الخميس، ١١ أكتوبر ٢٠٠٧

ختم القرأن

عند دخولي المسجد ليلة ختم القرأن بسم الله تبارك الله لقيت عدد الحاضرين والحاضرات اكثر بكثير من عدد كل يوم تقريبا يفوق الضعف وعند بحثى-بصراحى انا غلسة اوى في الحاجات دى- عرفت ان فيه مقولة بتقول "أن عند كل ختمة دعوة مستجابة" والناس بتقول ان ده حديث وكعادتى طبعا دورت علشان اعرف ده حديث ولا مقولة وفي النهاية اهتديت انها مقولة وان هذا الكلام لا يصح عن الرسول صلي الله عليه وسلم بس بصراحة المسجد كان مليان بشكل غير عادى والطريق المؤدى اليه اتقفل بالمصلين وكان البكاء والنهنه علي ودنه مفيش حد مبكاش من الدعاء لان الشيخ كان صوته عذب وطريقة قراته ممتازة وقد اسهب في الدعاء مخلاش من فلسطين للعراق للشيشان لمصر للنساء للشباب للرجال لللأباء والامهات لللأحياء والاموات يعنى كان دعاء شامل يمس كل الموجودين وطبعا لاننا محرومين دعاء ولمة وصحبة صالحة خرجنا كلنا كأننا مغسولين وقلوبنا فيها سكينة غير عادية.
أسال الله من فضله ان يديمها علينا ويكثر من لم شملنا جميعاً
لمن يحب القرأة عن اللهث وراء الختمات

هناك ٦ تعليقات:

http://kasperb4.blogspot.com/ يقول...

ربنا يبارك فيكي

وجزاكي الله خيرا
وكل دعوة حلوة تستحقيها لأن فعلا احنا محتاجين اللي يوعينا لأن في حاجات كتير اوي بنعملها ونحسبها شرعية واسلامية
وهي ف الحقيقية عادات تعودنا عليها فقط لا غير
مش عارف اشكرك ازاي
ولو إن الموضوع ده كان مفروض يبقى بدري شوية ولكن عسى الله ان ينفع به

بس ممكن لو حبيتي تضيفي في البوست بتاعك اللينك ده من عند اخي وحبيبي عصفور المدينة وهو موضوع مرتبط بالدعاء والبدع اللي احنا غرقاين فيها

قنوت الوتر .. هذه الظاهرة الصوتية

MR.AMR يقول...

السلام عليكم كل سنه وحضرتك طيبه
أنا ليه اعتراض على الموضوع ده وأنا مش مع الكاتب إلى فى الينك ممكن فعلا مش صحيح المقوله ان بعد الختمه دعوه مستجابة
بس مش معنى كده إننا مش ندعى, الله اعلم يمكن الدعاء يستجاب ,فى طبعا أوقات معينه معروفه الدعوة فيها مستجابة ولكن ممكن لا يقبل الدعاء وأوقات أخرى غير هذه الأوقات يستجيب الله للدعاء , وأنا لما قريت المكتوب فى الينك يقول الكاتب الناس بتبكى علشان المخلوق ولا تبكى لكلام الله طب المخلوق ده بيقول إيه
مش كلام الله وبيدعى لله والناس لما بتبكى بتبكى علشان حاجه غلط عملتها وبتدعى علشان ربنا يغفر لها مش علشان كلام الشيخ ,فيها إيه لما المسجد يملىء على أخره والناس تبكى أنا مش شايف ان ده غلط .وحضرتك بتقولى انك حسيتى بسكينه بعد الدعاء ,أنا اعتقد ان الله لو مش حابب هذه اللمه وهذا البكاء مكنش حد حس بسكينه بعد الدعاء. .
ربنا تقبل دعاءنا

Friend يقول...

السلام عليكم و رحمة الله و بركاته
جزاك الله خيرا ، لكن ليه عدة تعليقات على تلك الكلمه :-
-يا أختى مش اتجاههم ناحية الله و دخول المسجد لحضور خنم القرأن و اللجوء لصاحب الأمر أحسن من متابعة التليفزيون.
يقول الله عز و جل ( أدعونى استجب لكم ) بأى طريقه و فى اى وقت و فى اى مكان،،،،،، و لكن تحرى الوقت و المكان الصحيح يكون افضل و ليس افضل من مكان المسجد و الوقت بعد انتهاء تلاوة القرأن ... أليس ذلك الوقت تشهده الملائكه و يذكروا فى الملاء الأعلى و يباهى بهم الله الملائكه .... أليس ذلك من افضل الأوقات ،،، كما انه اذا وافق تأمينك على الدعاء تأمين الملائكه من علامات الأستجابه.
- يذكر عن ابن عباس و انس بن مالك انه يفضل ختم القرأن فى اكبر عدد من افراد الأسره حيث يشهد الختمه أكثر من 4000 ملك يأمنوا على الدعاء.
- ثم انها حتى لو كانت بدعه فهى بدعه حسنه ، مش افضل من الأجتماع فى النادى او القهوه او مجالس النميمه .
- يجب ان نحافظ على الصحبه الصالحه و المكان الصالح كما فى الحكايه الشهيره للرجل الذى قتل 99 نفس ثم أتمهم ب 100 نفس و اوصاه الرجل الصالح بترك المكان الذى فيه لانه مكان سوء استدل على ذلك من انهم تركوه يقتل 99 نفس و لم يمنعه و يزجره احد.
- اجمل و افضل شىء فى الدنيا جمع و لم الأصحاب فى قعده و كل واحد يأخذ جزء من القرأن و يتم عمل ختمه ،،، حاولا ذلك و شوفى مقدار البركه و الرحمه و السكينه التى تحدث لهذا الحضور .
- يا اختاه تحرى الدقه فى نقل المعلومه المفيده حيث من دل على خير فله اجره و اجر من عمل به و من دل على غيره فله غيره.
و السلام عليكم و رحمه الله و بركاته

أنسانة-شوية وشوية يقول...

السلام عليكم ورحمة الله وبركاته
اخى محمود آلام وآمال جزاك الله خيرا علي مروردك وتعليقك انا بالفعل دخلت علي اللينك وهو مفيد جدا وكنت قد قرأت اكثر من عالم في هذا الشأن وكنت انوى التحدث عنه ربنا يبارك للجميع في نواياهم.
اخى عمرو وفريند
اعتقد انكم فهمتونى خطأ .
وفي البدية لازم نرسي مبدأاننا نعبد الله كما يريد الله سبحانه وتعالي وكما بلغنا الحبيب المصطفى وان الحبيب ما ترك باب خير إلا ودلنا عليه واخبرنا به في كل علاقاتنا من الجيران لمعامة الابناء للعلاقات بين الزوجين ولعباداتنا وباب الاجتهاد مفتووح للعلماء في المستجدات التى توجد باختلاف الازمان والاحداث كالمعاملات البنكية مثلا فهل باب العبادة والدعاء متغير بتغير الازمان والاحداث لا اعتقد .
ثانياً ما طتبتبه كان عن تجربة عملية لقد رايت جراتي والله انى احبهم في الله جميعا واحسبهم علي خير ولا نزكي احد علي الله تذهبن من مسجد لاخر تسمع انه سوف يختم القران ذلك اليوم هذا ما اردت ان انوه عنه وبالسؤال وجدتهم فعلا يرددون المقولة مع كل ختمة دعوة مستجابة ولكن موضوع الدعاء ده انا ارجئه لوقت اخر لان سبحان الله الدعاء في كل وقت وفي الاوقات التي اخبرنا بها البيب المصطفى الدعاء بإذن الله يستجاب وكلها احاديث صحيحة فلماذا نترك ما هو غير صحيح او ضعيف ينتشر بيننا ويسمتر مع ابنائنا اليس هذا من البدعة الغير حسنة
ختاما تقبل الله منا ومنكم صالح الاعمال واثابنا علي نوايانا الحسنة
عيدكم مبارك وجمالً

غير معرف يقول...

و الله يا طنط أنتى معاكى حق مش علشان نخلى الشباب ميتفرجوش على التلفزيون أو يقعدوا على القهوة نخليهم يفهموا الدين غلط لا طبعا....هو ده اللى حيرجعنا لورا لازم معلزمتنا الدينية تكون صح لو الواحد عايز يمشى على دين ربنا يبقى يمشى على تعاليمه
ربنا يباركلك يا رب و يعيشى و تتحفينا


فى ميزان حسناتك إن شاء الله

غير معرف يقول...

و الله يا طنط أنتى معاكى حق مش علشان نخلى الشباب ميتفرجوش على التلفزيون أو يقعدوا على القهوة نخليهم يفهموا الدين غلط لا طبعا....هو ده اللى حيرجعنا لورا لازم معلزمتنا الدينية تكون صح لو الواحد عايز يمشى على دين ربنا يبقى يمشى على تعاليمه
ربنا يباركلك يا رب و يعيشى و تتحفينا


فى ميزان حسناتك إن شاء الله