من فترة طويلة وانا حاسة ان الوقت بيمر بسرعة غير عادية واليوم بيمر كانه ساعة والاسبوع كذلك ولما فتحت اجندة عام 2007 قولت ياه 2006 مرت بسرعة جدا طب عملت فيها ايه بس بصراحة قولت اهم حاجة عملتها السنة اللي فاتت انى اديت فريضة الحج انا وزوجى الحبيب ودى كفاية اوى لانها نعمة وفضل من الله لادخل لي بها لانى منذ سنوات وانا ابكي واحترق شوقا لاداء هذه الفريضة العظيمة الي ان من الله علي بادائها طب سنة 2007 وانا بتصفح الاجندة لقيت اننا بقينا في اخرها طب عملت ايه. كنت من فترة وضعت خطة انى لازم اكون حافظة القرآن ودرست علم الحديث والتفسير ده بدخولي العقد الرابع تمهيدا لدخولي معهد اعداد الدعاة عل الله ان يستخدمنى لخدمة دينى طب عملت ايه بقي علشان ده يتحقق،اجهدنى التفكير واثناء حديثى مع شخصية احترمها جدا واقدرها قال لي مش لازم كل حاجة تبقي 100% ممكن حاجة تكون 75% وتكون كويسة فلا ترهقي نفسك باكثر مما تستطيعى يعنى لو الوقت ده ما ينفعش فيه قرأة قرآن ممكن تقدرى تصومى وهكذا بصراحة اثرت فيا كتيرالمحادثة دى ويمكن هى اللي ريحتنى في رمضان لما ظروفي كانت تمنعنى ان اصلي التراوح في المسجد واقول كل مرحلة من عمرنا لها مزايا وعيوب ولازم اننا نتواءم من ظروفنا يعنى ان شاء الله لو ربنا احيانى كمان سنتين تلاتة ممكن البنات يكونوا كبروا واقدر انزل وان مضطمنة ، لكن بعد شوية قولت لا طب اعلم قضاء الله منين وهل هقابل الله لو قالوا ماتت وانا نفسي اقابل ربنا سبحانه وتعالي بأضعف الايمان علي الاقل الزهراوين (البقرة وآل عمران) لو وافتنى المنية وانا بعمل احسن من ركونى وانتظارى لظروف احسن تعيننى علي اللي عايزة اعمله وعزمت علي انى اشوف محفظة او دار من دور التحفيظ للالتحاق بها الي جانب انضمامى الي الاكاديمية الاسلامية المفتوحة لدراسة باقي المواد الشرعية خصوصا انها متاحة للدراسة عبر الانترنت و اثناء مرورى علي دور تحفيظ القرآن اخر رمضان محاولة منى لانقاذ ما يكن انقاذه وجدت معهد اعداد محفظى القران الكريم ويشاء الكريم ان فترة التقديم تمتد حتى اقدم فيه وبدأت وانا متوكلة علي المولى سبحانه وتعالى ان يساعدنى ولكن لانشغالي في البيت والعمل لا استطيع الحضور بصفة مستمرة فاعود لنفس المشكلة وهى الوقت مش عارفة اجيب وقت منين بس هحاول وادعولي لانى خايفة جدا اقابل ربنا من غير ما اعمل حاجة وادعوا لبهلولة ان يتغمدها الله برحمته واسال الله ان يبارك لنا في اعمارنا والمسلمين وفي اوقاتنا واوقات المسلمين.. امين امين معلش اطلت عليكم بس حبيت تشاركونى همى وافضفض مع احبابي
هناك تعليقان (٢):
جميل اوي ربنا يكرمك ويرزقنا واياكي الإخلاص في القول والعمل
وربنا ييسرك لك الحال وتقدري تظبطي وقتك ان شاء الله وتكملي حفظ
حبيبتى وتؤام روحى (مخلصة والله) هونى على نفسك اعلم ماتعانيه تماما واعلم قدر انشغالك ولكن الم تعلمى ان الله قد يجازينا بالنية الصالحة ان صدقت العزيمة وانا اعلم انا لك عزيمة قوية وربنا ان شاء الله حيعطيكى العمر حتى تتمى حفظ القرأن كله وتعلمى مئات يكونوا فى ميزان حسناتك باذن الله وساكون ممن تعليميهن ولن تحتاجى لوقت طويل البنات قربوايكبروا خلاص ويعتمدوا على نفسهم وبشوية توجيه وتعب قليل ممكن يساعدوكى كمان ويفتح الله لك من وسع ويبارك لك فى وقت وجهدك وصحتك انه سبحانه على مايشاء قدير
نور الفجر
إرسال تعليق