قرأت مقال للأستاذ/ فهمي هويدى اسمه المهم ان تكون مسنوداً يتحدث فيه عن ان السلطات الصينية نفذت حكم الاعدام في السيد/زينج زيايو رئيس مؤسسة الاغذية والادوية في الصين.ليه بقي الراجل اتحكم عليه بالاعدام اقول لكوا علشان ثبت انه تقاضي اثناء فترة عمله رشاوى تقدر 850 الف دولار وكمان غض البصرعن عمليات تلاعب وغش في انتاج الاغذية والادوية وده قال بيقولوا انه اساء الي سمعة المنتجات الصينية وانه تسبب في وفاة 13 طفل ثبت تناولهم البان مغشوشة. وفي التقرير اشارة الي ان البعض اعتبروا الحكم قاسياً وردت وكالة الانباء الصينية ان الحكم مبرراتً لان من يسئ الي سمعة الانتاج في البلد ويهدد حياة الناس ينبغي ان يبتر من المجتمع وان يحاسب بمنتهى الشدة.
بالله عليكم لما تقراوا الخبر ده زى كده تعملوا ايه بصراحة انا قولت ياسلالالالام يعدموا الراجل الغلبان علشان كده بس يا نهار امال لو كانوا عندنا كانوا عملوا ايه اكيد اكيد اكيد كانوا قرأوا الفاتحة على الكل مش كده ولا ايه.
كمان افتكرت لما احد الدول العربية ارادت ان تطبيق حد السرقة علشان محدش يسرق وكل من يثبت في حقه نهب المال العام معتقدين انهم بتغليظ العقوبة لن يجرأو احد علي السرقة او النهب وعندها اجتمع مجلش الوزراء علي غير عادة وحال لسانهم يقول هل من الوزراء من يستطيع ان يعيش بيد واحدة.
بقول ايه احلي تحية لاحسن ناس الصييييييييييييين
هناك تعليقان (٢):
انا بقول تكلى عيش احسن ، بالبلدى ربى عيالك.
صين إيه و عرب مين دا إحنا حكومتنا بتضرب على الفساد بيد من حديد، و على المعترض إثبات عكس ذلك.
من الأخر دوام الحال من المحال و اللى له أول لابد وله أخر ، و لا يغير الله ما بقوم حتى يغيروا ما بأنفسهم.
اجدع سلام
علي كدة بقي ,لو صحينا مرة و لقينا الدنيا فاضية ها نعرف ان دة كله من الصين , و خبي علي الخبر مجور
Shimo
إرسال تعليق