بصراحة يوم الخميس مريت بموقف سورى يعنى زى الزفت وواحدة صاحبيتى بحبها جداً تقول علي المواقف اللي زى ده (زبالة) المهم كنت صايمة بقي وقعت اصبر نفسي واقول اللهم انى صايمة تلاقينى دلوقتى اخدت حسنات كتير لانى كظمت غيظى وردت بالحسنى بس لقتني بكلم نفسي واقول رديتى ايه يا فالحة ولا ردتي ولا حاجة، المشكلة دى انا بعاني منها كتير وهى تكمن فى عدم قدرتنا علي إقامة الحوار يعنى تلاقي الواحد يكلمك علشان يقولك الكلمتين اللي مزنوق فيهم علي لسانه من غير ما يستنى منك رد او حتى يسمح لك انك تعبر عن موقفك او رايك وخلاص يبقي الموضوع خلص.
وبعدين احنا هنفضل كده يا جماعة منعرفش ازاى نقيم حوار ولا لازم نجيب فتوى شرعية ان الحوار عليكوا حق وواجب ومستحب تفتكروا بالطريقة دى ممكن نتحاور صح؟؟؟
هناك ٤ تعليقات:
النسان مخلوق اجتماعى بمعنى ان الأساس فيه اقامة و العيش فى مجتمعات مثل كل الثدييات ، و لقد حبى الله الانسان بنعمة الكلام العاقل ذى المعنى و على ما اظن هو المخلوق اليد الذى يتمتع بتلك الصفه و اكيد هذا لهدف ، ويقول رسول الله صلى الله عليه و سلم ( الدين المعامله ) ، ( قولوا للناس حسنا ) ، ( يا ايها الناس لقد خلقنكم من ذكر و أنثى لتعارفوا ، أن اكرمكم عند الله اتقاكم ) ، لقد خلق الله كل المخلوقات ما علمنا و ما لم نعلم و جعل بين كل منها لغة تحاور خاصه بها ( كما علمنا من قصص سيدنا سليمان عليه السلام ) ، و حيث أننا الكائن الوحيد العاقل أليس من البديهى ان نتحاور مع بعضنا .
انا لا اعتقد ان المشكله اننا لا نتحاور و لكن المشكله هى اننا لا نتعاطف أو نتسامح او نتلاطف لا يوجد ود او معروف بالرغم من ان اسماء الله عز و جل التى يجب ان نقتدى بها هى اللطيف الودود الغفار العفو الحليم الرؤوف ز كلنا نتكلم و لكم القليل منا من يعمل.
سلامو عليكو 00عزيزتى اختلف معكى لان الحوار موجود ولكن للاسف موجود بين طبقات بعينها يعنى بين الموظفين بعضهم لبعض0ولكن الحوار الذى تقصديى من الصعوبه بمكان ان يوجد00فمثلا المدير يعطى التعليمات بدون اى مناقشه00 وكذلك الفائد فى الميدان يعطى التعليمات بدون ان يفتح احد فمه اتعشم مع حلول القرن القادم ان يجد الحوار مكان بيننا
مالك بس ياحبيبتى ايه اللى حصل على مهلك بلاش تاخدى المواضيع دى على اعصابك عادى يعنى فيه ناس كتير وانت عارفاهم ميعرفوش يقيمواحوار حتى داخل بيتهم وبعدين انت فى مجال العمل لازم تلاقى كل الانواع يعنى كمان فى ناس بتعرفى تقيمى معهم حوار وغالبا بيكون مثمر جدا
يعنى خدى الشيلة على بعضها
بس واض ان الموقف كان صعب قوى معلش استحملى
التعليق السابق كان لنور الفجر
إرسال تعليق