن طريق تركيا مروراً بالبحر المتوسط ثم دول شمال البحر المتوسط مروراً بالبحر الاحمر فالعقبة , قولنا لنفسنا واحنا عمالين نقول الثواب علي قدر المشقة مشقة ايه دا احنا في نعمة والغريب كان الاكل اللي بيعملوه كلهم ينزلوا في الاستراحات مجموعة تجهز الاكل لحمة شكلها مجفف تكسر منها قطعة ويعملوا عجينة ويسوهم علي النار يكلوا كلهم مع بعض العجين واللحم ثم مجموعات ايضاً ينظفوا الاوانى ويعودوا كأن شئ لم يكن وكان احلى حاجة فيهم عمل الجماعة ده. كملنا الرحلة الي حدود السعودية منطقة اسمها حالة عمار نزلنا وفتشوا الشنط بصورة حضارية جداً واحترام لم نعهده في جهات اخرى وكملنا الطريق حتى وصلنا الي مدينة الحبيب صلي الله عليه وسلم فجر الاحد 4 ذو الحجة رمينا الشنط في الفندق وذهبنا الي حبيبنا معلمنا وقدوتنا لنسلم عليه ونصلي الفجر في مسجده (يارب لا تحرمنا الزيارة ولا الصلاة في مسجد حبيبنا صلي الله عليه وسلم)

ولنكمل الرحلة بإذن الله وحوله.....

الأحد، 9 ديسمبر، 2007

رحلة الي الله


في الوقت ده من السنة اللي فاتت كنت هتجنن لان تأشيرة الحج مكنتش لسه جت وكنت حاطة امل كبير جدا ان ربنا سبحانه وتعالي هيكتبي الحج عام 1427 لانى كنت حجزت سنة 1425 والدكتور قال مينفعش اسافر لان الحج كان في اواخر اشهر حملي فالغيت الرحلة وكلي حسرة لانى لن اكون مع الحجاج وكل سنة في وقفة عرفة ابكى اشد البكاء واقول لنفسي يارب اكتب لي حجة عندك نفسي يارب البي لبيك اللهم ام لبيك لبيك لا شريك لك لبيك ان الحمد والنعمة لك والملك لا شريك لك مش متخيلة ان ده كله كان وانى فعلا سافرت ورجعت و حجاج السنة دى سافروا برده قلبي بيرفر ويحوم هناك كانى لسه مرجعتش انا معاهم لحظة بلحظة ياه يوم مصليت في الروضة الشريفة وبكيت بكاء فظيع ودعيت واذا بهاتف يقول لي الم تدعى واستجاب لك اه والله لا اصدق انى نسيت انى دعوت بهذه الدعوة وربنا تبارك وتعالي استجاب ياه يا ارحم الراحيم يا الله (ان الله بعباده لرؤوف رحيم) واخيرا التاشيرة صدرت واستلمناها قبل السفر بيوم وكان السفر بالبر وعن طريق نويبع وليس سفاجا بدات الرحلة يوم 2 ذو الحجة 1427 وهكذا تكون الرحلة

هتذكر معاكوا بيوم بيوم ان شاء الله تعالي بكل روحانياته وجهاده سواء البدنى او النفسي مكنتش متخيلة انه جهاد بس فعلا لما تتحط في مواقف لازم تتصرف فيها بغير طبيعتك وتجاهد نفسك خصوصا انه (لا رفث ولا فسوق ولا جدال فى الحج)اه حتى الجدال اللي هو السمة الاساسية في حياتنا اذا كنا علي حق او لا.

كل سنة وكل الامة الاسلامية بخير وسلام وحب وقوة وخوف علي بعض ومتحدين

الخميس، 29 نوفمبر، 2007

البهلوان والمرأة العاملة

عمرى ما حبيت انى اتفرج علي السيرك ولا في اى مرحلة من مراحل حياتى حتى لما البنات بيتفرجوا علي السيرك مش بيشدنى انى اتفرج معاهم زى افلام الكرتون او والت ديزنى بس في الحقيقة اللي اظنه في لاعبي السيرك انهم علي لياقة عالية وتدريب يومى مستمر الي ان يصل الي هذه المهارة في الفترة دى كل ما افكر في المرأة العاملة اربط بينها وبين بهلوان السيرك بل ان المراة العاملة اكثر لياقة من بهلوان السيرك لان البهلوان يستطيع ان يلعب باكثر عدد من الكور وهو علي سبيل المثال 6 كرات اما المراة العاملة فتستطيع ان تلعب باضعاف هذا العدد بداية من اللعب مع وسائل المواصلات للذهاب والعودة من العمل مرورا باللعب مع الحضانات والدادة لترعى الاطفال في غيابها او للانتظار إذا تأخرت عن موعد انتهاء العمل بالحضانة ثم باللعب في تحضير الطعام سريعا محاولة منها لتوفير اى وقت ممكن لتبدأ مرحلة اللعب بالواجبات المدرسية والمذاكرة للاولاد ثم اللعب لانقاذ ما يمكن انقاذه في المنزل دى الكور السريعة لم نتحدث عن الكرة الاخطر وهى التربية ، وفي النهاية المطلوب منها ان تلعب علي الكرة الخاصة بها يعنى لو فيها شوية جهد ..صحة..نفس اى حاجة منهم لان لنفسها عليها حق ولعبادتها ايضا حق او اى هواية تفتكروا بعد كل هذا الجهد ممكن يكون في واحدة منهم اى نفس للعب بالكرة الاخيرة لا اعتقد وفي النهاية جميع الكرات تمام الا كرتها هى, قرأت تدوينة للاخت صاحبة مدونة ما علينا وهى تتحدث عن عمل المرأة وانها حتى رغم ان عملها لا غبار عليه الا انها تحس انها ليس من هذا العالم سبحان الله وتتسآل لو مش العمل يبقي ايه ، اما انا فبسأل هل العمل هو وسيلة لقتل الوقت؟ أم هو وسيلة لكسب العيش؟ أم هو وسيلة لتحقيق الذات؟ أم هو الوسيلة للاحساس بالاهمية والاهتمام؟ ام هو وسيلة لايجاد وسط للعيش فيه بخلاف البيت والاهل؟ أم هو وسيلة لتأمين المستقبل؟ كل الاسئلة بتدور في راسي تبحث عن اجابة ربما يكون مجتمعين عند احدانا او متفرقين اما النهاية فواحدة .
للمفارقة انا وبعض الاخوات في المسجد كنا نتحدث بالامس فقط عن ان زميلة لنا تركت العمل وتقول اخيرا اخذت القرار وعند تعجبنا ردت قائلة تفتكروا ده كان يبقي حالى لو اننى مازلت بالعمل انا الان احفظ جيدا واحضر المحاضرات وجسدياً لست متعبة واخرى ردت قائلة انا ايضاً عندما اتزوجت سوف اترك العمل واكيد ده مش قرار صعب الحديث معهم رجعنى حوالي 12 سنة واخذت تنهيدة عميقة ولا اعتقد ان احداً فهمها غيري

تجربة

عند الامتحان يكرم المرء او يكرم برده ، الحمد لله كان عندى اختبار شفوى امبارح في سورة البقرة حتى الايه105 ودى اول مرة يطلب منى التسميع من مواضع متفرقة كنت خايفة جدا ان مجهودى في الفترة الي فاتت لو مسمعتش كويس احبط او ان نفسي والشيطان يخدوه مدخل انى مستمرش ده كان كل قلقي بس الحمد لله علي قد ما التجربة كانت جديدة الا انها تمت علي خير وقالت المحفظة انتو خايفين كده ليه ده هو جزء امال لما تكملوا وتمتحنوا في 30 جزء تعملوا ايه سرحت وقولت لنفسي ياه ياريت اللهم يسر لنا فظ كتابك الكريم ، اول ما سالتنى حسيت ان مخى عبارة عن ورقة بيضة فاضية مفيهاش اى كتابة بس شوية ابتديت استرجع يعنى وقفت شويتن في اخر سؤال بس الحمد لله الاجمالي تمام واحكام التجويد تمام ، سالتنى خمس اسئلة اقرى من قوله تعالي:

أو كصيب من السماء

إن الله لا يستحى

وإذ نجيناكم

وإذا استسقى

ولما جاءهم

وفيه موضعين ولما جاءهم ولما بدأت قالت لي لا ولما جاءهم الاخرى ايه الحلاوة دى ، سبحان الله مكنتش متخيلة انى ممكن اعرف اقرأ من غير تواصل سبحان الذي علمنا زى كده شريط الكاسيت اللي بتجريه من الاول للاخر وهكذا الحمد لله وسعادتى زادت جدا لما كمان اختى وخالتى سمعوا كويس يا سلام والله صحبة الخير دى مالهاش حل اتحفزنا جدا بعد الاختبار وخرجنا احنا الثلاثة تقريبا طايرين من الفرح

الأربعاء، 21 نوفمبر، 2007

لون حياتك


جميل اوى لما تكون زهقان وحاسس ان الوقت بيعدى بسرعة البرق وانك مش لاحق تعمل اي حاجة وانك عايزة تعمل حاجات كتير جدا واليوم قصير ده في حد ذاته جميل وهو ده الجانب الممتلئ من الكوب ليه لان فيه ناس كتير جدا مش عارفين يعملوا ايه واليوم بيعدى بالزق معاهم في مشاهدة علي التليفزيون او رغي في التليفون او في التواجد المستمر في النوادى والموضة في الزى والشعر واللون وفلانة عملت تحس كده انك يا مؤمن مختلف تحس انك انسان انك عايز تعمل صلة رحم ازاى يوم يعدى من غير ما تعمل صلة رحم وازاى يوم يعدى من غير صلاة نوافل دينا جميل اوى وفيه ابواب خير كتييييييير تشعرك بآدميك وانك مش عايش علشان تاكل وتشرب وبس.

ايوه علي غرار جدد حياتك والنيو لوك اللي كل الناس عملته
تعالوا بينا كلنا نلون حياتنا بالطاعات

السبت، 17 نوفمبر، 2007

تاج

بصراحة زى كده ما اكون مصدقت ان محمود صاحب مدونة آلام وآمال يبعت لي التاج ده لانى كل ما ادخل علي مدونة الاقي فيها تاج اقعد افكر واقول لو اتوجه لي السؤال ده هرد بايه يعنى ظريف ان الواحد يتسأل اسئلة مش متخيلها فيفكر ويجاوب وتتطلع منه حاجات جميلة ميكنش حاسس بيها زى مثلاً هل انت راض عن حياتك؟ ما هو اسوأ شي حصل لك او ممكن يحصل؟ لاننا بتعيش الحياة ومواقفها بس ومفيش وقت تفكر هل انت سعيد؟ لو اه له؟ ولو لا برده ليه؟ وربما تكون دى وقفة توجهنا او تنير لنا الطريق للقادم.............. يالا بقى نشوف التاج بقي اخباره ايه-محدثةنعمة شكلى كده:
لو قالولك اختار عصر من عصور مصر علشان تعيش فيه تختار اى عصر و فى عهد اى حاكم ؟
لو اتسألت السؤال ده من فترة كنت جاوبت اجابة تانية خالص بس دلوقتى بقول ان ده اكيد احسن فترة اللي انا بعشها لان هو ده قدرى فمش هفكر في عصر تاني لانه ده اكيد الاحسن.
اول اولويه فى حياتك عيلتك ولا شغلك ولا اصحابك ؟
عائلتي طبعاً ومن غير تفكير
ايه اكتر حاجه بتحبها فى رمضان ؟
كل حاجة في رمضان بحبها اللمة ,الصحبة , الشوارع ساعة الافطار, الخير, الصلاة, الصيام, التراويح, التهجد, وقت الشغل, كله كله ررررررررائع.
أوصف ليا اجمل فطار ممكن تفطره ؟
افطار كل عائلتنا فيه مجتمعة علي حب وطاعة الله سبحانه وتعالي
لو انت حاكم علي مجموعة من الافراد هتكون عادل؟ طب هتعمل ايه علشان تتأكد انك حاكم عادل؟
اكيد هحاول طبعا اكون عادلة علي قدر المستطاع وبعدين كل واحد فينا راع ومسئول عن رعيته والراع ده اكيد في منزلة الحاكم سواء في العمل لو هو مدير او في البيت عن الاولاد .
انت مش محتاح انك تعمل حاجة علشان تتأكد انك حاكم عادل من احوال الرعية بيبان من غير اعمال.
اللى بيبوظ الحكام .. نفسهم؟ ولا الشعب؟ ولا الحاشيه المقربه ؟
كلهم بيبوظا بعض
مين أكتر اعلامي مصري بتحترمه ؟
مش متابعة غير منى الشاذلي في العاشرة مساء وقلم رصاص لحمدى قنديل
قريت ديوان عمر مصطفى صاحب بلوج تجربه " اسباب وجيهه للفرح" عن دار ملامح و لا لسه ؟؟ لو اه ايه رايك فيه ؟
لا بس هدخل اشوف المدونة ان شاء الله
لو ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ايه ؟
كنت عايزة زممممممممممممممممان اطلع مرشدة سياحية مش عارفة ليه -مع انى متأكدة انى منفعش-.
ايه تانى بلد تتمنى تعيش فيها بعد مصر ؟
انا مبفكرش انا عارف المدينة المنورة طبعاً
بتراعي كلام الناس والقيل والقال ؟لو اه او لو لا قول لى ليه؟
لا لانى قبل ما اقدم علي اى عمل بكون درسته كويس وعارف ايه مزايه وعيوبه وبتشير وبستخير علشان كده لا اعبء بكلام الناس
صحيت من النوم ما لقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنه هتكون سعيد ؟
لا لان كل ما الانسان بيستخدم التكنولوجيا حياته بتتغير غير لما يكون ما استخدمهاش اصلاً تفرق كتيير
السعاده هى؟
رضا الله عليك
عندك أمل ؟ أسبابك؟
اكيد عندى امل هو فيه حد يقدر يعيش من غير امل ايمانى ينبع منه املى
لما تحب تهرب من كل شئ بتروح فين ؟
بمسك كتاب او جريدة وكوباية شاي واقعد مع نفسي
امتى أول مره خدت فيها نفس طويل كده وقلت بينك وبين نفسك يااااه الظاهر انا فعلا كبرت ؟
كل ما احس انى نفسي قصر او بمعنى اخر الاقي روحى مش طويلة مع المشاكل اقول اه شكلك كبرتي
لما بتعمل عمل خيرى بيكون ايه هو دافعك الاول ؟
رضا ربنا وتقبل العمل لدخول الجنة
بتشرب سجاير ؟ لو الاجابه اه ايه شعورك لو شفت ست بتشرب سجاير ؟ وليه ؟
لا بس كان في دماغي من زمممممممان ان شرب السجاير انحراف وانا معرفتش انحراف طول عمرى
بتعرف ايدك اليمين من الشمال ازاي ؟
الشمال فيها الدبلة
ايه اكتر اله موسيقيه بتحبها ؟
كنت زمان بحب الهارمونيكا بس يعنى كده نفسي اتقطع
فى رأيك ليه الذوق والنخوه اتعدموا ؟
مفيش حاجة اتعدمت قلت اه بس لسه فيه والسبب ان الناس بعدت عن الدين بمفهومه الصح وبقي محصور في العبادات وبس ايه الحاجى اللي لو حصلت لك تبقى سعيد قوى ؟ ان اتم حفظ القرآن الكريم واحصل علي الاجازة
تختار يبقى عندك ... ارض زراعيه ولا اجنس عربيات و لا كام عماره و لا فلوس فى البنك ؟ اختار الله فيهم راحة البال
البحر و لا النيل ؟ النيل طبعا لانى بخا ف من البحروبشرب من النيل
مركب و لا طياره ؟ االلي متعرفهوش انى بخاف موووووووووت من المية تبقي الطيارة اكييييد
مجنون و لا عاقل ؟ ساعات الجنون بينفع بردة بس العادى عاقل
اتقرأ كتاب و لا تتفرج عليه فيلم ؟ اقراه ده اكيد لانى بشوفه بالقرأة بعينى انا مش بعين المخرج او الممثل
بتمرر التاج لمين ؟
علي غرار المواطنين بعد الانتخابات انا في الاول بشكر كل اللي تعب نفسه وقرأ التاج ده واعذرونى لو اطلت عليكم او كنت غلسة في حاجات ثانيا احب امرره لكل صاب مدونة او حتى مش صاحب مدونة يقرأ ويجاوب ويشوف اخبار نفسه ايه وممكن اخص ءارباب متفرقون خير عايزة اشوفه و السلام ختام

السبت، 10 نوفمبر، 2007

اسبوع الصداقة الصدوقة




البنات (بناتى الثلاثة) وهما بيتفرجوا علي تيمون وبمبا الكرتون المعروف كان فيه حلقة عن يوم الصداقة الصدوقة وكنت فاكرة ان ميش بيوم اسمه كده وانه شغل كرتون، الي ان وصتنى رسالة قصيرة كان لها اثر جميل علي النفس محتواه بيقول:

Do u know the relation between you eyes?

They blink together,they move together,they cry together,they see things together and they sleep together.

Even though they never see each other....Fiendship should be just like that!!!!! Life is like hell wihout fiends.

It's world best friend week.

Who is your best friend?

حلوة صح جميلة جدا اهم حاجة انه طلع فيه فعلا يوم الصداقة الصدوقة واهم سؤال هو مين يكون صديقك الصدوق؟

او بمعنى اخر مين هو الشخص اللي تفضل انك تفضفض معاه لما تحس انك مهموم او فرحان او محتاج نصيحة تجري تروح له؟ حد فينا فكر في الصديق الصدوق ولا زى ما بتيجى واى انسان قريب والسلام, كان لسه صديق عزيز بيقول لي ان في الاوقات الصعبة دى لازم يكون فيه حد جانب كل واحد فينا يلجأ اليه وقت الفرح او الضيق او حتى لو حب يتكلم وبس ويحس ان فيه حد بيسمعه وبيسمعه صح, اكيد كل واحد منا محتاج للانسان ده اللي يكون حتة منه

بصراحة فكرت كتير لانى الحمد لله عندى اصدقاء بحبهم في الله اصحاب وجيران وفي العمل ومن الدراسة واصحاب من الطفولة واصحاب في الله من الدورس والمعهد طب مين هو الصديق الصدوق بصراحة كل واحد منهم له شخصيته المميزة والتى تتسم بصفات جميلة جدا احبها ومفيش حد يخلوا من العيوب سبحان الله بجد بجد كلهم مع بعض بيكونوا فريق صداقة صدوقة مش ممكن يعنى لما بحتاج لمشورة دينية بحتة ومحتاجة راي مخلص اعرف من ألجأ اليه/ اليها ولما بحتاج افضفض عارفة مين يستحمل غلاستى ولما احب استشارة علمية معملية فزة برده عارفة مين فيهم كلنا مع بعض فريق الصداقة لزنقة وضيق وفرح دايما موجود.

انتوا بقي ايه اخباركوا مين الصديق الصدوق لكم!!! مستنية اعرف؟؟؟؟؟؟

وقال الامام الشافعي في قصيدة 'الخل الوفي' عن الصداقة والاصدقاء

اذا المرء لا يرعاك الا تكلفا

فدعه ولا تكثر عليه التأسفا

ففي الناس أبدال وفي الترك راحة وفي القلب صبر للحبيب ولو جفا

فما كل من تهواه يهواك قلبه ولا كل من صافيته لك قد صفا

اذا لم يكن صفو الوداد طبيعة فلا خير في خل يجيء تكلفا
ولا خير في خل يخون خليله ويلقاه من بعد المودة بالجفا
وينكر عيشا قد تقادم عهده ويظهر سرا كان بالامس قد خفا
سلام على الدنيا اذا لم يكن بها صديق صدوق صادق الوعد منصفا
اه والله سلام علي الدنيا ان لم يكن بها صديق صدوق صادق الوعد منصفا

ودى عجبتى جدا عن الصداقة وبتعبر عن فريق الصداقة ايه رايكم؟؟
للحـب عيـد .. وللوطـن يـوم ميـلاد
واليوم .. شكل اليوم ( عيد الصداقـه

صنـدوق جوالـي لـه شهـور مـازاد
تقـول بـه عـن المواصـل إعـاقـه
واليوم .. هـو ويّـا المراسيـل بجهـاد
مابـه صديـق الا بعـث لـي بطـاقـه
" هذا معه بعـض النصايـح والارشـاد
ينصح بحب .. وطيب قلـب .. ولباقـه
يسلى ويبطي به زمانـه .. وإلا عـاد:
كنـه يقـدم لـي مـن الـورد باقـه "
" وهذا ضحوك وخاطـره ياسـع بـلاد
واشفـق لوصلـه يـوم يبطـي شفاقـه
يغيب ماقصده بهـا صـدّ .. وبعـاد ..
بـس الزمـن محكـم عليـه إنغلاقـه "
" وهذا عزيز.. وغالي.. وعون.. واسناد
ويتعـب علـى نفـع القريبيـن ساقـه
أبطي .. واقصّر في وصاله .. ويـزداد
بالوصـل وفعـولٍ تـعـز الرفـاقـه "
"" وهذا زعول .. وواقفٍ لـي بمرصـاد
غالـي .. ولكـن بـه شويـة طفاقـه
مايرسـل الا كــود شــاره ونـقّـاد
ويبحث ورى بعـض العلـوم الدقاقـه ""
"" وهذا يجـي كنـه صباحـات الاعيـاد
يرسـل ويبـدي بالحـروف اشتيـاقـه
وانا ادري انـه مايجـي الا لـه مـراد
والله يعجّـل فـي مجـيّـه فـراقـه ""
"" وهذا عن علومـي والاخبـار نشّـاد
ينشد عن أحوالـي .. ووضـع العلاقـه
ثـم دبلـج الفلـم الثـلاثـي الابـعـاد
وباااعه على اللي يشتـرون الحماقـه ""
الوصل طيّـب .. لوهـو بـدون ميعـاد
لكنّ بعـض الوصـل .. مـرٍ مذاقـه ..
لاصار مايبنـى علـى العـز .. لاعـاد
ولاعاد .. جابه .. ومـدّه .. وساقـه ..
وختامها تكتـب علـى روس الاشهـاد
بيتين .. ماهي من ضميـري سراقـه:
" ياصبر جوالي علـى بعـض الافـراد
اللـي بثقـل الـدمّ .. عنـده لياقـه ..
وياحظـي بوصـل الكريميـن الاجـواد
اللي يعزّون الخـوي .. والصداقـه .."

الاثنين، 5 نوفمبر، 2007

النجاح


احساس النجاح ده احساس حلو جدا واثره طيب علي النفس لان كل انسان يتشوق ان يشوف نتيجة تعبه ومجهودة مكللة بالنجاح الكلام ده بقوله وحسيته قوى وانا بحضر حفلة تكريم ابناء العاملين المتفوقين اللي اقامتى شركتى الحبيبة أوليمبيك جروب ، الاحتفال كان حلو جدا جدا جدا -الله يبارك للقائمين عليه للظهور بالمظهر الجميل ده- الاحتفال كان في سرايا1 بفندق انتركونتنتال سيتى ستارز .
الاولاد والبنات المكرمين كان شكلهم حلو جدا جدا وهم لابسين الكاب وهم داخلين القاعة علي موسيقي المارش كل اللي كانوا حاضرين كان حاسين بالفرحة معاهم وكانوا بيدعولهم من كل قلوبهم ان ربنا سبحانه وتعالى يمن من فضله عليهم ويستمروا في مزيد من النجاح وافتكرت اغنية عبد الحليم حافظ وبنفس الحماس اللي كنا بنقوله واحنا في سنهم
الناحج يرفع ايده ويغنى في عيدنا وعيده
ايوه
صح يوم نجاحك هو يوم عيد بالنسبة لك فما بالك بابوك وامك اللي تعبوا وسهروا الليالي وانفقوا وخصوصا للي في الثانوية العامة اد ايه كانت فرحة الاهالي بهم وكل واحد واخد ابنه وهو شايل وسام التفوق اللي قدمته ادارة المجموعة والفرحة في عيونهم ظاهرة جدا كان يوم جميل جدا جدا خرجنى من المود اقصد الحالة المزاجية اللي كنت عايشاها بعد قراءة خبر وفاة الاخت بهلولة وقولت سبحان الله وسبحان مقلب القلوب يقلبها كيف يشاء ومتى شاء واستحضرت الحديث الشريف: قال رسول الله صلى الله عليه وسلم قال: ((يتبع الميت ثلاثةٌ: أهلهُ ومالهُ وعملهُ: فيرجع اثنان، ويبقي واحد ؛ يرجعُ أهلهُ ومالهُ ويبقى عملهُ" متفق عليه يعنى في الاخر الحمد لله عمل الواحد هو اللي هيبقى معه يعنى نعمل ومش نعمل وبس لا كمان الاحسان زى اللي الاولاد عملوه -يارب يستمروا في الاحسان ده علي طول حياتهم بجد مصر هتبقي حاجة محصلتش لو كمان في حياتهم العملية استمروا بنفس النجاح والتميز -وايضاً ما رواه البيهقي "إن الله يُحب إذا عمل أحدكم عملاً أن يتقنه"يعنى مفهوم الجودة وتجويد العمل مش جديد علي المسلمين ، فالإسلام يحثنا على إتقان العمل ويدعو للتحسين والجودة والإتقان في العمل وجعل لمن يحسن العمل أطيب الجزاء في القران الكريم ، مثل قوله سبحانه وتعالى (( صُنع الله الذي أتقن كل شيء إنه خبير بما تفعلون )) النمل 88
، وقوله سبحانه (( إن الذين آمنوا وعملوا الصالحات إنا لا نضيع أجر من أحسن عملاً)) الكهف 30 " الحمد لله زى ما فيه مواقف بتذكرك وتفوقك كمان فيه مواقف بتحسك علي العمل وتفكرك برده بس من ناحية تانية.
التدوينة اللي جاية ان شاء الله يكون معايا الصور علشان الاحساس يوصل بالصورة اكثر وتشاركونى احساسي الجميل
الورد ده للمتفوقين في كل مكان وكل زمان وكل مجال ولاهلهم واللي حسوا بهم زى ً

السبت، 3 نوفمبر، 2007

قالوا ماتت

من فترة طويلة وانا حاسة ان الوقت بيمر بسرعة غير عادية واليوم بيمر كانه ساعة والاسبوع كذلك ولما فتحت اجندة عام 2007 قولت ياه 2006 مرت بسرعة جدا طب عملت فيها ايه بس بصراحة قولت اهم حاجة عملتها السنة اللي فاتت انى اديت فريضة الحج انا وزوجى الحبيب ودى كفاية اوى لانها نعمة وفضل من الله لادخل لي بها لانى منذ سنوات وانا ابكي واحترق شوقا لاداء هذه الفريضة العظيمة الي ان من الله علي بادائها طب سنة 2007 وانا بتصفح الاجندة لقيت اننا بقينا في اخرها طب عملت ايه. كنت من فترة وضعت خطة انى لازم اكون حافظة القرآن ودرست علم الحديث والتفسير ده بدخولي العقد الرابع تمهيدا لدخولي معهد اعداد الدعاة عل الله ان يستخدمنى لخدمة دينى طب عملت ايه بقي علشان ده يتحقق،اجهدنى التفكير واثناء حديثى مع شخصية احترمها جدا واقدرها قال لي مش لازم كل حاجة تبقي 100% ممكن حاجة تكون 75% وتكون كويسة فلا ترهقي نفسك باكثر مما تستطيعى يعنى لو الوقت ده ما ينفعش فيه قرأة قرآن ممكن تقدرى تصومى وهكذا بصراحة اثرت فيا كتيرالمحادثة دى ويمكن هى اللي ريحتنى في رمضان لما ظروفي كانت تمنعنى ان اصلي التراوح في المسجد واقول كل مرحلة من عمرنا لها مزايا وعيوب ولازم اننا نتواءم من ظروفنا يعنى ان شاء الله لو ربنا احيانى كمان سنتين تلاتة ممكن البنات يكونوا كبروا واقدر انزل وان مضطمنة ، لكن بعد شوية قولت لا طب اعلم قضاء الله منين وهل هقابل الله لو قالوا ماتت وانا نفسي اقابل ربنا سبحانه وتعالي بأضعف الايمان علي الاقل الزهراوين (البقرة وآل عمران) لو وافتنى المنية وانا بعمل احسن من ركونى وانتظارى لظروف احسن تعيننى علي اللي عايزة اعمله وعزمت علي انى اشوف محفظة او دار من دور التحفيظ للالتحاق بها الي جانب انضمامى الي الاكاديمية الاسلامية المفتوحة لدراسة باقي المواد الشرعية خصوصا انها متاحة للدراسة عبر الانترنت و اثناء مرورى علي دور تحفيظ القرآن اخر رمضان محاولة منى لانقاذ ما يكن انقاذه وجدت معهد اعداد محفظى القران الكريم ويشاء الكريم ان فترة التقديم تمتد حتى اقدم فيه وبدأت وانا متوكلة علي المولى سبحانه وتعالى ان يساعدنى ولكن لانشغالي في البيت والعمل لا استطيع الحضور بصفة مستمرة فاعود لنفس المشكلة وهى الوقت مش عارفة اجيب وقت منين بس هحاول وادعولي لانى خايفة جدا اقابل ربنا من غير ما اعمل حاجة وادعوا لبهلولة ان يتغمدها الله برحمته واسال الله ان يبارك لنا في اعمارنا والمسلمين وفي اوقاتنا واوقات المسلمين.. امين امين معلش اطلت عليكم بس حبيت تشاركونى همى وافضفض مع احبابي

الجمعة، 2 نوفمبر، 2007

ممكن تدخلوا وتقولوا رائكوا

دى مدونة عملتها انا وخالتى عمل مشترك اصلي بحب العمل الجماعي ممكن تقولواي رايكوا
احبكوا في الله

السبت، 27 أكتوبر، 2007

يا سكان المقطم اتحدوا

اللي بينزل كل يوم ويطلع من طريق المقطم يلاحظ ان كل يوم اعلان اعمار مصر"أب تاون كايرو" يوم موجود ويوم لا ودى حاجة موجودة بصفة مستمرة ولفترة طويلة ومرة يغيروا الاعلان ومرة يرجع زى ما هو الاعلان ده بقي من الطرائف اللي بيضحكوا عليها في المقطم ناس تقول ارزاق وناس تقول ايه العبط ده وناس تقول اهى فلوس كتير وهكذا الغريب ان محدش كان عارف ليه وكل شوية تطلع اشاعة عن سعر المتر للشقق والفيلات اللي بالدولار وعن الخلافات اللي موجودة في الشركة وناس تقول عن انهم بيحتالوا علي محافظة القاهرة علشان يمشوا الاجراءات من غير ما ينفذوا الاشتراطات اللي طالباها محافظة القاهرة اه يا مكتر اشاعاتنا
طبعا محدش عارف ايه اللي ممكن يكون في الاشتراطات اللي اتنشرت كالتالي:

أن يكون التعامل مع محافظة القاهرة عن طريق المالك الأصلي للأرض وهو شركة النصر للإسكان والتعمير
‬ أن تتقدم شركة النصر للاسكان والتعمير باعتماد المخطط العام للمنطقة عن الهيئة العامة للتخطيط العمراني‮ .. ‬ثم تقوم بتسليمه إلي مديرية الإسكان لإعداد المخطط التفصيلي للمشروع واعتماده بقرار من السيد محافظ القاهرة‮.‬يجب ان يشمل المخطط علي نسبة ال‮٥‬٪‮ ‬المتنازل عنها لمحافظة القاهرة‮.‬أن تتقدم الشركة بموافقات شركات المرافق خاصة المياه والكهرباء والصرف الصحي‮ + ‬دراسة مرورية معتمدة من الإدارة العامة لمرور القاهرة وجهاز هندسة وتخطيط المرور بمحافظة القاهرة‮ + ‬موافقة سلطة الطيران المدني‮ + ‬موافقة المجلس الأعلي للآثار‮ + ‬موافقة مجلس الوزراء في حال طلب استثناء من الارتفاعات في منطقة المشروع‮ .. ‬حيث ان الارتفاع المحدد ‮٧١ ‬مترا‮ + ‬موافقة جهاز التفتيش الفني علي المراكز التجارية والسينمات والمسارح والقاعات متعددة الأغراض والجراچات في ضوء الكود الجديد الصادر من وزارة الاسكان‮ + ‬تقديم دراسة جيولوجية عن حالة الهضبة والاحتياطات الواجب اتخاذها لتفادي خطورة البناء علي الهضبة‮.‬

اعتقد ان اهم حاجة تقديم دراسة جولوجية عن حالة الهضبة يعنى كانت ازمة كبيرة جدا في اواخر التسعينات عن حالة الهضبة وباحثين كبار من جامعة عين شمس اكدوا بضرورة عدم رى الحدائق في الهضبة نظرا لتأثير المياة علي الهضبة ده مجرد رى فما بالكم بمسطحات الجولف وعيون موسي وصرف صحى تفتكروا ممكن ينفذوا الاشتراطات ولا كله عند العرب فراولة وكله عمر افندى وشيكوريل افندى بردة لحسن يزعل

مبروك جالك زميل اسرائيلي

كنت اتكلمت في 25 اغسطس الماضي عن التطبيع وقولت وقتها ان اخطر انواع التطبيع هو التطبيع الثقافي وكانت التعليقات عن انه لا يمكن التطبيع مع من قتل شبابنا واطفالنا وسرق احلامنا وده حاجة علي الورق بس ومش هتحصل وذكرت ايات" ولن ترضي عنك اليهود ولا النصاري" وكل اجمع علي ان التطبيع مستحيل واليوم وانا بقرأ في جريد الاسبوع عدد 20/10/2007 شدنى عنوان بيقول
"لا تستغرب إذا وجدته بجوارك‮ ‬يصلي الجمعة‮'‬إسرائيل‮' ‬تطبٌع مع المصريين ب'قنصل‮' ‬مسلم‮!!‬"
بقرأ تفاصيل الخبر لقيت ان اسرائيل قررت تعيين قنصل جديد لها في القاهرة،‮ ‬هو‮ '‬حسن كعبية‮'‬،‮ ‬الذي تسلم مهام عمله بمقر القنصلية بالإسكندرية قبل أيام،‮ ‬خلفا للقنصل السابق‮ '‬إيلي عنتيبي‮' ‬الذي انتهت مهمته في‮ ‬يوليو الماضي‮. وهو من عرب 48 مسلم وتأهل في قسم الشرق الاوسط التابع لوزارة الخارجية الاسرائيلية يبلغ‮ ‬من العمر‮ ‬54‮ ‬عاما،‮ ‬وهو أب لخمس بنات وولد،‮ ‬جميعهم بمراحل التعليم المختلفة،‮ ‬وسيستكملون تعليمهم بمدارس الإسكندرية الخاصة يعنى انت لو طالب ولا عندك اولاد لسه بيدرسوا "مبروك جالكوا زميل اسرائيلي" ، يعنى ازاى زهلت وانا بكمل الخبر والتفاصيل المنشورة دى بالنسبة لي علي الاقل مفاجأة وعمرى ما فكرت في حاجة زى دى طب ازاى هل ممكن نصلي جنبه في المسجد ونتبادل الاحاديث والاراء ونطرح قضايا الوطن العربي للمناقشة ما هو مسلم وعربي كمان وغيره ازاى وهو من هو في هذا المنصب المصدر يؤكد ان خطة القنصل لا تنفصل عن الاهداف الخارجية لاسرائيل والتي تهدف من خلالها الي خروجها من عزلتها وخصوصا في البلدان العربية وخاصة مصروقد أعلن عن نيته لدمج مواطنين إسرائيليين داخل المجتمع السكندري،‮ ‬بل قال‮: '‬إنهم سيشاركون في العمل السياسي والاجتماعي والثقافي والتعليمي والاقتصادي،‮ ‬خاصة في ظل وجود فرع لأكبر شركة ملاحة إسرائيلية ‮‬ ‬القنصل الجديد خدم في الجيش الصهيوني منذ عام‮ ‬1984‮ ‬وحتي عام 2000 ،‮ ‬وقام بسلسلة من المهام العسكرية السرية التي أوصلته لرتبة‮ '‬كولونيل‮' ‬ومارس نشاطات في حقل المجتمع المدني،‮ ‬مما دفع الخارجية الصهيونية للاستعانة به في مهمته الجديدة في مصر‮.في نهاية الخبر ازيك بجي علي راي شادية في فيلم بشرة خير بس بصراحة دى مش بشرة خير خالص والا ممكن تكون بشرة خير علينا لو صحينا كده وشربنا كوبيتين شاي وفكرنا وخططنا ممكن نعمل ايه علشان يطلع نابهم علي شونة
في اخر الخبر وانا في زهولي لقتنى بقول مسلم اه عربي اه يخدم اسرائيل لا لان مفيش مسلم ولا عربي بصحيح ويخدم مصالح الصهيونية فكروا معايا نعمل ايه وازاى ممكن نوعي الشباب لازم نصحى فيهم احساسهم بالاسرى واللي اتعمل فيهم لازم نفكرهم بالحروب والاطفال والشباب اللي ماتوا لازم يعرفوا ان اللي بيحصل في فلسطين مش بعيد عليهم وان كلنا امة واحدة" اذا اشتكى عضو تداعى له باقي الاعضاء بالسهر والحمى" وكلنا مسلمين يعنى اعضاء في جسد واحد. ودى وصلة الخبر

الثلاثاء، 23 أكتوبر، 2007

في احلامى جنى


وانا ماشية في الشارع ومش عارفة امشى طبعا لان مفيش رصيف والسيارات بتعدى من جنبي بترعبني لان مفيش مطبات ولا عساكر شرطة لقيت علبة غريبة بفتحها لقيت فيها فانوس قديم كده شكله غريب قولت تلاقي عيل غلب امه فرمت الفانوس اعدت انظفه فجأة ظهر لي جني بيقول شبيكى لبيكى طق طق بين ايديكى ولانى مش من اصحاب الافكار الطقة الا انى قولت يابنت ولا يهمك اطلبي اللي انت عايزاه جنى بقي طب اعمل زى اسماعيل ياسين واطلب فلوس كتير علشان اصرفها في الكباريهات وعلي الرقصات ولا زى عبد السلام النابلسي زى مين زى مين
وانا بفكر سمعت صوت من بعيد بيقول اطلبي فلوس و صوت تانى بيقول فلوس من غير نفوذ متنفعش يعنى ايه يعنى نطلب فلوس ونطلب حصانة يا ولد ايه الحلاوة دى واعمل ايه بالحصانة يوه يوه يوه دى انت مش عايشة بقي مش عارفة تعملي ايه بالحصانة نجيب فلوس اكتر من غير ما حد يسالنا منين وبكام.. نعذب في خلق الله اللي مالهمش ظهر ومحدش يقول مين وازاى.. نشترى في مارينا قصور وفيلات ولا مين شاف ولا مين دري.
وصوت تانى بيقول اطلبي تبقي رئيس جمهورية وامنعى الاحتكار ومتخليش رزق وعلاج وتعليم الغلابة في ايد اللي ما يرحمش
انا بقي قولت له بص يا طق طق يا جنى كل اللي اتقال ده ينفع تنفذه قالي لا طبعا مفيش رئيس جمهوية ست قولت طب ممكن ترجع الخضرة في ارضنا قالي انت بتهزرى طبعا لا طب تقدر ترجع الرحمة في قلوبنا قالي انت بردة بتهزرى طب تقدر تخلي الابناء بارين بآبائهم قالي ده بقي هزار رخم محبوش طب ممكن نرجع البركة في ايامنا قالي انت لقتينى علشان تهزئينى من الاخر اطلبي طلب علي قدى.
طب يا جنى انا نفسي في جنينة جنب البيت كلها خضرة وفيها نافورة زى اللي كانت في ميدان التحرير زمااان وفيها اماكن نقعد عليها ومفتوحة للناس مش علشان تكون منظر والاهم انى عايزة وقت اقدر اقعد فيها مع البنات واقرأ الدستور و في ايدى كوباية شاي والبنات بتلعب قصادى تقدر.

قالي انا هحرق نفسي علشان ترتاحي وملقتهوش وسمعت صوت طلع المنبه بيصحينى وصحيت من النوم زعلانة كان نفسي في الجنينة وكوباية الشاى مامتى قالت لي ابقي اتغطى وانت نامية فلقتينا

السبت، 20 أكتوبر، 2007

كراكيب نفسية


بما ان امبارح والنهادة هما يومين التنفيض والمسح والتنظيف والذي منه, وبما ان الفرق والمميز الجمعة دى كان انى كمان نزلت لبس الشتاء وطلعت اللبس الصيفي للبنات وكده. وفي غمرة العمل الشاق افتكرت حاجة مهمة جدا ان زى ما فيه كراكيب منزلية -ولمن لا يعرف لفظ الكراكيب هى الاشياء التى لم تستخدمها لفترة ممكن تكون في احتياج لها او لا وبعض المعلومات تؤكد ان هذه الفترة خمسة اشهر- اكيد فيه كراكيب نفسية زى ما كل شوية نرتب الدواليب والجزامة والمطبخ اكيد لازم كمان نرتب نفسيتنا يعنى ممكن تكون في شخصيات في حياتك لازم تتخلص منهم لعدم وجود دور لهم فيها او عادات لازم تتخلص منها او تستخدمها وبقالك فترة ناسيها او افكار عليك بتنميتها واخرى عليك بالتخلص منها وكده زيها زى كراكيب السندرة مع انى عمرى ما كان عندنا سندرة بس سمعت عنها .

او هواية قديمة جدا بقالك كتيرررررررر ممارستهاش ونفسك تمارسها تروح تجيب الادوات الخاصة بها وتفتكر وتحدد وقت انك تمارسها وممكن يكون فيه البوم صور قديييييييم نفسك تتفرج عليه تانى لتعيد ذكريات في حياتك سواء كانت سعيدة او لا تقوم تجيب الالبوم وتعيد الذكريات من تانى وممكن يكون فيه صديق افتكرته ولقيت نمرته وبقالك كتير مكلمتهوش اتصل به ودردش معاه. ده نفس اللي حصل لي.

وبالصدفة لقيت فيه كركوبة كده علي جنب نفسيتى وضحك لدرجة فظيعة وهي عبارة عن كشكول من عام 1991 هسيبكوا انتو تحسبوا عمره قعدت اقراه رجعنى ورا لكتييييير بس فكرنى بحاجات في شخصيتى كنت نسيتها وباحداث ولا فاكرة منها حاجة ولقيت معاه نمرة تليفون لصديقة كنت بدور علي رقمها من فترة طويلة ولما كلمتها فرحت جداً لما عرفت اخبارها وانها اتجوزت زميل لنا كانت تحبه وانجبت ولد وبنت ظريفة الكراكيب برده.

كمان كركوبة جميلة لقتها وهى ظرف قماش يابانى كان مهدى لي وبه كارنيهات الجامعة وكارنية مكتبة الجامعة والمجلس الثقافي البريطانى وعملات ورقية مكتوب عليها اهداءات من حولي عشرين سنة يابوى والله.

وكركوبة كمان عن ناس مش ناس محبتش تفضل موجودة معايا فتخلصت منها.

اه حلو بردة انه يكون فيه كراكيب نفسية تطلعها وتستعملها وتتفتكرها وترجع لها في اوقات تحتاج لها والكراكيب اللي مالهاش لازمة تتخلص منها بسرعة.

الثلاثاء، 16 أكتوبر، 2007

احساس بالحزن

عند تصفحى للانترنت وبدخولي علي مدونة احسست بصاحبتها وطريقة طرحها للتدوينات جميلة واذا بي اجد نعى لصاحبة مدونة شدنى طريقة وضعه وتصميمه فدخلت علي المدونة وما ان دخلت حتى اصابنى الحزن الشديد واذا بالمدونة لشابة في الثامنة والعشرين من عمرها لا حول ولا قوة إلا بالله العلي العظيم عز الشباب توفاها الله وتخيلت احلامها وامالها لهذه الحياة من امانى في الحياة العملية والحياة الخاصة مثل كل فتاة ونظرت لحال نفسي واذا بى ابكى وابكى علي حالي وحال الكثيرين ممن يمنيهم الامل ويقولون ان شاء الله عند سن كذا اعمل كذا وكذا ما يدرك"لعل الساعة قريب" لا حول ولا قوة الا بالله انه الامل الذي يجعلنا نسوف كل احوالنا انه الامل الذي يجعلنا لا نحسن عباداتنا ولا نحسن استغلال اوقاتنا علي الرغم من اننا نعرف انه نفس داخل لعلنا لا نستطيع ان نخرجه ياربي ياربي ياربي ارحمنا اقسم لنا من خشيتك ما تحول به بيننا وبين معاصيك يارب اعنا علي ذكرك وشكرك وحسن عبادتك .
اللهم ارحمنا فوق الارض وتحت الارض ويوم العرض عليك سبحان الله توفاه الله ومازالت كلماتها تقرأ توفاها الله ومن يعرفها ولا يعرفها يدعو لها بالخير والرحمة.

يفنى الانسان ويبقي ما قدمت يداه يارب ساعدنا علي ان نقدم الخير اللهم احسن خاتمتنا وارحم موتانا وموتى المسلمين

عن أنسٍ رضيَ الله عنه عن النبي صلى الله عليه وسلم قال :
( إِنْ قَامَتْ السَّاعَةُ وَفي ِيَدِ أَحَدِكُمْ فَسِيلَةٌ ،فَإِنْ اسْتَطَاعَ أَنْ لَا يَقُومَ حَتَّى يَغْرِسَهَا؛ فَلْيَغْرِسْها
الصورة اللي علي رباعية صلاح جاهين منة الله عملتها واهديتها لها الله يرحمها ويدخلها فسيح جناته-اسالكم الدعاء

الأحد، 14 أكتوبر، 2007

كلمات المحبة


كل القــلوب إلي الحبيب تميل *** ومعي بذلك شاهد و دلــيل

أما الدلـــيل إذا ذكرت محمداً*** صارت دموع العاشقين تسيل

هذا رسول الله نبراس الهدى***هذا لكل العالمين رسول

شاهدت مهرجان جوائز المحبة في قناة الرسالة ولفت انتباهى حاجة مهمة جدا اننا كلنا كمسلمين بكل طوائفنا(سنة-شيعة-صوفيه) كلنا متفقين ومتوحدين علي محبة النبي صلي الله عليه وسلم وقد ايه مهم جدا انك تظهر محبتك للرسول عليه الصلاة والسلام في اى شئ مادة مسموعة ، مكتوبة، مرئية حتى تتعلم الاجيال القادمة معنى المحبة ويكون مسلك للشباب والاجيال القادمة السير علي نهج الحبيب المصطفى صلي الله عليه وسلم

بصراحة الاباء والامهات ووسائل الاعلام عليهم حمل شديد جداً لتربية جيل علي محبة رسول الله واتباع سنته

اعود للمهرجان اللي كان جميل جدا والمواد اللي اتقدمت ودخلت المسابقة كانت مميزة والاعمال الفائزة هي

فئة شخصية العام: نال جائزتها الشيخ عبد الله بن زايد آل نهيان، وزير خارجية دولة الإمارات العربية المتحدة عرفاناً بجهوده المباركة ودعمه الطيب في سبيل خدمة نشر محبة الحبيب صلى الله عليه وآله وسلم،
فئة الأغنية والإنشاد: أفضل أغنية عربية "إلا رسول الله" للفنان إيهاب توفيق، اول ما طلع علي المسرح كانت عيناه رايحة يمين وشمال كأنه أول مرة يطلع علي المسرح الموقف كان جل بالنسبة له اكيد لان الجمهور والهدف كان غير عادى بس الاغنية كانت خطيرة وكل الحاضرين والمشاهدين دموعهم سالت الاغنية جميلة جميلة جميلة

وكانت المفاجأة بالنسبة لي هي إعلان إسلام اثنين من الذين حضروا هذا الحفل المتميز من غير المسلمين من القارة الإفريقية، من تاثرهم بما شهداه من معاني الجمال الراقية المتصلة بسيد الخلق من خلال تعبير محبيه عن حبهم له وتعلقهم به صلى الله عليه وآله وسلم

الاهم من كده ان ممكن اى واحد يشارك بعمل في حب الرسول عليه الصلاة والسلام

كلمات في حب الحبيب

يا حبيبي يا رسول الله

اه كم احبك يا رسول الله

وكيف لا احبك وقد قال عليك ربي جل وعلي "وإنك لعلى خلق عظيم

وكيف لا احبك وانت من اختارك ربي لتخرج الناس من الظلمات إلي النور

وكيف لا احبك وانت شفيعى يوم القيامة

وكيف لا احبك وانت من سيدخلنا الجنة

وكيف لا احبك وانت من وصي الرجال علينا"استوصوا بالنساء خيرا- رفقاً بالقوارير

وكيف لا احبك وانت رسول رب العالمين

اه كم اشتاق إليك يا حبيبى وكم اشتاق إلي شربة من يديك الشريفتين لاأظمأ بعدها أبدا

أشتاق لرؤيتك واحبك يا حبيبي يا رسول الله -اللهم صلي وسلم وبارك عليك يا حبيبي يا رسول الله
لمعرفة تفاصيل عن المهرجان وكيفية الاشتراك وباقي الجوائز المقدمة

الجمعة، 12 أكتوبر، 2007

عيد سعيد



كل سنة وكل الناس بخير وصحة وسعادة وستر من الله تعالي

كل سنة وكل الاطفال والنساء والشباب والشابات والصبيان والبنات بطاعة اكثر وتقرب من الله تعالي اكثر

كل سنة وزوجى وبناتى ومامتى وباباي واخواتى واخويا حبيبي واصحابي وصحباتي وزملائي ورؤسائي بخير وسعادة

كل سنة وجيرانى وجاراتي بخير وصحة وارتباط اكثر ومحبة اكثر

كل سنة وكل الناس معيدية في بيوتها مع اولادها-مبروك للدكتور عصام علي الافراج-وعقبال الباقيين

كل سنة والصحافة حرة

كل سنة وولاة امورنا بعدل اكثر

كل سنة واختلافنا مع بعضنا اقل

كل سنة ووحدتنا الاسلامية اقوى

عساكم من عواده

عيد سعيد

عيد مبارك بجمال اكثر اوله سرور واخره عزم وعز من الله سبحانه وتعالي-ههههههههههههه بهزر معاكوا

فين بقي عديتى

الخميس، 11 أكتوبر، 2007

ختم القرأن

عند دخولي المسجد ليلة ختم القرأن بسم الله تبارك الله لقيت عدد الحاضرين والحاضرات اكثر بكثير من عدد كل يوم تقريبا يفوق الضعف وعند بحثى-بصراحى انا غلسة اوى في الحاجات دى- عرفت ان فيه مقولة بتقول "أن عند كل ختمة دعوة مستجابة" والناس بتقول ان ده حديث وكعادتى طبعا دورت علشان اعرف ده حديث ولا مقولة وفي النهاية اهتديت انها مقولة وان هذا الكلام لا يصح عن الرسول صلي الله عليه وسلم بس بصراحة المسجد كان مليان بشكل غير عادى والطريق المؤدى اليه اتقفل بالمصلين وكان البكاء والنهنه علي ودنه مفيش حد مبكاش من الدعاء لان الشيخ كان صوته عذب وطريقة قراته ممتازة وقد اسهب في الدعاء مخلاش من فلسطين للعراق للشيشان لمصر للنساء للشباب للرجال لللأباء والامهات لللأحياء والاموات يعنى كان دعاء شامل يمس كل الموجودين وطبعا لاننا محرومين دعاء ولمة وصحبة صالحة خرجنا كلنا كأننا مغسولين وقلوبنا فيها سكينة غير عادية.
أسال الله من فضله ان يديمها علينا ويكثر من لم شملنا جميعاً
لمن يحب القرأة عن اللهث وراء الختمات

الجمعة، 5 أكتوبر، 2007

اللهم بلغنا ليلة القدر

دى مقتطفات من خطبة الجمعة اليوم حبيت تشاركوها معايا جعلنا الله واياكم ممن يبغون ليلة القدر
لماذا يبحث الناس عن ليلة القدر؟ الناس تنقسم منهم من يريد أن يطلب ما يشاء لأن باب السماء مفتوح وفريق يريد أن يدعو فيها كما أوصى الرسول عليه الصلاة والسلام عائشة رضي الله عنها "اللهم إنك عفو تحب العفو فاعفو عني" وفريق لا علاقة له بالموضوع من أصله.
لكن أسأل هل هناك فريق حاول أن يتحرى هذه الليلة لأنه الليلة التي أنزل الله تعالى فيها القرآن حتى أقدّم الشكر الواجب لله تعالى؟ هذا الفريق يبحث عنها من أول رمضان ومنهم من يبحث عنها طول العام. ابن مسعود رضي الله عنه (الذي كان الرسول يحب سماع القرآن منه) ذهب اليه أحد الصحابة فسأله يا ابن مسعود بما لك من علم ما هي ليلة القدر؟ فقال ابن مسعود من أراد أن يصيبها فليقم الحول.(اى يتحراها ويقوم طوال العام) فلماذا لا نصلي مثلاً العشاء كل ليلة ثم نقول" اللهم إنك عفو تحب العفو فاعفو عني" طوال السنة وهذه من باب الأحوط فإن لم أفعل هذا طوال العام فعلى الأقل أفعله من أول رمضان فإن لم أفعل أفعله في العشر الأواخر فإن لم أفعل أفعله في وتر العشر الأواخر. ولنا في رسول الله أسوة حسنة: كان إذا دخل العشر الأواخر شدّ المئزر وأيقظ الأهل وأحيا الليل. والرسول كان ينشط ليس بحثاً عن ليلة القدر وإنما توديعاً لرمضان
سؤال: في دعاء ليلة القدر لماذا العفو وليس المغفرة أو الرحمة أو الستر؟
هذا هو الملمح وهذه هي السمات والسمات لعلامات الليلة التي قالها الرسول في الحديث علامات خاصة بـ (إقرأ) وعلامات اقرأ علامات خاصة بالقرآن. كيف أعرف أني قمت الليل صح وأن الله تعالى قبِل دعائي؟ هو أن تشعر أن المولى عفا عنك وتخرج من رمضان بمحض العفو فيتغير سلوكك بعد رمضان الى الأفضل سيوسوس لك الشيطان لكنك ستأبى وهذا يدل على أن الله تعالى عفا عنك. وأقرب دعاء للقبول ما خرج من قلبك وفي الليل ستجد هذا الوضع فيخرج الكلام منك كأنك علاّمة ويكون عندك عقيدة على عفو الآخرة وأن يعفو عنك الله تعالى في الآخرة. وأنت تدعو تذكّر أن هذا دعاء الرسول وخلاصة فهم الرسول لواقع ذكرى ليلة القدر. والليلة هي ذكرى ليلة القدر وعلاماتها ليست علامات ليلة اقرأ (أول نزول القرآن) وإنما هي ذكرى الليلة وعلاماتها قالها الرسول في ليلة اقرأ فلن ينزل قرآن بعد ليلة القدر الأولى واحتفالك بها هو احتفال لشكر الله تعالى على انزال القرآن. لماذا العفو؟ المغفرة والرحمة والهداية والستر كلها واقعها جزئيات كليات يعني الرحمة جزء من كُلّ (جزء للعفو) والستر جزء للعفو فإذا سألت الله تعالى الرحمة ورحمك فهذا لا يعني أنه عفا عنك. فالعفو طالما عفا عنك تعني أعطاك كل شيء وغفر لك ورحمك وهداك وستر عليك وعفا تشكل الحاضر والماضي. (من قام ليلة القدر ايماناً واحتساباً غفر له ما تقدم من ذنبه) غفر أي محاه ستر وبدلت السيئات حسنات ثم محى السيئات) وهناك من دسّ في الحديث (وما تأخر) مع أنه يشملها بالدعاء لأن العفو شامل من الله تعالى تعالى يغفر ما فات ويهيدك فيما سيأتي. وكلنا يذكر قصة الذي قتل تسعاً وتسعين نفساً وذهب الى كاهن فسأله هل لي من توبة فقال لا فقتله وأكمل به المئة ثم ذهب الى عالم فسأله هل لي من توبة قال نعم ولكن اخرج بنفسك الى مدينة أخرى فذهب ومات في الطريق فتخاصمت عليه ملائكة الرحمة وملائكة العذاب فأمرهم تعالى ان يقيسوا المسافة بين المدينة التي خرج منه والجثة وبين الجثة والمدينة التي هو ذاهب اليها ليتوب فوجدوا أنه أقرب لمدينة الرحمة بشبر وهذا دليل أن الله تعالى عفا عنه. فإذا عفا الله تعالى عنك يبدل سيئاتك حسنات وهداك فيما سيأتي. وعلامة ليلة القدر أنك لما تخرج من رمضان إذا جاءتك وسوسة ترفضها بعفو الله تعالى وتذهب للطيبات وتمنع كل حرام ولا تغش ولا تكذب وترضي والديك (اولئك على هدى من ربهم) قلنا سابقاً أن دلالة (على هدى) تفيد أن الهدى مطيته وبهذا يذهب الى الجنة بإذن الله تعالى. قُل كل ليلة (اللهم انك عفو تحب العفو فاعفو عنا) فإذا استجاب الله تعالى لك استجابة تلبية يكون قد عفا عنك فيا ليتها تكون الليلة الأخيرة لأنه ستكون حسن خاتمة ادعو الله تعالي ان يحسن خاتمتنا اجمعين وان يبلغنا ليلة القدر وجزا الله الشيخ الكريم خير الجزاء (اسعدنى جدا لصغر سنه وطريقة القاءة الخطبة كانت جيدة جدا مع انى في البداية قولت شكلنا كده اتضربنا في الخطبة الجمعة دى ده يخلينى ما احكمش مسبقاًً

الاثنين، 1 أكتوبر، 2007

اجابات ابحث عنها

من فترة كان في ذهنى عدة اسئلة بعت اسال عن اجابتها وجائنى الرد من الشيخ ابو تقي جزاه الله خيراً واحببت ان اشارككم الاسئلة والاجوبة ولكن لطول الاجابات ساضعها على مرحل لكى تعم الفائدة بإذن الله تعالي:
هل هناك فرق بين النعمة والفتنة أم انهم واحد ولو فيه فرق أرجو التوضيح؟
بسم الله الرحمن الرحيم الحمد لله و الصلاة و السلام على رسول الله محمد ـ صلى الله عليه وسلم ـ
السلام عليكم و رحمة الله و بركاته
.إن سؤالك أخيتي هام جدا و لا يمكنني التفصيل فيه في هذه الصفحة لطول البحث الذي قد أفرد له العلماء كتبا ، و لكنني أقتصر على تبيين معنى الفتنة و الابتلاء و البلاء ، و سيتضح لك أن الله يبتلي المرء بالخير و الشر ليختبره و يمتحنه فما على المسلم إلا أن يعرف ربه في الرخاء و الشدة ، فإن أصابته سراء شكر ، و إن أصابته ضراء صبر ، فهو في امتحان دائم إلى أن يتوفاه الله .جماع معنى الفتنة : جاء في " لسان العرب " : الابتلاء والامتحان والاختبار وأصلها مأخوذ من قولك : فتنت الفضة والذهب إذا أذبتها بالنار لتميز الرديء من الجيد أو إذا أدخلته النار لتنظر ما جودته.أما معنى الابتلاء : جاء في " لسان العرب " : بلوت الرجل وابتليته : اختبرته ، وابتلاه الله : امتحنه ، والاسم : البلوى والبلاء. والبلاء : الاختبار و يكون في الخير والشر.وخلاصة معنى الفتنة والابتلاء هو الاختبار والامتحان للإنسان في الشدة والرخاء ، وكذلك لفظ البلاء مع زيادة في المعنى الذي نريده بلفظ (البلاء) وهو الحادث الذي فيه شدة ومشقة وينزل بالمرء لغرض اختباره وامتحانه به.وقد مضت سنة الله في الابتلاء أنه يمتحن عباده بالشر والخير أي يختبرهم بما يصيبهم مما يثقل عليهم كالمرض والفقر والمصائب المختلفة كما يختبرهم بما ينعم عليهم من النعمة المختلفة التي تجعل حياتهم في رفاهية ورخاء وسعة العيش كالصحة والغنى ونحو ذلك ، ليتبين بهذا الامتحان من يصبر في حال الشدة ومن يشكر في حال الرخاء والنعمة ، قال تعالى : ((كل نفس ذائقة الموت ونبلوكم بالشر والخير فتنة وإلينا ترجعون)) ، أي نختبركم بما يجب فيه الصبر من البلايا والمصائب والشدائد كالسقم والفقر وغير ذلك مما يجب فيه الصبر.كما نختبركم بما يجب فيه الشكر من النعم كالصحة والغنى والرخاء ونحو ذلك فيقوم المنعم عليه بأداء ما افترضه الله عليه فيما أنعم به عليه .و الأدلة على الابتلاء بالشر و الخير كثيرة منها :قال الله تعالى : (( و لنبلونكم بشيء من الخوف والجوع ونقص من الأموال والأنفس والثمرات وبشر الصابرين. الذين إذا أصابتهم مصيبة قالوا إنا لله وإنا إليه راجعون ، أولئك عليهم صلوات من ربهم ورحمة وأولئك هم المهتدون )) .و قال تعالى : ((أم حسبتم أن تدخلوا الجنة ولما يأتكم مثل الذين خلوا من قبلكم مستهم البأساء والضراء وزلزلوا حتى يقول الرسول والذين آمنوا معه متى نصر الله ألا إن نصر الله قريب)).و قال تعالى : ((لتبلون في أموالكم وأنفسكم ولتسمعن من الذين أوتوا الكتاب من قبلكم ومن الذين أشركوا أذى كثيراً وإن تصبروا وتتقوا فإن ذلك من عزم الأمور)) .قال تعالى ((وإذا مس الإنسان ضر دعانا ثم إذا خولناه نعمة منا قال إنما أوتيته على علم بل هي فتنة ولكن أكثرهم لا يعلمون ، قد قالها الذين من قبلهم فما أغنى عنهم ما كانوا يكسبون)) .و قال تعالى : ((واعلموا أنما أموالكم وأولادكم فتنة وأن الله عنده أجر عظيم )).فالمسلم في امتحان دائم في هذه الحياة الدنيا إن بالخير و إن بالشر فما عليه إلا بالصبر حين المصيبة و الرضا و التسليم و عدم الإعتراض ، و الشكر حين النعمة و أداء حقوقها ، مع جواز لجوء المسلم إلى أن يسأل الله تعالى ويدعوه ويتوسل إليه أن لا يمتحنه بما يشق عليه وبما لا ينجح فيه ، وأن يقيه شر الفتن التي قد يتعرض إليها ، ولذلك جاءت الأدعية المأثورة في الاستعاذة بالله من الفتن ، من ذلك ما أخرجه البخاري ومسلم عن عائشة ـ رضي الله عنها ـ أن النبي ـ صلى الله عليه وسلم ـ كان يقول : ((اللهم إني أعوذ بك من الكسل والهرم ، والمأثم والمغرم ، ومن فتنة القبر وعذاب القبر ، ومن فتنة النار وعذاب النار ، ومن شر فتنة الغنى ، وأعوذ بك من فتنة المسيح الدجال

الثلاثاء، 25 سبتمبر، 2007

ولد بنت ولد بنت شايب


فاكرين زمااان افلام اسماعيل ياسين وهم في المشستشفى والمدام بتولد وهو واقف بارة يقول ولد بنت ولد بنت ولد شايب ملك كتابة.. دى مش تخاريف صيام لسبب بسيط اننا بعد الفطار لكن انا من فترة طويلة وعايزة اكتب عن المجتمع الذكورى اللي احنا عايشين فيه بس لسه مجهزتش اللي عايزة اكتبه بالظبط علشان يطلع بشكل موضوعى وميكونش من عقد نفسية لا سمح الله.

المهم موضوع اسماعيل ياسين ده مش جديد دولوقنى بس الوضع اتغير وبقي السونار بيعرف الام والاب نوع الجنين القادم ولد ولا بنت- يا خسارة مفيش شايب- اهو بردة من جنس الاولاد ليه بقي بقول كده لان لحد دلوقتى الناس بتبص علي اللي ولدت ولد علي انها جابت الديب من ديله ومحدش قدها قال يعنى هى اللي عملت نوعه ولو جابت الولد تبلع ريقها مش مهم اللي يجى بقي بعد كده والكلام ده مش من الرجالة للاسف ولكن من بنات جنسها واول ما الدكتور يقول لها ولد تخبي ومتقولش لحد لحد يوم الولادة علشان تتأكد وبعدها بعدها مقولكوش ولو بنت تبقي يا داهية دقى ومن الامثال الشعبية المعروفة في الاوضاع اللي زى دى "يا مخلفة البنات يا شايلة الهم للممات" والمثل ده سمعته يووووووه كتيير جدا وعلقت عليه واللي بتقوله مصرة علي ان البنات هًم انها متتجوزش ولو اتجوزت متخلفش ولو خلفت تجيب بنات فجوزها يطلقها وهى يا عينى مكسورة الجناج يا زلى يانى طب يا ستى الحاجة ما انتى بنت يعنى امك شالت همك اه وبعدين جوزك مطلقكيش ليه اه بقي كده انا حظى كويس طب ما يمكن بنتك حظها يطلع احسن لا الزمن ده مختلف يقعدوا يعلقوا علي شماعة الزمن واحنا المشكلة فينا " نعيب زماننا والعيب فينا" المهم انا افتكرت ليه حكاية ولد وبنت دى لانى بالصدفة اتفرجت علي حلقة من مسلسل الملك فاروق وحظى بقي حظى انى شوفت مشكلة الملكة فريدة في خلفة البنات والعياط اللي يا حبيبتى عيطتة علشان جابت بنت وافتكرت واحدة اعرفها خلفت 3 بنات وحماتها عايزاها تخلف تاني علشان الميراث ميروحش باره علي الرغم من تعليم زوجها العالي وعدم تفرغها للبيت فهى دكتورة وتكمل تعليمها وام لثلاث بنات ربنا يحميهم ولا صديقتى التانية اللي بيقولولها جربي تخلفي رابع يمكن يجى ولد بصراحة تعبت لهم-الملكة واصحابي وانا- بس هنعمل ايه المشكلة فينا احنا لازم نتغير علشان نغير.تفتكروا ممكن نغير ونتغير

الأربعاء، 19 سبتمبر، 2007

الطريق الصح

video

مفيش كلام ممكن يعلق عليها اسمعوها وقولولي رايكوا.... مستنية

الثلاثاء، 18 سبتمبر، 2007

حجر الزاوية

كان في اكتر من موضوع حابة اتكلم فيه النهاردة هأجلهم لبعدين كلهم علشان خاطر الموضوع ده بصراحة لانى حابة كلنا نستفيد ونتفرج على البرنامج ونشارك فيه لان موضوعاته مميزة اسلوبة كمان اتركم بقي مع الحلقة الاولي واتمنى انكوا تتفرجوا عليه وتقولوا رايكوا او حتى علقوا علي الحلقة دى انا لخصتها من جمالها عن الايجابية
من البرامج المميزة جدا والحوارية الجريئة والتي تتسم بالوسطية يقدمه فضيلة الشيخ الدكتور سلمان العودة، ويعرض يوميا على الهواء مباشرة الساعة الرابعة فيه بتوقيت مصر والخامسة بتوقيت السعودية ويتناول قضايا متعلقة بالواقع، والتي تشكل نبض اهتمامات الشارع ويسعي لمعالجة عدد من المفاهيم المرتبطة بهموم الناس وتفاعلها مع الحياة مثل العبادة، النية، الورع، والجهاد وغيرها من المواضيع، وفي ذات الوقت يتيح الفرصة لاستقبال استفسارات ومداخلات المشاهدين
الاسبوع الاول من رمضان كان (البناء)
ومنه حلقة الايجابية واستخلص منها التالي:
يقول نبيّنا صلى الله عليه وسلم: عجبًا لأمر المؤمن . إنّ أمره كلّه له خير، وليس ذلك إلا للمؤمن: إن أصابته سراء شكر فكان خيرًا له، وإن أصابته ضرّاء صبر فكان خيرًا له. ما من وصف يمكن أن يعطى للإيجابية في العمل والسلوك، والمشاعر أعظم من هذا الوصف أو أبين. فالشكر والصبر ، ليسا محض شعور ،بل هما ممارسة وعمل كذلك. وشكر الله يعني أكثر من مجرّد الامتنان ، إنه يعني التعبّد و الحفاظ على النعمة ، وومقابلة عباد الله بالإحسان. قال تعالى (ألم يجدك يتيمًا فآوى . ووجدك ضالًا فهدى. ووجدك عائلًا فأغنى. فأما اليتيم فلا تقهر. وأما السائل فلا تنهر. وأما بنعمة ربك فحدّث). والشاهد أنه سبحابه بعدما امتنّ على مصطفاه بالنعم، أمره أن يحسن إلى الخلق كما أحسن الله إليه. الصبر كذلك موقف إيجابي، وإن عنى في بعض ما يعني (الامتناع) : الامتناع عن اللطم وعن السبّ وعن مقابلة الإساءة بمثلها. فليس كلّ امتناع موقفًا سلبيًا. حتى إنّ الحياد قد يكون الموقف الأكثر إيجابية، والصمت بمواجهة الجاهل أو السفيه أكثر المواقف إيجابيّة. العبرة في الحكم على الموقف ، هي في النظر إلى مآلاته، وما يحققه من مصلحة أو مفسدة. فالموقف الإيجابيّ هو الموقف الذي يدفع إلى الأمام وليس بموقف إيجابي هذا الذي ينزلق بالإنسان إلى الخلف ويأتي على مكتسباته. الصياح ورفع الصوت. النحيب والولولة. ردّات الفعل غير المدروسة. كلّها من أمثلة المواقف السلبية ، التي لا خير فيها للمؤمن.
وفي رحاب المشاعر نطوف . فالمشاعر الإنسانية هي الدافع المحرّك لمواقف البشر، شعروا بذلك أم لم يشعروا. لذا كان لزامًا أن تكون مشاعرنا إيجابية لينعكس ذلك على أعمالنا وسلوكنا. وهنا يكمن التحدّي الحقيقي: في القدرة على توليد الإيجابيّة حتى في لحظات الحزن والغضب الشديدين. هذا هو النصر الحقيقي: أن ننتصر على ذواتنا ، قبل أن نمضي في قرارات ، نحسبها الأصوب والأحكم، وما هي في الحقيقة إلا ردود أفعال اعتباطيّة. في معركة المشاعر، ينتصر الشديد حقًا والبطل حقًا. الذي لات يسمح لمشاعره السلبية المحبطة أن تتحكّم بتصرّفاته وأدائه. فهو يشدد الرقابة على نفسه ويتقن ترويضها لا النعمة تبطره فتعمي بصيرته ، ولا البلاء يحبطه فيثني عزيمته . هنا يصبح الابتلاء نفسه نعمة وخيرًا، حين يحسن الإنسان استثماره. وهناك تصبح النعمة نقمة حين يعجز صاحبها عن اسثثمارها. ومن الوسائل المساعدة على اتخاذ موقف إيجابيّة ، امتلاك المرء الجرأة على النقد وقبوله: بدءًا بنقد الذات وانتهاء بنقد الآخر. وللنقد عينان اثنتان: عين تبصر الحسنات وأخرى تبصر المعايب. لماذا نحن نتوجّس من كلّ حركة غربيّة خيفة ونشكّك فيها؟ لأننا نبصر الغرب بعين واحدة. وهذا ما يمنعنا من الاستفادة من تجارب القوم وحضارتهم. لماذا يخافنا الغرب ويعتبرنا إرهابيين ، فمنا المستيقظ ومنّا النائم؟ لأنه يرانا بعين واحدة . وهذا يمنعه من الانفتاح على روح الإسلام ومسالمته. كذا النقد الأعور ، يؤدي إلى مواقف سلبيّة ،ونتائج سلبيّة. ومثل هذا كثير في حياتنا العامة والخاصة.
وأخيرًا يبقى أنّ أعظم الوسائل المساعدة على الإيجابيّة : الثقة بالله، وبأنه سبحانه وتعالى إنّما يريد بنا خيرًا. ولو بدا لنا غير ذلك، فلأنّنا قاصرون جهلة. فالإيمان بالله وصفاته ، بعدله ورحمته ولطفه وكرمه ... حافز ولا أشدّ على تبنّي مواقف إيجابيّة، حتى في أسوأ الظروف وأحلكها. الثقة بالله و استحضار معيّته وقدرته ورحمته، تزرع في القلب طمأنينة ، وتزوّد العقل والجسد بالقوّة الروحيّةو النفسيّة اللازمة لصناعة (العجب). وليس ذلك إلا للمؤمن
**بعض الافكار لتحويل العقل إلي الإيجابية
اعلم اولا ان المواقف والافكار لا تتغير بين عشية وضحاها
لقن عقلك التفكير بايجابية و تجاهل الافكار السلبية و لا يهم ما هي الظروف الخاصة بك في هذه اللحظة.
اعتقد الايجابية والظروف ستتغير وفقا لذلك وحتى تبرمج عقلك على الايجابية ركز عقلك على الهدف و بعد تحديد الهدف انت بحاجة لوضع خطة للعمل انت بحاجة الى معرفة ما عليك ان تفعل وكل ذلك يتطلب التخطيط الذي يعني استخدام العقل وبعد اتخاذ القرار بشأن الهدف ووضع الخطة عليك ان تعقد في عقلك وضوح صورة هدفك عليك ان تراه منجزاهذه الخطوة تتطلب منك استخدام الخيال ، وهي آخر قوة العقل سيعزز ذلك قدرتك على تصور الهدف و في هذه النقطه عليك ان تبدي الصبر والانضباط والقدرة على المثابره في جهودكان تخيل الهدف يصبح جزءا من اللاشعور وبالتالي يؤثر في السلوك والاجراءات الخاصة بكو ذلك يقودك الى النجاح.حاول اقناع نفسك بقوة افكارك حتى اذا كانت الفكره تبدو غريبة اعطها محاولة و لن تخسر تجاهل ما قد يقوله الآخرون اجعل تصورك دائما ايجابيااستخدام الكلمات الايجابية عند الحديث مع الآخرين
ابتسم لأن الابتسامة تساعدك على التفكير بشكل ايجابي تجاهل مشاعر الكسل او الرغبة بالانسحاب.

السبت، 15 سبتمبر، 2007

حللت اهلا ونزلت سهلا شهر التغيير


كل سنة وكل اهلنا واصحابنا وابنائنا وجيراننا بخير و الامة الاسلامية بخير وسلام
اخيرا جه الحبيب المنتظر الذي ننظره من العام للعام شهر رمضان هذا الشهر الذي خصه الله سبحانه وتعالي بعبادة خالصة لوجهه تعالي كما في حديث أَبِي هُرَيْرَةَ عَنِ النَّبيِّّ - صلى الله عليه وسلم - قَالَ: ( يَقُولُ اللَّهُ عَزَّ وَجَلَّ: الصَّوْمُ لِي وَأَنَا أَجْزِى"

فيا سبحان الله كل ما اقرأ هذا الحديث اتعجب من ان الله سبحانه وتعالي خص الصوم لذاته ولم يبلغنا عن اجر الصيام حتى نلقاه فرحين برؤيته جل وعلا كل سنة في الوقت ده اتذكر قول الشاعر:
أهل الخصوص من الصوام صومهم
صون اللسان عن البهتان و الكذب
و الصالحون و أهل الصدق صومهم
صون القلوب عن الأغيار و الحجب

وادعو الله تبارك وتعالي ان يجعلنى منهم وهل سوف اصل الي هذه الدرجة من العبادة وتحدثنى نفسي - الله يعافيها- انت ليه يعنى الناس دول بس اهل الله وخاصتة فارد وليه لا احنا كمان ممكن نكون اهل الله وخاصته اليس الصوم مدرسة ربانية، ومحضن إيماني، يتلقى فيه الصائم دروس الأخلاق، ويتربى على جميل الطباع اليس الصوم عبادة ظاهرة وباطنة
العبادة الظاهرة: ترك الشهوات
العبادة الباطنة: ترك زينة الدنيا وحب الاخرة فكلنا يحاول في هذا الشهر ويجاهد نفسه عسي ان تستمر معنا هذه الدروس الي ما بعد رمضان ليتركنا رمضان علي نفس راضية مطمئنة ويتحقق فينا معنى الصوم الحق- يارب ادعوك باسمك الاعظم الذي اذا دعيت به اجبت ان تجعلنا من اهل القرأن وخاصته وان يتحقق فينا معنى العبودية وان نلقاك وانت راض عنا ..آمين
سبحان الله تعالي ان هذا الشهر هو دعوة للتغيير تغيير في كل عاداتنا اليومية من أكل وشرب واعمال حتى انه يصل التغيير بنا الي الاعمال الروحانية فكلنا تتغيير حالة المعنوية بطريقة اكثر ايجابية في رمضان وتزداد هذه الطاقة الايجابية في العشر الاواخر طمعا في الاجر وطمعا في العتق من النار وطمعا في رضي الله سبحانه وتعالي وكلنا مجتهد ومقصر يتحرى ليلة القدر وهذا من عظيم فضل الله علينا
كم احبك يا رمضان فمرحباً بك حللت اهلا ونزلت سهلاً شدوا الهمة ياولاد عسى ان تعتق رقابنا من النار وندخل برحمة الله تعالي الجنة :

الثلاثاء، 11 سبتمبر، 2007

الاعلان علي الطريقة المصرية


بصراحة ومن غير زعل انا خلاص هطق وهتجنن ومش عارفة ليه بيعملوا كده في المصريين اكيد طبعا كلنا شوفنا الاعلان المهبب اللي بيجى علي قناة دريم2 في منتصف العاشرة مساء –مش عارفة بيجيى في الوقت ده بس ولا علشان انا مبشوفش غير البرنامج ده- كنت في الاول مش فاهمة الاعلان ومش عارفة بيعلنوا عن شبكة محمول ولا علي لانجيري حريمى طب وايه دخل الراجل العجيب ده وفي الاخر فهمت وياريتنى ما فهمت معقولة وصلنا للدرجة دى من الانحطاط والتعري حاجة تقرف عرفت ان فيه ناس كتير اشتكوا للتليفزيون الذي افاد طبعا انها قناة فضائية وليس له سلطة عليها طب فين وزير الاعلام يعنى مبيشوفش طب لو مبيشوفش مبيسمعش معندوش اولاد ولا بنات وسألوه الاعلان ده عن ايه يا بابا ولا معندوش وعنده شباب اتكسفوا يسالوه او حتى يتكلموا عن الموضوع ده.
مأساتى زادت لما عرفت ان فيه نسخة سعودى من الاعلان عبارة عن زوجة مرتدية الحجاب وتعلم اطفالها حتى عاد زوجها يظهر لك من الوهلة الاولي بالاحترام.
من الاخر النسخة المصري تعر كل المصريين والنسخة السعودى تشرف كل السعوديين
طب نعمل ايه بقي حد يدينى اجابة ايجابية نقدر نعملها لايقاف المهزلة وتساؤلات الاطفال تفتكروا لو بعتنا لوزير الاعلام يعمل حاجة ولا هيعمل ودن من طين وودن من عجين او هينام زى الصورة اعلاه معلش برضه النوم سلطان او وزير

ودمتم بخير

الأربعاء، 5 سبتمبر، 2007

أبو صلاح



وحشنى قوى قوى صلاح جاهين وعندى احساس انه لو كان موجود بينا دلوقتى كان ابدع الوقت ده محتاجه جداً الله يرحمك يا ابو صلاح وحشتنا ووحشنا كلامك الحلو اللي ملوش حل فاكرة كل حاجة كتبتها يعنى دلوقتى والبيبان كلها مقفلة سمعاك بتقول:


يا باب يا مقفول
إمتي الدخول صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي
***************************************************************
اقول يا ابو صلاح انت مش معانا طب كتبت كده ازاى وامتى كنت حاسس كنت شايف

انا كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي
**********************************************
وده حال شبابنا دلوقتى اللي مش عارفين هما شاب ولا عوجيز من الهموم اللي شايلنها
أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي
**********************************************
ينبوع و في الحواديت أنا سمعت عنه

إنه عجيب .. و ف وسط لهاليب لكنه

شقيت كما الفرسان طريقي .. لقيت

حتي الخنازير و الكلاب شربوا منه

عجبي
*************************************************
!!!!يا قرص شمس ما لهش قبة سما

يا ورد من غير أرض شب و نما

يا أي معني جميل سمعنا عليه

الخلق ليه عايشين حياه مؤلمة

عجبي !!!

الاثنين، 3 سبتمبر، 2007

شوفوا الزوجات بتعمل ايه

التدوينة دى حريمي يعنى معلش بقي يا رجالة شوية كده قرأت الكلام الرائع ده من سيدات بحق وحقيقي بيقولوا:
إحدى الزوجات تقول : كنت إذا أردت إيقاظ زوجي من النوم للصلاة أغسل يدي بالماء حتى تكتسب نوعاً من البرودة وأعطرها بالعطر المفضل لديه ، فإذا ما لامست برودة يدي جسمه الدافىء واستنشقت أنفاسه عبير ذلك العطر استيقظ من نومه وإن كان يغط في سبات عميق. وتقول أخرى : قال لي بغلظة سوف أذهب للغداء مع أصدقائي هل تريدين شيئاً ؟ قلت له : حسناً ولكن لا تتأخر لأن الكهرباء سوف تنقطع . استدار نحوها في تعجب وقال : من قال لك أنها سوف تنقطع ؟ أجابته بقولها : أنا أقول لك ذلك ، بمجرد خروجك من البيت يظلم كل شيء وبمجرد دخولك البيت يضيء كل شيء تبسم بعد أن أدرك ما ترمي إليه وذهب وكله شوق للعودة إلى البيت . > > أرادت أن تمازح زوجها قالت له : أفتح فمك وأغمض عينيك . أغمض عينيه وفتح فمه في تردد فإذا بها تلقمه قطعة من الحلوى اللذيذة . وعندما أراد الذهاب قالت مرة أخرى : أفتح فمك وأغمض عينيك ، أغمض عينيه من دون تردد وكله شوق إلى تلك الحلوة اللذيذة فإذا بها تلقمه ورقة تلك الحلوى التي وضعتها في المرة الأولى. > > قالت أخرى : أعتاد زوجي كلما ذهب مع الشباب في رحلة أن اخبىء له بين ملابسه رسالة حب تعبر عن مشاعري نحوه وقت غيابه وحالي وحال أولاده من دونه . > > وذات مرة لم أكن راضية عن سفره فلم أكتب له تلك الرسالة وعندما عاد من السفر فاجأني بقوله : لم أترك شبراً في الحقيبة إلاّ وفتشت فيه عن رسالتك التي عودتني عليها بل أني فتشت الحقيبة ثلاث مرات في كل مرة أقول في نفسي لعلها وضعتها هنا ولم أرها لعلي أفتش جيداً عنها .. تندمت كثيراً على فعلي ذلك وأنا المح حنين الشوق في تعبيرات وجه ، عزمت في نفسي بعدها إلا أقطع عادة حسنة كنت أقوم بها ما استطعت
يعنى بكلمات وافعال بسيطة جداً ممكن تكسبي كتير جدا ومش مكلفة خالص (علشان لو فيه حد منوفي في المنطقة) وردة بسيطة كلمة حلوة اكلة جميلة يعنى كل واحدة عارفة جوزها ممكن ايه اللي يعجبه ويشعره بالاهتمام
لما مررت الرسالة دى لصحباتي كانت ردود الافعال متباينة جدا اللي قالت يا سلام !!!!> هو في كده ف الدنيا > بس فين اللي يقدروا واللي استهان هو فيه وقت لكل ده يا اختى والي آثرت الصمت .
المهم احنا يعنى بنعمل كده علشان حد يقدر المفروض ان كل اعمالنا لله سبحانه وتعالي ونيتنا تبقي ان شاء الله بلوغ الفردوس الاعلي مش بس الجنة لازم طموحاتنا تبقي كبيرة زى ما هى كبيرة للدنيا ويحضرنى قول الله تعالى " ولهن مثل الذي عليهن بالمعروف " فيجب على كل من الزوجين أن يعاشر الآخر بالحسنى ، والزواج قائم على المحبة والمودة وقوله تعالى : "ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة " السكن بكل ما تحمله معنى كلمة السكن اللجوء والاحتماء والامن للزوجين
اهم ميزة في الموضوع ده ان البنات والاولاد لما يشوفوا باباهم ومامتهم بيتعاملوا مع بعض ازاى كمان هتكون هى دى الطريقة اللي هيتعاملوا بها في المستقبل مع ازواجهم وزوجاتهم يعنى كمان بنعمل للعيال مش عايزين نأمن مستقبل اولادنا.
" ممكن بقي اسألكوا بتتصرفوا وهتتصرفوا ازاى مع أزواجكوا

السبت، 1 سبتمبر، 2007

اشحن بطاريتك

التدوينة دى مختلفة اقول لكوا ليه هى مختلفة صديق عزيز عليً جدا بعت يقول ياريت تكتبي عن ان في ظل الظروف الحالية لازم يكون جنبك حد تلجأ ليه في وقت الشدة او وقت الضيق او وقت الفرح حد يفرح لك حد تشتكى له حد يحزن لك المهم يكون فيه حد بجانبك وسبحان الله بفتح الموضوع ده مع حد من اللي جانبي اللي بحبهم وبشاركهم معايا (اختى الصغيرةمجازا انا يعنى مش كبيرة اوى) اتفتحنا في الحوار ومقفلناش وروحنا متأخر يومها بس كان يوم جميل جدا ومساحة للحوار قلما نجدها واتفقنا انها تكتب حاجة عن الموضوع ده وبالفعل كتبته وقالت لي انه طلع غير اللي كانت عايزة تكتبه المهم حلو جدا وانا اتفقت معاها اننا ننشره في المدونة عرفتوا بقي ليه التدوينة دى مختلفة لان فيها روح العمل الجماعي علي شوية حب اخوى علي شوية تجربة عملية علي فكرة مهداة من صديق تعالوا معايا نقراها
"عندما تفرغ بطاريتك تماما ابحث عن حبيب حقيقي لشحنك بالقوة و الطاقة معا"
بهذه الكلمات ختمت نوال مصطفى عمودها الذي تكتبه في جريدة الاخبار ليوم السبت
فعلا من منا لم يأت عليه يوم شعر فيه ان بطاريته قد فرغت تماما و لم يعد قادرا على الاستمرار ؟
من منا لم يقع فريسة للمشاعر السلبية التي تسيطر عليه و لا يستطيع الفكاك منها ؟
و لكن هل بحثنا في داخلنا عما يساعدنا على شحن تلك البطارية الداخلية ؟
هل بحثنا فيمن حولنا عمن نبثه شكوانا و نشركه معنا في همومنا يحاورنا و نحاوره يناقشنا و نناقشه يسمعنا و نسمعه او حتى يصمت و يساعدنا على البوح بما في داخلنا
قد يكون ذلك الشخص حبيب – صديق – ام – اب – اخ
و لكن هل فكر احدنا يوما فيه؟ هو الذي بجانبنا دائما ؟ الذي نبكي امامه و لا نشعر بالخجل ؟ الذي نصمت و لا نقوى على الحديث فيفهمنا بلا كلمات و يعرف ما بداخلنا بلا حديث ؟
هل فكر احدنا في الشكوى اليه "الله" القريب المجيب الذي يسمع كل شكوى؟
ان ركعتين لله سبحانه و تعالى و الدعاء فيهما لهما قادرتان على شحن بطاريتك و على شحن الف بطارية اخرى اضافية
ان لهما القدرة على دفعك للامام و بث الطمأنينة في نفسك و انك لست وحدك وان "مع العسر يسرا"
لقد مررت شخصيا باحد تلك المواقف التني تشعرك بعدم السعادة و الاحباط و ظللت اكتم ما بداخلي (فانا من طبعي الكتمان ) فلم اجد سواه سبحانه و تعالى و قمت بعمل تلك الوصفة السحرية "الركعتان" و ظللت ابكي و ابكي و ابكي حتى لم اعد قادرة على الاستمرار و لكن بعد ذلك شعرت براحة و ثقة بان كل شيء سوف يصبح على ما يرام و ان مشكلتي بالطبع لها حل فقد وضعتها بين يدي "الرحمن" و هو سبحانه اقدر على حلها
وواصلت حياتي و لا اخفي عليكم اني ظللت منتظرة الحل بفارغ الصبر
حتى كان يوما ذهبت فيه الى عملي (وهو سبب مشكلتي التي مررت بها) و بداخلي احساس بالتفاؤل بان شيئا سوف يحدث في ذلك اليوم و بالفعل قابلت في طريقي طفلة جميلة كالملاك ابتسمت لي و كأنها تربت على بابتسامتها مما قوى لدي الاحساس بالتفاؤل
و مر يومي عاديا حتى كان اخر اليوم و سبحان الله فتح مجالا للحديث بيني و بين رئيستي في العمل حتى وصل الحديث الى ما يسبب لي الضيق ووجدتني احدثها و افتح لها قلبي (انا التى من طبعي الكتمان ) ووجدت في حديثها ما يرد الثقة الى و ما يؤكد لى ان الدنيا بخير و انه لا داعي لكل ذلك القلق و الضيق الذي اشعر به
و شعرت بعدها بالراحة و حمدت الله كثيرا ووجدتني و عيناي تدمعان و قد شعرت بالطمأنينة و السعادة و قد استجاب الله لي و فرج همي و قد سخر لي ذلك الموقف الذي ساعدني على البوح بما في داخلي
فالى كل من فقد الامل ....الى كل من شعر بعدم القدرة على الاستمرار .....الى كل من فقد حبيبا او صديقا ....الى كل من شعر بالظلم او الاحباط
اذهب اليه و افتح قلبك و اشكى اليه و استعن به و توكل عليه
سلم امرك الى الله "الجبار" و توكل عليه و قم بعمل تلك الوصفة السحرية "الركعتان " و سوف تجد الحل باذن الله و سوف ينصرك الله و يرد لك حقك و سوف تشحن بطاريتك من جديد و سوف تستطيع الاستمرار
بالمناسبة :
اسم الله "الجبار" لاول مرة في حياتي اعرف معناه كان من اسبوعين (سامحوني على جهلي بمعنى ذلك الاسم العظيم) اسم الله الجبار معناه من يجبر ضعف الضعفاء و المساكين و يرد لهم المظالم
هل من معنى اعظم من معنى ذلك الاسم
بالطبع لا

الأربعاء، 29 أغسطس، 2007

قلة حيلة

حبيبتى صديقتى توأمى ليتنى استطيع ان امسح دمعة عينيك
ليتنى استطيع ان امسح دمعة طفل صغير
ليتنى استطيع امسح دمعة أمرأة مقهورة
ليتنى استطيع ان امسح دمعة رجل مقهورمطحون
ليتنى استطيع ان امسح دمعة مريض
ليتنى استطيع ان اخفف عنه الالم
ولكنى لا استطيع...فقد اتذكرهم دائماً بالدعاء
فيارب خفف عنهم وارحمهم وعافهم واعفوا عنهم رب اغفر وارحم وانت ارحم الراحمين فانك سبحانك القادر المقتدر العزيز الجبار اجبر كسرنا يمن كتابنا يسر حسابنا تولى امرنا برحمتك يا ارحم الراحمين