يا جماعة الحاضر يعلم الغايب والصاحي يقول للنايم ان تذاكر قطارات السكة الحديد زادت بنسبة 15% يعنى اللي معرفيش يعرف وياخد باله كويس قبل ما يسافر الزيادة دى علي قطارات الدرجة الأولي والثانية المكيفية يعنى القطارات اللي الناس كانت بتسافر عليها بدلاً من القطارات العادية وتتحمل مصاريف زيادة شوية بس من الاخر علشان تهرب طبعاً انتو عارفين مش محتاجين تعريف..
وطبعا كالعادة الزيادة جدت في الوقت المحدد لها مع الزيادات الاخري مع علاوة يوليو يعنى يوليو بقي نحس بدل الناس ما كانت بتستنى الشهر المفترج ده بقت بتقول يارب ما يوليو يجي. ربنا يكفيكوا شر العين
يعنى اشمعن الزبدة الصفرا تغلي ويصل الكيلو 21.5 جنيه ومحدش عرف اه قولت يا خبر الزبدة دى كنت بشتريها سنة 1998ب 6.5 الكيلو كل ده واه يابوووووووى.
المهم خلينا في القطارات والله لو فيه اى اهتمام و بلاش تجديد لو فيه نظافة في الحمامات او الكراسي ماشي او ان اللي بتهربوا منه تنتهى يبقي خير بس الزيادة كده ومفيش جديد علي رأي ولاد علي بامبة شمومكن ابدا هندفع طبعاًً
من الأخر اعرف مكان تواجد السيارات الأجرة وميكروباصات اللي بتسافر للمناطق المختلفة ليه علشان موظفين السكة الحديد يترحموا من الخناق معاكوا.... دمتم بخير
لمزيد من المعلومات اتفضل دووووووس
هناك تعليقان (٢):
يا غلبى يا نى الواحد خلاااااااااص المصريين نحسه وربنا هما ليه بيعملو فينا كدة انا مش فاهمة و الله الواحد ما بقى عارف يقول إيه كل اللى أقدر أعمله أنى أحاول أصلح من حال البلد دى باللى ربنا أدهاولى و أنى كمان أقول حسبى الله و نعم الوكيل و ربنا على لاظالم و المفترى
أميرة علاء
السريع ايه ده بقى فى الرهوان00البرق 00طب ياريت تيجى على القطارات بس00هو انتى ماشفتيش اسعار السلع الاستراتيجيه (الدقيق- الزيت- الارز- السكر ) الخ الخ الخ بقت نار ياحبيبى نار الله يكون فى عون ملعونى الدخل00 قصدى محدودى الدخل00 ومعدومى الدخل 00 ويكون فى عونا وعون امثالنا الموظفون فى الارض
إرسال تعليق