وحشنى قوى قوى صلاح جاهين وعندى احساس انه لو كان موجود بينا دلوقتى كان ابدع الوقت ده محتاجه جداً الله يرحمك يا ابو صلاح وحشتنا ووحشنا كلامك الحلو اللي ملوش حل فاكرة كل حاجة كتبتها يعنى دلوقتى والبيبان كلها مقفلة سمعاك بتقول:
يا باب يا مقفول
إمتي الدخول صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي
***************************************************************
اقول يا ابو صلاح انت مش معانا طب كتبت كده ازاى وامتى كنت حاسس كنت شايف
انا كل يوم أسمع ........ فلان عذبوه
أسرح في بغداد و الجزاير واتوه
ما أعجبش م اللي يطيق بجسمه العذاب
و اعجب من اللي يطيق يعذب أخوه
عجبي
**********************************************
وده حال شبابنا دلوقتى اللي مش عارفين هما شاب ولا عوجيز من الهموم اللي شايلنها
وده حال شبابنا دلوقتى اللي مش عارفين هما شاب ولا عوجيز من الهموم اللي شايلنها
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي
**********************************************
ينبوع و في الحواديت أنا سمعت عنه
إنه عجيب .. و ف وسط لهاليب لكنه
شقيت كما الفرسان طريقي .. لقيت
حتي الخنازير و الكلاب شربوا منه
عجبي
*************************************************
!!!!يا قرص شمس ما لهش قبة سما
يا ورد من غير أرض شب و نما
يا أي معني جميل سمعنا عليه
الخلق ليه عايشين حياه مؤلمة
عجبي !!!
هناك ٧ تعليقات:
من منا فى هذا الزمان يعرف من هو او الى اين سيذهب غدا كل واحد منا بيلف فى دوامة مش عارف اولها من اخرها والى بيعرف اولة من اخرة نقول عجبى على العارف
امش
يقول الأستاذ يحي حقي عن الرباعيات
إنه ليس بمثابة رد فعل كنقرة على وتر يستهلكها صداها الذي يموت سريعا ضعفاكأنه أزيز بعوضة ثم صمت و فراغ
بل هو ماء كالبحر اضخم الذي يصعب عليك أن ترى ساحله
إنه يبتلعك فتغوص فيه , و هيهات أن تصل إلى أعماقه متعددة الأمواج و الوان
أن نقرة الوتر لها دوي مهول لا ينقطع تكاد تضع كفيك على أذنيك من شدة وقعه والحاحه إنه كاابة المتشابكة يتكشف لك عند كل خطوة منظر مختلف
أنت ناضفي سبيلك و لكنك ربما تكون قد ضللت الطريق من حيث لا تدري و كأن الغابة تستدرجك عن عمد لتفنى بين أحضانها
أظن مافيش كلام ينفع يتقال بعد كده
محمد
انتقاءات جميلة
جزيتِ خيرا
ساعات فعلا الواحد بيحس انة مش لاقي نفسة ولا هو عاوز ايةو وساعات تيجي الظروف تمشية تجيبة هنا و تودية هناك و عجبي
فعلا انتقاءات جميلة ومميزة
اكتر واحدة بحبها
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
****
كل سنة وانتي طيبة وإلى الله أقرب وعلى طاعته ادوم.. ولكي مني كل الود والحب
كل سنة وكلكم بخير وبصحة وستر وربنا يديم علينا محبتنا اللي ان شاء الله لوجه تعالي جزاكم الله خيرا لمروركم
احبكوا في الله
علي فكرة يا محمد دى اول مرة اعرف راي استاذنا يحي حقي في الرباعيات جزاك الله خيرا
إرسال تعليق