بصراحة زى كده ما اكون مصدقت ان محمود صاحب مدونة آلام وآمال يبعت لي التاج ده لانى كل ما ادخل علي مدونة الاقي فيها تاج اقعد افكر واقول لو اتوجه لي السؤال ده هرد بايه يعنى ظريف ان الواحد يتسأل اسئلة مش متخيلها فيفكر ويجاوب وتتطلع منه حاجات جميلة ميكنش حاسس بيها زى مثلاً هل انت راض عن حياتك؟ ما هو اسوأ شي حصل لك او ممكن يحصل؟ لاننا بتعيش الحياة ومواقفها بس ومفيش وقت تفكر هل انت سعيد؟ لو اه له؟ ولو لا برده ليه؟ وربما تكون دى وقفة توجهنا او تنير لنا الطريق للقادم.............. يالا بقى نشوف التاج بقي اخباره ايه-محدثةنعمة شكلى كده:
لو قالولك اختار عصر من عصور مصر علشان تعيش فيه تختار اى عصر و فى عهد اى حاكم ؟
لو اتسألت السؤال ده من فترة كنت جاوبت اجابة تانية خالص بس دلوقتى بقول ان ده اكيد احسن فترة اللي انا بعشها لان هو ده قدرى فمش هفكر في عصر تاني لانه ده اكيد الاحسن.
اول اولويه فى حياتك عيلتك ولا شغلك ولا اصحابك ؟
عائلتي طبعاً ومن غير تفكير
ايه اكتر حاجه بتحبها فى رمضان ؟
كل حاجة في رمضان بحبها اللمة ,الصحبة , الشوارع ساعة الافطار, الخير, الصلاة, الصيام, التراويح, التهجد, وقت الشغل, كله كله ررررررررائع.
أوصف ليا اجمل فطار ممكن تفطره ؟
افطار كل عائلتنا فيه مجتمعة علي حب وطاعة الله سبحانه وتعالي
لو انت حاكم علي مجموعة من الافراد هتكون عادل؟ طب هتعمل ايه علشان تتأكد انك حاكم عادل؟
اكيد هحاول طبعا اكون عادلة علي قدر المستطاع وبعدين كل واحد فينا راع ومسئول عن رعيته والراع ده اكيد في منزلة الحاكم سواء في العمل لو هو مدير او في البيت عن الاولاد .
انت مش محتاح انك تعمل حاجة علشان تتأكد انك حاكم عادل من احوال الرعية بيبان من غير اعمال.
اللى بيبوظ الحكام .. نفسهم؟ ولا الشعب؟ ولا الحاشيه المقربه ؟
كلهم بيبوظا بعض
مين أكتر اعلامي مصري بتحترمه ؟
مش متابعة غير منى الشاذلي في العاشرة مساء وقلم رصاص لحمدى قنديل
قريت ديوان عمر مصطفى صاحب بلوج تجربه " اسباب وجيهه للفرح" عن دار ملامح و لا لسه ؟؟ لو اه ايه رايك فيه ؟
لا بس هدخل اشوف المدونة ان شاء الله
لو ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ايه ؟
كنت عايزة زممممممممممممممممان اطلع مرشدة سياحية مش عارفة ليه -مع انى متأكدة انى منفعش-.
ايه تانى بلد تتمنى تعيش فيها بعد مصر ؟
انا مبفكرش انا عارف المدينة المنورة طبعاً
بتراعي كلام الناس والقيل والقال ؟لو اه او لو لا قول لى ليه؟
لا لانى قبل ما اقدم علي اى عمل بكون درسته كويس وعارف ايه مزايه وعيوبه وبتشير وبستخير علشان كده لا اعبء بكلام الناس
صحيت من النوم ما لقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنه هتكون سعيد ؟
لا لان كل ما الانسان بيستخدم التكنولوجيا حياته بتتغير غير لما يكون ما استخدمهاش اصلاً تفرق كتيير
السعاده هى؟
رضا الله عليك
عندك أمل ؟ أسبابك؟
اكيد عندى امل هو فيه حد يقدر يعيش من غير امل ايمانى ينبع منه املى
لما تحب تهرب من كل شئ بتروح فين ؟
بمسك كتاب او جريدة وكوباية شاي واقعد مع نفسي
امتى أول مره خدت فيها نفس طويل كده وقلت بينك وبين نفسك يااااه الظاهر انا فعلا كبرت ؟
كل ما احس انى نفسي قصر او بمعنى اخر الاقي روحى مش طويلة مع المشاكل اقول اه شكلك كبرتي
لما بتعمل عمل خيرى بيكون ايه هو دافعك الاول ؟
رضا ربنا وتقبل العمل لدخول الجنة
بتشرب سجاير ؟ لو الاجابه اه ايه شعورك لو شفت ست بتشرب سجاير ؟ وليه ؟
لا بس كان في دماغي من زمممممممان ان شرب السجاير انحراف وانا معرفتش انحراف طول عمرى
بتعرف ايدك اليمين من الشمال ازاي ؟
الشمال فيها الدبلة
ايه اكتر اله موسيقيه بتحبها ؟
كنت زمان بحب الهارمونيكا بس يعنى كده نفسي اتقطع
فى رأيك ليه الذوق والنخوه اتعدموا ؟
مفيش حاجة اتعدمت قلت اه بس لسه فيه والسبب ان الناس بعدت عن الدين بمفهومه الصح وبقي محصور في العبادات وبس ايه الحاجى اللي لو حصلت لك تبقى سعيد قوى ؟ ان اتم حفظ القرآن الكريم واحصل علي الاجازة
تختار يبقى عندك ... ارض زراعيه ولا اجنس عربيات و لا كام عماره و لا فلوس فى البنك ؟ اختار الله فيهم راحة البال
البحر و لا النيل ؟ النيل طبعا لانى بخا ف من البحروبشرب من النيل
مركب و لا طياره ؟ االلي متعرفهوش انى بخاف موووووووووت من المية تبقي الطيارة اكييييد
مجنون و لا عاقل ؟ ساعات الجنون بينفع بردة بس العادى عاقل
اتقرأ كتاب و لا تتفرج عليه فيلم ؟ اقراه ده اكيد لانى بشوفه بالقرأة بعينى انا مش بعين المخرج او الممثل
بتمرر التاج لمين ؟
علي غرار المواطنين بعد الانتخابات انا في الاول بشكر كل اللي تعب نفسه وقرأ التاج ده واعذرونى لو اطلت عليكم او كنت غلسة في حاجات ثانيا احب امرره لكل صاب مدونة او حتى مش صاحب مدونة يقرأ ويجاوب ويشوف اخبار نفسه ايه وممكن اخص ءارباب متفرقون خير عايزة اشوفه و السلام ختام
هناك ٥ تعليقات:
اجابات مختصرة وأقصر من إجاباتي كمان
:D
يعني انا كنت فاكر اني اكتر واحد اختصرت
لكن حضرتك كده غلبتيني ف الاختصار
:)
اجاباتك حلوة ربنا يكرمك
والحمد لله ان التاج عجبك
وطالما فرحتي بقى يبقى استني تاج تاني مني قريب اوي ان شاء الله هو اتمررلي بس لسة مجاوبتوش وتاج جميل جدااا
:D
وعلى فكرة جميل اوي بجد الدعاء بتاع مشاري
ربنا يبارك لك ويجازيكي خير
دي اول زيارة ليا
مع انك تكرمتي عليا وزرتيني من فترة طويلة
اعذري تاخيري
وسعيده جدا بمعرفتك
اتمنى تكون معرفة دائمة
فعلا استمتعت بشكل كبير جدا من ردودك الجميله بس اكتر حاجة ضايقتنى انها خلصت بسرعة وانتظر تاج اخر
نور الفجر
السؤال الأول على ما أتذكر سئل للشيخ محمد الغزالي رحمه الله
فكانت اجابته : هي هذا الزمان , فهو قدر الله عز و جل و هو سبحانه يعلم الأنسب لنا , فلا أعلم إن كنت أيام النبي هل سأكون من أصخابه أم لا , و هل مكنت سأتحمل الابتلاءات التي تعرضوا لها أم لا
طبعا ده معنى الكلام
محمد
محمود
جزاك الله خيرا علي تعليقك ومستنية اشوف ردودك علي التاج اللي جالك
لحظة
نورتى مدزنتى ويارب دايما مكررة زيارتك لي جزاك الله خيرا علي التعليق الجميل ده.
نور الفجر
انت حبيبتى في الله
محمد
ايوه صح هو ده فعلا كان معنى رد الشيخ الغزالي رحمة الله وهو ده اللي انا قصده برده والحاجة ناهد الله يكرمها هى اللي علمتنى ان الانسان لا يصح ان يسال في الاسئلة القدرية يعنى كنت اتولدت في عصر الرسول عليه الصلاة والسلام او ان ليه فلان اتولد في عائلة مش مسلمة وانا في عائلة مسلمة.
الحمد لله الذي علمنا ما جهلنا اسال الله العلي العظيم ان ينفعنا بما علمنا انه القادر علي كل شئ
إرسال تعليق