بصراحة ومن غير زعل انا خلاص هطق وهتجنن ومش عارفة ليه بيعملوا كده في المصريين اكيد طبعا كلنا شوفنا الاعلان المهبب اللي بيجى علي قناة دريم2 في منتصف العاشرة مساء –مش عارفة بيجيى في الوقت ده بس ولا علشان انا مبشوفش غير البرنامج ده- كنت في الاول مش فاهمة الاعلان ومش عارفة بيعلنوا عن شبكة محمول ولا علي لانجيري حريمى طب وايه دخل الراجل العجيب ده وفي الاخر فهمت وياريتنى ما فهمت معقولة وصلنا للدرجة دى من الانحطاط والتعري حاجة تقرف عرفت ان فيه ناس كتير اشتكوا للتليفزيون الذي افاد طبعا انها قناة فضائية وليس له سلطة عليها طب فين وزير الاعلام يعنى مبيشوفش طب لو مبيشوفش مبيسمعش معندوش اولاد ولا بنات وسألوه الاعلان ده عن ايه يا بابا ولا معندوش وعنده شباب اتكسفوا يسالوه او حتى يتكلموا عن الموضوع ده.
مأساتى زادت لما عرفت ان فيه نسخة سعودى من الاعلان عبارة عن زوجة مرتدية الحجاب وتعلم اطفالها حتى عاد زوجها يظهر لك من الوهلة الاولي بالاحترام.
من الاخر النسخة المصري تعر كل المصريين والنسخة السعودى تشرف كل السعوديين
طب نعمل ايه بقي حد يدينى اجابة ايجابية نقدر نعملها لايقاف المهزلة وتساؤلات الاطفال تفتكروا لو بعتنا لوزير الاعلام يعمل حاجة ولا هيعمل ودن من طين وودن من عجين او هينام زى الصورة اعلاه معلش برضه النوم سلطان او وزير
مأساتى زادت لما عرفت ان فيه نسخة سعودى من الاعلان عبارة عن زوجة مرتدية الحجاب وتعلم اطفالها حتى عاد زوجها يظهر لك من الوهلة الاولي بالاحترام.
من الاخر النسخة المصري تعر كل المصريين والنسخة السعودى تشرف كل السعوديين
طب نعمل ايه بقي حد يدينى اجابة ايجابية نقدر نعملها لايقاف المهزلة وتساؤلات الاطفال تفتكروا لو بعتنا لوزير الاعلام يعمل حاجة ولا هيعمل ودن من طين وودن من عجين او هينام زى الصورة اعلاه معلش برضه النوم سلطان او وزير
ودمتم بخير
هناك ٣ تعليقات:
- انا اعتقد اننا يجب توعية الأطفال ما هو الصح و ما هو الخطأ و لماذا هو صح أو خطأ بأسلوب مقنع ببساطه قول الحقيقه بتلقائيه مهما كانت محرجه للقائل ، لأن الأطفال اذا لم يعلموا المعلومه منك سيعلموها من غيرك ، فأفضل لك و لهم ان تقولى لهم المعلومه بأسلوبك و ان توصلى لهم ما تريدينهم ان يعلموه ، كل شىء فيه الجيد و فيه الردىء ، فأنت تنصحيهم بأكل الصالح و تجنب الفاسد و شراء الجيد و البعد عن الردىء و التعامل مع المهذبين و الكلام المحترم و الأبتعاد عن الشوارعجيه.
مما سبق نجد ان كل انسان معلق من عرقوبه كما يقال و لا تزر وازره وزر أخرى بمعنى من يستخدم العرى كأداه للجذب او التعامل هو حر و انا كذلك حر فى عدم المشاهده و القيام بحمله مضاده ضد منتجاته فى دائرة معارفى ، فلو بضاعته جيده ستباع من غير شىء و لكن يستخدم السوء لمدارة السوء ،
قديما جاء الناس تشتكى لخليفة المسلمين / عمر ابن الخطاب من غلو الأسعار و قلة الأموال و طلبوا منه الضغط على التجار لتخفيض الأسعار ، فرد عليهم بقول جميل جدا و هو ( أرخصوها بتركها ) بمعنى استعينوا بالأستغناء على الغلاء، و بنفس المنطق أستعينى بترك المشاهده و عدم الشراء و ارسال بريد الكترونى مضاد أو sms للقناه عما يحتوى ذلك الأعلان من سوء و يمكنك شن حرب من موقعك الأنترنتى على من يضايقك و لكن و خدى بالك من لكن هذه ولكن خلى بالك طويل فأن لم يحدث التغير فى عهد أولادك سيحدث فى العصور التاليه.
- يقول الشاعر :
نعيب زماننا و العيب فينا
وليس لزماننا عيب سوانا.
- و يقول الله عز و جل ( لا يغير الله ما بقوم حتى يغيروا ما بأنفسهم ).
- الدكتور / الفقى من الناس المحترمه وكونه نائم فى جلسة المجلس الموقر يشير الى واقع هام و هو ملل و عدم اهمية الحوار المحيط به، لقد تركوا كل المشاكل و عاملين طلب احاطه بالمجلس عن خناقة شوبير مع النادى الزمالك ..... اليس النوم فى تلك الجلسه احسن ...واقع اليم.
- اهم حاجه الشكوى لغير الله مذله ، حيث اننا لا نعرف لمن نشتكى عندنا على حالنا .
- صدقينى حاجه تحزن، و هذا هو الواقع المؤلم .
- عاملين ذى اللى عايز يتكلم و بقه مقفول.
- حاجه ثانيه حاولى توسعة دائرة الحوار بدون اسماء حتى تعم الأستفاده و تحدث الأثر المطلوب.
أعتقد أنه مع تطور الإعلام والوسائل التى تنقل كل ماهو غير مباح قبل المباح أصبح واجب علينا نحن الأباء والأمهات لأن نسلح أبنائنا بالثقافة وماهو حرام وماهو حلال وما هو عيب وخارج عند حدود الأدب العام لأنهم لن يفعلوا شيئا حيال هذه الإعلانات ولو منعوها فى التليفزيونات المصرية فما بالك بالقنوات الأخرى سواء عربية شرق أوسطية أو أجنبية موجهه لذا فلنبدأ بانفسنا ونعلم ونثقف ابنائنا ولا ننتظر أن يغيروا ولكن نغير نحن من ثقافاتنا ونرى ماذا يعلمنا ديننا فى هذا الخصوص ونبدء به مع أولادنا
ZORO
السلام عليكم ورحمة الله وبركاته
جزاكم الله خيرا اخوتى علي ردودكم ولكن كل اللي كنت عايزة اوصله بخلاف كيفية التعامل مع الاطفال في هذه المواضيع هو لماذا وصل بهم الامر الي الاعلان بهذه الطريقة في بلدنا الحبيب وكيف هذا الاختلاف الفظيع بين الاعلان لنفس الشركة ونفس المنتج من دولة الي اخرى اكيد فيه فرق والفرق ده احنا لازم نعرفه ونرفضه ويعلم كل من له منتج يريد الاعلان عنه ان يلتزم بادابنا واخلاقنا ليرى اعلانه ومنتجه النور ليتواجد في بلدنا. بس
إرسال تعليق