الاثنين، ٣ سبتمبر ٢٠٠٧

شوفوا الزوجات بتعمل ايه

التدوينة دى حريمي يعنى معلش بقي يا رجالة شوية كده قرأت الكلام الرائع ده من سيدات بحق وحقيقي بيقولوا:
إحدى الزوجات تقول : كنت إذا أردت إيقاظ زوجي من النوم للصلاة أغسل يدي بالماء حتى تكتسب نوعاً من البرودة وأعطرها بالعطر المفضل لديه ، فإذا ما لامست برودة يدي جسمه الدافىء واستنشقت أنفاسه عبير ذلك العطر استيقظ من نومه وإن كان يغط في سبات عميق. وتقول أخرى : قال لي بغلظة سوف أذهب للغداء مع أصدقائي هل تريدين شيئاً ؟ قلت له : حسناً ولكن لا تتأخر لأن الكهرباء سوف تنقطع . استدار نحوها في تعجب وقال : من قال لك أنها سوف تنقطع ؟ أجابته بقولها : أنا أقول لك ذلك ، بمجرد خروجك من البيت يظلم كل شيء وبمجرد دخولك البيت يضيء كل شيء تبسم بعد أن أدرك ما ترمي إليه وذهب وكله شوق للعودة إلى البيت . > > أرادت أن تمازح زوجها قالت له : أفتح فمك وأغمض عينيك . أغمض عينيه وفتح فمه في تردد فإذا بها تلقمه قطعة من الحلوى اللذيذة . وعندما أراد الذهاب قالت مرة أخرى : أفتح فمك وأغمض عينيك ، أغمض عينيه من دون تردد وكله شوق إلى تلك الحلوة اللذيذة فإذا بها تلقمه ورقة تلك الحلوى التي وضعتها في المرة الأولى. > > قالت أخرى : أعتاد زوجي كلما ذهب مع الشباب في رحلة أن اخبىء له بين ملابسه رسالة حب تعبر عن مشاعري نحوه وقت غيابه وحالي وحال أولاده من دونه . > > وذات مرة لم أكن راضية عن سفره فلم أكتب له تلك الرسالة وعندما عاد من السفر فاجأني بقوله : لم أترك شبراً في الحقيبة إلاّ وفتشت فيه عن رسالتك التي عودتني عليها بل أني فتشت الحقيبة ثلاث مرات في كل مرة أقول في نفسي لعلها وضعتها هنا ولم أرها لعلي أفتش جيداً عنها .. تندمت كثيراً على فعلي ذلك وأنا المح حنين الشوق في تعبيرات وجه ، عزمت في نفسي بعدها إلا أقطع عادة حسنة كنت أقوم بها ما استطعت
يعنى بكلمات وافعال بسيطة جداً ممكن تكسبي كتير جدا ومش مكلفة خالص (علشان لو فيه حد منوفي في المنطقة) وردة بسيطة كلمة حلوة اكلة جميلة يعنى كل واحدة عارفة جوزها ممكن ايه اللي يعجبه ويشعره بالاهتمام
لما مررت الرسالة دى لصحباتي كانت ردود الافعال متباينة جدا اللي قالت يا سلام !!!!> هو في كده ف الدنيا > بس فين اللي يقدروا واللي استهان هو فيه وقت لكل ده يا اختى والي آثرت الصمت .
المهم احنا يعنى بنعمل كده علشان حد يقدر المفروض ان كل اعمالنا لله سبحانه وتعالي ونيتنا تبقي ان شاء الله بلوغ الفردوس الاعلي مش بس الجنة لازم طموحاتنا تبقي كبيرة زى ما هى كبيرة للدنيا ويحضرنى قول الله تعالى " ولهن مثل الذي عليهن بالمعروف " فيجب على كل من الزوجين أن يعاشر الآخر بالحسنى ، والزواج قائم على المحبة والمودة وقوله تعالى : "ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة " السكن بكل ما تحمله معنى كلمة السكن اللجوء والاحتماء والامن للزوجين
اهم ميزة في الموضوع ده ان البنات والاولاد لما يشوفوا باباهم ومامتهم بيتعاملوا مع بعض ازاى كمان هتكون هى دى الطريقة اللي هيتعاملوا بها في المستقبل مع ازواجهم وزوجاتهم يعنى كمان بنعمل للعيال مش عايزين نأمن مستقبل اولادنا.
" ممكن بقي اسألكوا بتتصرفوا وهتتصرفوا ازاى مع أزواجكوا

هناك ٦ تعليقات:

Friend يقول...

اربعه قرأوا الرساله سويا و هذه تعليقاتهم :

الساخر : كر كر كر كر.
المتشائم : يا ستى أقرأى صفحة الحوادث فى جرنال الأهرام أو الأخبار.
المتفائل : يا عمى بص للنص المليان من الكبايه فهن رياحين خلقن لنا.
الحسود : جتنا نيله فى حظنا الهباب.

غير معرف يقول...

هو فيه كده ف الدنيا
ده ردي طبعا
و انا لسه الى حد ما عند رايي
معظم الزوجات لا تنظر لحقوق الرجل و تنظر لحقوقها فقط و تلومه لقلة الرومانسية
طيب ما تحاول تبتدي هي الاول و تشوف رد الفعل ممكن يبقى كويس و الرجل يبادلها اهتمام باهتمام
يا رب يجعله بفايدة
ShIMo ShIMo :)

غير معرف يقول...

بجد تحفة و جزاكي اللة خيرا و بقول للسيدات اللواتي حدثوكي لمن يستاهل ذلك اقول مش ممكن واحدة تعمل كل دة لزوجها و ما يبادلهاش نفس الشعور "دة
حتي الحجر بينطق "


Shimo

غير معرف يقول...

مش عارفة بصراحة اعلق ازاى على الموضوع دة بس ممكن اقول احساسى كان نفسى نبدل الا دوار واغمض عينى واحس بنفس الاحساس الجميل دة اللى هو حاسة شوفى بقى ينابيع الحب والحنان اللى ممكن تحصل منى تجاهة ويااخت اقدر اقولك فاقد الشىء لا يعطية امش

MR.AMR يقول...

السلام عليكم
حضرتك قولتى الرجال يبعدوا شويه بس انا الصراحه رخم الصراحه عجبنى جدا الموضوع والمواقف ديه وديه مواقف جميله جدا مش هاقولك انا مستغرب ولا حاجه اصلى انا فى حاجه بقولها دايما ان كله مااااشى يعنى كله موجود ومفيش مستحيل
وحاجه تانيه مش مخليانى مستغرب انه معروف عن البنات الطيبه والرقه والحنيه .وياريت الواحد يلاقى واحده زى دول لو عندك واحده من دول قوليلى وانا جاهز. هو فى اكيد بس زى دول قليل جدا ونادر انا عايز واحده زى الاولنيه مش هاقولك علشان اصحى على ريحه بصل لا علشان اصلا اكيد الى هاتجوزها مش هاتعرف تطبخ اصلا
: فى 5 شروط علشان تلاقى واحده زى دول
1متربيه كويس واخلاق
2عايزه تعيش
3بتحب جوزها بجد
مش طماعه بتحب الفلوس4
5مش تسمع كلام صحباتها او امها اذا كانت حماه
لو فيها ال5 شروط دول ممكن تلاقى واحده زى دول بس .بس ياريت ميكنش الكلام ده فى شهر العسل بس يكون علطول طبعا الى تعمل كده مع جوزها هايعملها بنفس الطريقه.ياريت القى واحده من دول هاعاملها احسن منها .بس لو لقيت
ارجوكى لو عندك واحده بالموصفات ديه قوليلى مااااشى وانا هاستنا بس شكلى هاستنى كتير اوووى

أنسانة-شوية وشوية يقول...

بصراحة انا مش عارفة انتو مستغربين ليه انا كمان كنت مستغربة في الاول لكن الاستغراب زال لما جربت اعمل زيهم هم شخصات حقيقية فعلا ولسوا من الخيال وانا اتعلمت منهم واكيد في منهم كتييييييير ولو مفيش البنات تتعلم ايه يعنى ويا امش يا حببتى فاقد الشئ لا يعطه بس لما يكون فيه حد بيعامل حد كده علي طول لوجه الله تعالي مش لغرض اخر ربنا سبحانه هيسخر له من يعامله بنفس القدر او ازيد بس نجرب والتجربة خير برهان.
وانت يا مستر عمرو ممكن اشتغل لك خاطبة وادور موافق