كانت قاعدة جميلة جداً وفيها اختلاف في اعمار الحاضرين من امهات وابناء متجمعناش من فترة طويلة انا والجيران وفجأة سمعت من ام من الحاضرات تقول حسبي الله ونعم الوكيل تخيلوا بنتى السنة دى عندها 5.4 خمس سنوات واربعة أشهر ومقبلتش في كجي 1 تخيلوا يعنى ادخلها كجي ان شاء الله علي 6 سنين يعنى تتخرج من الابتدائية علي بيت العدل علي طول رديت عليها قولتها ليه كنت مقدمة فين ومدرسة ولا اكثر قالت لي لا طبعاً اكثر من مدرسة تجريبية وواحدة بس خاصة لانها الاقرب في المصروفات الدراسية من التجريبي وطبعاً مقبلوهاش واضطريت علشان متقعدش جنبي في البيت انى ادخلها تمهيدي في الخاصة الرحمة يارب
واحدة تانية ردت عليها يااختى احسن حالك احسن من حالي انا بقي بنتى نجحت في الثانوية العامة بمجموع 96.5 % وكنا فرحنين فرحة وقولنا خلاص تعب الدروس اللي استنفذت كل مدخراتنا جه بفايدة ونتفاجأ ان التنسيق يوديها كلية العلوم (يع) اة والله مش مصدقين طبعا البنت المسكينة انفطر قلبها من العياط وبعد بحث من العيلة كلها والجيران جدتها قالت ودوها جامعة خاصة وانا هساهم وجدها كذلك وابوها قال مش ممكن التعب ده يروح في كلية العلوم نعمل جمعية بالباقي ونقدم في جامعة خاصة (من الاخر عملنا اكتتاب) لف ابوها علي كل اصدقاؤه علشان يلاقي واسطة تخفض له مصاريف كلية الصيدلة في اى جامعة خاصة إلا ان هداه الله الي الجامعة الروسية وجاب تخفيض يابلاش دفع 20000 بس بالباص بس المهم البنت مستقبلها ميضعش رديت عليها مستقبل ايه يعنى انت شايفة فيه فرق
بين خريجي الصيدلة ولا العلوم بعد التخرج كله واحد
ردت واحدة ثالثة يا جماعة انتوا ارحم مني علي الاقل عرفتوا رايحين فين وجايين منين انا بقي داخلة علي ثانوية عامة واعدادية وابتدائية ورمضان والعيد وهب
طبت ساكتة.
اكملكوا بكرة بقي علي بال منفوقها
وحسبي الله ونعم الوكيل
هناك تعليقان (٢):
يعنى محدش عبرني في الموضوع ده مع انى حاسة انه موضوع مهم ويمس الغالبية العظمي من المصريين
اعتقد ياحبيبى انى اكتر واحد حاسة بالموضوع اللى انت بتطرحيه على المستوى العملى او الشخصى
واحب اقولك ان موضوع قربية جارتك دى هين وسهل على الاقل حيعملوا جمعية واكتتاب انا بقى اعرف ناس بيبيعوا كل اللى حليتهم وبيستلفواعشان يدخلوا ابنائهم الجامعات الخاصة بدعوى الحفاظ على المستقبل وعندما تتكاثر الديون يذهبوا الى الجامعات الخاصة (اسفة)يتذللوا ويبسوا الايادى والقدام احيانا عشان يخفضوا او يعفوا ابنائهم من المصروفات وحاصة عندما يخرج الطالب من الجنة الامتحان او يمنع اصلا من دخولها لعم سدا المصروفات
وبجد الموضوع لازم يكون مدروس كويس جدا
طبعا من حق الاباء يوفروا مستقبل افضل لاولادهم ولكن بعيدا عن اى مذلة او اهانة للاباء او للابناء حفاظا على مستقبلهم النفسى
نور الفجر
إرسال تعليق