وانا ماشية في الشارع ومش عارفة امشى طبعا لان مفيش رصيف والسيارات بتعدى من جنبي بترعبني لان مفيش مطبات ولا عساكر شرطة لقيت علبة غريبة بفتحها لقيت فيها فانوس قديم كده شكله غريب قولت تلاقي عيل غلب امه فرمت الفانوس اعدت انظفه فجأة ظهر لي جني بيقول شبيكى لبيكى طق طق بين ايديكى ولانى مش من اصحاب الافكار الطقة الا انى قولت يابنت ولا يهمك اطلبي اللي انت عايزاه جنى بقي طب اعمل زى اسماعيل ياسين واطلب فلوس كتير علشان اصرفها في الكباريهات وعلي الرقصات ولا زى عبد السلام النابلسي زى مين زى مين
وانا بفكر سمعت صوت من بعيد بيقول اطلبي فلوس و صوت تانى بيقول فلوس من غير نفوذ متنفعش يعنى ايه يعنى نطلب فلوس ونطلب حصانة يا ولد ايه الحلاوة دى واعمل ايه بالحصانة يوه يوه يوه دى انت مش عايشة بقي مش عارفة تعملي ايه بالحصانة نجيب فلوس اكتر من غير ما حد يسالنا منين وبكام.. نعذب في خلق الله اللي مالهمش ظهر ومحدش يقول مين وازاى.. نشترى في مارينا قصور وفيلات ولا مين شاف ولا مين دري.
وانا بفكر سمعت صوت من بعيد بيقول اطلبي فلوس و صوت تانى بيقول فلوس من غير نفوذ متنفعش يعنى ايه يعنى نطلب فلوس ونطلب حصانة يا ولد ايه الحلاوة دى واعمل ايه بالحصانة يوه يوه يوه دى انت مش عايشة بقي مش عارفة تعملي ايه بالحصانة نجيب فلوس اكتر من غير ما حد يسالنا منين وبكام.. نعذب في خلق الله اللي مالهمش ظهر ومحدش يقول مين وازاى.. نشترى في مارينا قصور وفيلات ولا مين شاف ولا مين دري.
وصوت تانى بيقول اطلبي تبقي رئيس جمهورية وامنعى الاحتكار ومتخليش رزق وعلاج وتعليم الغلابة في ايد اللي ما يرحمش
انا بقي قولت له بص يا طق طق يا جنى كل اللي اتقال ده ينفع تنفذه قالي لا طبعا مفيش رئيس جمهوية ست قولت طب ممكن ترجع الخضرة في ارضنا قالي انت بتهزرى طبعا لا طب تقدر ترجع الرحمة في قلوبنا قالي انت بردة بتهزرى طب تقدر تخلي الابناء بارين بآبائهم قالي ده بقي هزار رخم محبوش طب ممكن نرجع البركة في ايامنا قالي انت لقتينى علشان تهزئينى من الاخر اطلبي طلب علي قدى.
انا بقي قولت له بص يا طق طق يا جنى كل اللي اتقال ده ينفع تنفذه قالي لا طبعا مفيش رئيس جمهوية ست قولت طب ممكن ترجع الخضرة في ارضنا قالي انت بتهزرى طبعا لا طب تقدر ترجع الرحمة في قلوبنا قالي انت بردة بتهزرى طب تقدر تخلي الابناء بارين بآبائهم قالي ده بقي هزار رخم محبوش طب ممكن نرجع البركة في ايامنا قالي انت لقتينى علشان تهزئينى من الاخر اطلبي طلب علي قدى.
طب يا جنى انا نفسي في جنينة جنب البيت كلها خضرة وفيها نافورة زى اللي كانت في ميدان التحرير زمااان وفيها اماكن نقعد عليها ومفتوحة للناس مش علشان تكون منظر والاهم انى عايزة وقت اقدر اقعد فيها مع البنات واقرأ الدستور و في ايدى كوباية شاي والبنات بتلعب قصادى تقدر.
قالي انا هحرق نفسي علشان ترتاحي وملقتهوش وسمعت صوت طلع المنبه بيصحينى وصحيت من النوم زعلانة كان نفسي في الجنينة وكوباية الشاى مامتى قالت لي ابقي اتغطى وانت نامية فلقتينا
هناك ١١ تعليقًا:
السلام عليكم ورحمته وبركاته
اهو هو ده الحلم الى الواحد يتمنى يتحقق
حلم جميل جداااااااااااااا
بس حلم,,,,,
اللهم اجعله خير ,,,,,
يارب يحصل ويتحقق
السلام عليكم ورحمة الله و بركاته
- انا مع الست والدتك و بأنصحك زيهها لا تتقلى فى العشا و اتغطى كويس.
- لكن عموما فى ملاحظه اود تبادلها معكم و هى كيفية تحقيق احلامنا و رغباتنا و امالنا ، الملاحظ الأن رغبتنا فى الأستسهال عموما ، بمعنى تهافت الناس على المسابقات فى التليفزيون و المحمول و التليفون 0900 و ما ادراك كم النصب و الضحك و الأستهزاء بأمال و طموحات و احلام الناس من اجل مكسب سهل سريع و كذلك كبر عدد مشتريى شهاداة المليون و غير ذلك من اجل ايجاد الوسائل التى نحقق بها احلامنا بسرعه بسرعه بسهوله بسهوله بدون تعب.
و قد يرجع ذلك لضيق ذات اليد و الفوارق الماديه الرهيبه فى المجتمع و تزايد معدلات البطاله و المحسوبيه و فساد الذمم و عدم مراعاة الضمير فى التوظيف و التعيين و الراتب و المكافأة و صعوبة احساس المواطن بأدميته و بأنسانيته و الطاحونه التى مقدر لنا الدوران فيها.
المهم هو و المحزن فى نفس الوقت عدم تفكيرنا رغبتنا قدرتنا على تحقيق احلامنا و امالنا بمجهودنا و بأمكانياتنا ، افقدنا الرغبه و القدره. من هنا فتح باب الأستسهال و الرغبه فى الكسب السريع.
- انا لا اهوى النكد و لكنه الواقه المؤلم و انا بحاول اعكس طلباتك من ذلك الجنى الكسول . مقدرتيش تحلمى بجنى شاطر شويه.
و الله بجد حرام عليكي جننتي الجني الراجل يعمل ايه يعني يقطع نفسه
اسمحي لي استخدم المصباح ده شوية مانا اختك بردو بصي يا ستي
انا باه عاوزة الناس ترجع تحترم بعض تاني و تخاف على بعض عاوزة الناس تهتم باطفال الشوارع شوية لانهم فعلا محرومين من حاجات كتير اوي و اكيد محتاجين يشعروا بطفولتهم
عاوزة ايه عاوزة ايه اه عاوزة ياستي الفساد يقل شوية و الناس المسئولة عن ضياع ارواح الناس ف العبارات و القطارات تتحاسب
شفتي طلبات سهلة ازاي و مش هتغلب الجني
اه و ياريت شويت طلبات لنفسي عاوزة احج و اسافر المانيا و فرنساو ايطاليا و اسبانيا
كفاية كده باه لحسنالجني يقول عليا طلباتي كتير
شكل مامتك كده هتجيبلي غطا انا كمان
ShIMo ShIMo :)
هههههه يا ستى كنتى اطلبى زلابية وخلاص لازم تقرفى الراجل معاكى انتى مطلعاه علشان تزهقيه انا حسيت انه هيرجع للفانوس تانى من طلباتك
بجد موضوع جميل جدا ومؤثر ولذيذ وطريقة اسلوبك وكتابتك جميلة بس كبرى الخط شوية انا مش عارفة البسلكوا ايه بعد النضارة يعنى
وانا كمان نفسى فى فانوس يحققلى اللى انتى اتمنتيه لو لاقيتى جنى يعملى كده قوليلى وليكى الحلاوة
عايزاه يخلى الناس تحب بعضها ويسامحوا بعض
عايزاه يخلى الكبير يعطف على الصغير والصغير يحترم الكبير
عايزاه يخا\لى مفيش حد فقير اوى وحد غنى اوى على الاقل يكون فى اتزان
عايزاه يلغى الاعتقال اللى فى السجون اوالتعذيب اللى بيحصل
عايزاه يحرر الاقصى وينقذ الاطفال المشردين والامهات المرملين والرجال المصابين
عايزاه ينجح اللى بيذاكر ويوظف اللى بيشتغل ويجوز اللى عارف يعنى ايه جواز
عايزاه وعايزاه بس هقول لمين بقى
عايزاه يمسح دموعى ويهون عنى ويقولى مسيرها تروق وتحلى
بوست رائع جزاكى الله خير
السلام عليكم ورحمة الله وبركاته
مستر عمرو جزاك الله خيرا لمرورك
مصطفى النجار
سعدت بزيارتك وياريت تتكرر
فريند
اه عندك حق والله حتى بتسحر قبل ما انام بكتييير اظاهر لازم اتغطى كويس وبالنسبة للاحلام كل واحد بيشوف اللي يحقق حلمه بالطريقة المناسبة لان فيه ناس كتير بتعمل وبرده مع كل العمل لا يستطيعوا تحقيق احلامهم من اول الامانى العادية في امتلاك شقة او سيارة او عمرة حتى الامانى الكبيرة وهى الحج علشان كده الناس بتلهث وراء الاعلانات وال 0900 زى ما بتقول
شيمو حبيبتى انت عارفة انى اختك طبعا وانتى حبيبتى عندك شك في كده بس معلش سيبهولى شوية يمكن احاول معاه تاني
انسانة حبيبتى سبحان مؤلف القلوب حببتك دون ان اراك احبك في الله تعليقك اسعدنى جدا وياريت اكون انا الجنى اللي يمسح دموعك ويهون عليكي ومسيرها تروق وتحلي وكل ليل وله نهار وكل ظلمة بعدها نور مش كده ولا ايه
:) اللي منحققوش في الحقيقة...
نجربه في الحلم :)
السلام عليكم ورحمة اللةو بركاتة اختى حببتى انا عرفت لية دلوقتى اننا زمان كنا بنرفض الغطاء علشان ماكناش عايز ين احلامنا وطموحطنا تتغطاة بس بصراحة عايزة اقولك انتى قسيتى على الجنى قوى بكل طلباتك دية يعنى ياستى كان ممكن طلب واحد يكفى وهو ان الناس تحب بعض وتخاف على بعض سعتها هتلاقى الدنيا اتغيرت وبقت شكل تانى ولقول رسول اللة صلى اللة علية وسلم حب لاخيك ما تحب لنفسك وبكدة هتلاقى الدنيا حالها اتعدل ونصبح فعلا بقولة تعالى 0 كنتم خير امة اخرجت للناس وفى النهاية اود ان اقول ربنا يزيح الغمة والسلام ختام امش
السلام عليكم ورحمة اللةو بركاتة اختى حببتى انا عرفت لية دلوقتى اننا زمان كنا بنرفض الغطاء علشان ماكناش عايز ين احلامنا وطموحطنا تتغطاة بس بصراحة عايزة اقولك انتى قسيتى على الجنى قوى بكل طلباتك دية يعنى ياستى كان ممكن طلب واحد يكفى وهو ان الناس تحب بعض وتخاف على بعض سعتها هتلاقى الدنيا اتغيرت وبقت شكل تانى ولقول رسول اللة صلى اللة علية وسلم حب لاخيك ما تحب لنفسك وبكدة هتلاقى الدنيا حالها اتعدل ونصبح فعلا بقولة تعالى 0 كنتم خير امة اخرجت للناس وفى النهاية اود ان اقول ربنا يزيح الغمة والسلام ختام امش
لا نحتاج إلى جني لتحقيق ما تطلبين
فهو بأيدينا
و نستطيع صنعه
إن أردناه حقا
و كل ما علينا
أن نتحول جميعا إلى
انسان و انسانة
محمد
السلام عليكم وحرمته وبركاته
ايه موضوع الجنى بتاعك ده كل ما تطلبه منه حاجه يقول لك انتى بتهزرى
انا عاوزه اساله هو ممكن يحقق لى ايه بالظبط ممكن تبعت لى الفانوس وانا
اتصرف معه عموما هو شكله عامل زى الجنى اللى كان طالع فى مسرحيه عفرتوا
انتى عارفه ده لو جنى بجد من اللى بيحقق الامنيات انا كنت طلبت منه فلوس اد 100 مليون جنيه كده واعمل انا باه الخضره اللى انتى عاوزها اتبرع بجزء وابنى مستشفيات بجزء واعمل مشروع علشان مش كل يوم اطلب من الجنى وعاوزه اقول لك حاجه جامده الجنى ميقدرش يغير نفوس الناس الهدى من الله والرحمه من الله
وعمر ما الفلوس بتخلق الحب ولا الموده ولا الرحمه
abeer farouk
إرسال تعليق