السبت، ٢٢ مارس ٢٠٠٨

مطاردة امهاتية

من اكثر من اسبوع وكل واحدة مفيش في تفكرها الا هدية عيد الام وكل واحدة اقابها تسالنى جبتى ايه لمامتك وجبتى ايه لحماتك اوتعكس السؤال اجيب ايه لمامتى واجيب ايه لحماتى والمحلات بقي ايه متتوصاش وكمان كمل علينا الراديو والتليفزيون بالاغاني والبرامج وخد عندك ست الحبايب يا حبيبة ،احن قلب، وماما يا حلوة يعنى الحمد لله كل الامهات حلوين وربنا يخليهم لينا جميعاً بس اليوم ده فقد حلاوته طالما دخل فيه الهدايا والمغالاة ومين يجيب هدية اغلي واحسن وخصوصا للي بيروح لوالدته اليوم ده وطول السنة شكرا محدش بيشوفهم واهم بدعة بقي شوفتها ويعنى قعدت زى عواجيز الفرح اقول عشنا وشوفنا قال ايه الاخوات اللي مامتهم توفاها الله راحوا من النجمة"اقصد من بدرى" كده المقابر يزوروها وكمان اخدوا معاهم الحاجة اللي مامتهم كانت بتحبها اللي اخد جاتوه واللي اشترى ايس كريم وهكذا وايه كمان اخدوا اطفالهم كمان معاهم والله ده حصل وبيحصل لا حول ولا قوة الا بالله.
بصراحة اليوم ده فقد قيمته ومعناه الحقيقي بالشكل ده وبما اننا نحن الشعب اللي بنشكل المجتمع كله لازم نزرع في اذهان اطفالنا ان كل الايام ايام للام والاب معا وان الله سبحانه وتعالي والرسول عليه الصلاة والسلام وصانا عليهم كمان بالمودة والرحمة مش بالهدايا الغالية وزيارة المقابر وانما بالتذكر والدعاء لهم بالرحمة والمغفرة ومرافقة الحبيب اعتقد ان هو ده الفرق بين جيل بيربي لتغيير ثقافة الشعوب وبين جيل بيربي والسلام واى حاجة وزى ما الناس ماشية هنمشي

هناك ٦ تعليقات:

غير معرف يقول...

اه حقيقى نفسى العادات دى تتغير ومايكونش البر بالام بهدية جبريةويوم واحد فى السنه لان اهم مافى الهدية ان تكون عن محبةورضا من النفس حقيقى مش قضاء واجب والسلام .
بس غريبة فعلا انا كمان اعرف ناس زاروا قبر امهم يوم عيد الام ووزعوا ايس كريم وكانوا عايزين يوزعوا جاتوه كمان معقولة الحاجات دى انتشرت كده صدفة غريبة يمكن نفس الناس ولا حاجة
نور الفجر

http://kasperb4.blogspot.com/ يقول...

والله بتمنى من كل قلبي اني اشوف اليوم اللي تزول فيه كل هذه البدع اللي ملت حياتنا والناس ماشية وراها ومحدش بيسأل اذا كان حلال ولا حرام لما بقت حاجة تفلق وتغيظ
ولا حول ولا قوة الا بالله

-------
بس ايه الجمال والحلاوة دي بجد
التامبلت دي راااااائعة والله
شكلها تحفة
ما شاء الله
بس ياسلام بقى لو حضرتك تخلي اتجاه الكلام من اليمين للشمال هتبقى أروع بإذن الله
وفين البانر بتاع مدونة جدتي ؟ D:

أنسانة-شوية وشوية يقول...

نور الفجر
بلاش فضايح بقي استرى عليا الله يكرمك انت عارفة

محمود
جزاك الله خيرا بجد عجبك الشكل الجديد انا مبسوطة انها عجبتك والبركة فيك اصل انا عملتها من المدونة الجيدة بتاعتك عالم الكمبيوتر ... ايه رياك تلمذتك
ان شاء الله اكمل الباقي

امين سر يقول...

أنتِ
نعم اعنيكِ انتِ
لماذا لم تأتِ بعد .. ؟
هذا طريق لا يعرفه الساسة
و لا الحكام
و لا الاصدقاء و لا الاعداء
هذا طريق لا يعرفه أحد
ولا يعرف أحد
طريق لم تعرفه أقدام المارّة ،
ولم تدنّسه من قبل عجلات سيارة فارهة تملأ خزان وقودها من عرقي ، وعرق الأغبياء
الذين يقفون في طابور طويل
يريدون خبزاً قبل أن ترتفع أسعار القمح
تعالي .. لماذا انتِ مرتبكة ؟
و لماذا ارتضيتِ ان تتدثرين في حزن مغشوش ؟
دع العالم يسمع صوتك
و إن لم يفعل .. !
فتأكدي انني انتظرك لتشتركين معنا في اسرار اون لاين
على الرابط ادناه
حتى اسمعك
http://asraronline.com/vb/register.php?referrerid=2

Unknown يقول...

أسفه لم أقرأ موضوعك لكن أمامي مهمة نشر مدونه في غاية الاهميه أنشرها بين المدونين ان استطعت
ادعوكم لزيارة هذه المدونه
http://www.ta7arosh.blogspot.com/

Unknown يقول...

فعلا والله
عندك حق
!!!!!!!!!!!!
الايام كلها لله في الاباء والامهات