الأربعاء، ١٥ أغسطس ٢٠٠٧

صباحك قمر و مريخ


الرسالة دى وصلتني عن طريق البريد الاليكتروني والعنوان فرحنى جدا حسيت اد ايه هو حلوقوى ان صباحك يبقي" قمر ومريخ" جديد مش كدة الناس تقول صباح الاناناس صباح المرونجلاسية(ولو انى معرفش ايه هو المرنجلاسيه) صباح الود التمر حنة وهكذا اول مرة الواحد يسمح صباحك قمر ومريخ طب تفتكروا الصباح ده ممكن يكون شكله ايه.
الرسالة بتقول
ان يوم السبت 27 أغسطس الساعة 12:30 بعد منتصف الليل اه يعنى ايه اللي هيحصل
ان كوكب المريخ هيقترب 35 مليون ميل من الأرض وستظهر الأرض وكان لها قمرين واووووو ايه الحلاوة دى متخيلين المنظر اوعى حد يفوته المنظر ده اكتبوه في الاجندة بتاعتكوا او علي الموبيل بصراحة منظر ميتعوضش لانك ببساطة مش هتعرف تشوفه تاني عارف ليه لان المرة القادمـــة ستكون ان شاء الله عام2278 يدينى ويديكوا طولة العمر

المهم نتكلم بجد شوية
طبيعة ظاهرة اقتراب الكواكب من الأرض هي ظاهرة طبيعية تسمى بظاهرة اقتران الكواكب بالأرض وتحدث مرة كل سنة للكواكب الخارجية (المريخ، المشتري، زحل، أورانس، نبتون، بلوتو، الكواكب المكتشفة حديثاً). ولكن الناس تهتم أكثر بالكواكب التي يتم مشاهدتها بالعين المجردة وهي المريخ والمشتري وزحل والتي تبدو في تلك الحالة في أشد لمعانها. بينما قد تحدث تلك الظاهرة أكثر من مرة مع الكواكب الداخلية (عطارد، الزهرة) ولكن بسبب وقوعها في جهة الشمس في تلك اللحظة فإنه يتعسر رؤيتها في تلك الحالة. إلا عند مرورها أمام قرص الشمس كما حدث للزهرة في مايو عام2004

بيتهيا لي مش ممكن يفوتك الحدث ده مش كده ولا أيه
لو عايز تعرف اكثرعن الجديد في الفلك دووووووووووووووس


هناك ٥ تعليقات:

غير معرف يقول...

وااااااااو ده حيكون يوم جميل
تسلم إيدك يا أحلى مرات خال فى الدنيا
ثوانى بقى حروح أدووووووووس علشان اعرف اكتر عن الكواكب




أميرة علاء :)

Friend يقول...

شكا يا ستى على المعلومات المفيده دى ، و لمعلومات سيدتك أسمه المارون جلاسيه و هو نوع من الحلىو من المؤكد انكى لا تعرفيه لانه من اطباق الملوك 0000 الملوك يصنع كما يلى :
المقادير
--------
- أبو فروة ( الكمية حسب الرغبة ) .
- ماء يكفي لتغطية أبو فروة تماما + قليل من السكر .
- 2 كوب سكر + 1 كوب ماء + فانيليا .

الطريقة :
--------- يقشر أبو فروة .( يشقق بالسكين شقين بالطول ويشوى قليلا على النار سيصبح سهل التقشير بعد ذلك مع ملاحظة عدم تركه ينضج تماما )
- يوضع الماء المضاف اليه السكر على النار حتى يغلي .
- يضاف اليه أبو فروة و يترك لينضج دون أن يتكسر .
- يصفى جيدا .
- يوضع السكر و الماء و الفانيليا على النار دون أن نقلب السكر , و نتركه على نار هادئة .
- بمجرد أن يتغير لون المحلول السكري , ارفعيه من على النار .
- يغمس أبو فروة مرة واحدة في المحلول السكري , و يترك لمدة 5 ق .
- ينشل من الشراب بواسطة شوكة بحذر حتى لا يتكسر , و يوضع في مصفاة , و يترك في مكان دافئ .
- في اليوم التالي , يسخن الشراب السكري , ثم يغمس أبو فروة فيه , و يترك لمدة 5 ق .
- ينشل بنفس الطريقة السابقة , و يترك حتى يجف تماما .
- ترفع كل حبة بالشوكة بحذر (حتى لا تتكسر) و توضع في برطمان .
- يضاف المحلول السكري الى البرطمان و يغلق جيدا .
و لعمل شيكولاتة بالمارون جلاسيه :
---------------------------------
تصب فوقة الشيكولاتة المذابة على حمام مائى (بعد أن يجف ) , ثم ترص الوحدات في ورق بليسيه .
يلا بقى دوووووووسى و حاولى تعمليه و اوعى تتلسعى 000 ها ها ها

Friend يقول...

عارفه شكلك فاهمه يا نصه

أنسانة-شوية وشوية يقول...

شكراً علي الطريقة وعلي رايك علشان كده معرفهاش لانه بتاع الملوك المهم ربنا يجعلنا من ملوك الاخرة مش الدنيا وناكل احلي من المرونجلاسية ,احاول اعمل الطريقة علشان اعرف الطعم شكرا مرة اخرى

غير معرف يقول...

و الله دي هتبقى حاجة حلوة اوي
نيجي الصبح ان شاء الله و نقول لبعض بدل صباح الخير صباح المريخ
ان شاء الله اشوفه و اسهر مخصوص اشوف القمرين اصل انا من محبي النوم مبكران و الصحيان مبكران
و على فكرة المدونة رائعة و بجد تسلم ايديكي معلش جت متأخر شوية
مستنية كل جديد
ShIMo ShIMo :)