الخميس، ٦ مارس ٢٠٠٨

حبيبي يا رسول الله

من وقت نشر الرسوم المسيئة الي الرسوم الكريم اول مرة وانا كنت في حالة نفسية زى الزفت وحاسة انى في حاجات كتير لازم نعملها وهل حقوقنا كلها كده بتضيع واحنا واقفين متكتفين مش عارفين نعمل حاجة فكرت في المقاطعة علي الرغم انى عارفة انها لن تجدى لان نسبة استهلاك العرب لمنتجات الدنمارك مش كتيرة اوى بس مجرد احساس الواحد مننا انه عمل حاجة طبعا ده الي جانب انه بالفعل يحيى السيرة النبوية داخلة وداخل اسرته ، وحاسة حتى الآن بالالم انى مش عارفة اعمل حاجة لدرجة والله كنت عايزة ادخل كلية الحقوق علشان اعرف ايه هى حقوقى في رد اى اعتداء عليً او علي حبيبى وحبيب كل الملسلمين جزاه الله خيرا عنا وعن البشرية اجمعين .
بالصدفة لقيت الخبر ده "قبطي مصري يقاضي سفارة الدنمارك بسبب الرسوم ويطالب بتعويض" فهل من المعقول ان القبطى هو الذي يرفع القضية ويطالب بالتعويض ايذاء الاثار النفسية السيئة التى حدثت له من جراء نشر هذه الرسوم. علي قدر ما احسست ان احدا ما لديه الخبرة القانونية التى من خلالها يستطيع ان يدافع عما اصابه إلا ان الموضوع اثر في نفسي جدا فهل لا يوجد من بين مليارات المسلمين من يستطيع ان يدافع عن ما اصابنا جميعاً، حسبي الله ونعم الوكيل

هناك ٥ تعليقات:

غير معرف يقول...

رغم صعوبة الموضوع جدا الا ان الانفعال لايجدى وقد سمعت اقتراح من احد المذيعين عن عمل اكتتاب وتبرعات تصل الى 15 مليون دولار لتوكيل فطاحل من المحامين الدولين يقدروا يتكلموا باللغة المفهومة لدى الغرب مش مهم حتى يكونوا مسلمين بس يكونوا يقدروا يحصلوا على حكم بتعويض كبير يكون رادع للجريدة اما موضوع التشنج والمظاهرات والتفاهم والاعتراض كل ذللك لغة لا يفهمها هؤلاء البشر وعلى فكرة المبلغ المطلوب ليس ضخما بالنسبة لما يصرف فى السفه من المسلمين حكومات وشعوب
اما الموجع حقا ان يغضب ويتكلم قبطى وكثير من المسلمين فى نوم عميق وقد هان عليهم حتى دينهم وحسبى الله ونعم الوكيل
نور الفجر

http://kasperb4.blogspot.com/ يقول...

صدق النبي الكريم صلى الله عليه وسلم
فقد تداعو علينا كما تداعى الأكلة إلى قصعتها
فمن ناحية الصهاينة يخربو في عقولنا
ويفسدو عقيدتنا

حتى اذا حدث اي انتهاك لنا ولديننا لا يجدو اي صدى ولا حتى صراخنا يصلهم
فقد نجحو في نبح اصواتنا في الف الف شأن تافه وغير مفيد

لنا الله

http://kasperb4.blogspot.com/ يقول...

معلش جيت تاني

لو حضرتك تحبي تحطي النشيد اللي كاتبة كلماته على السايد بار كملف صوتي

حضرتك تقدري تحملي الكود من هنا
وتحطيه في المدونة

تقلبي تحيتي
:)

غير معرف يقول...

السلام عليكم و رحمة الله و بركاته

اعقلها و توكل
فيجب ان يفعل الانسان كل ما عليهثم يتوكل بمعنى هناك مرحله سابقه على حسبنا الله ونعم الوكيل
و لكن ما الذى يجب علينا ان نفعله ، انا عن نفسى لا اعلم بجد معرفش مش بهذر بالظبط زى ما قلتى ايه حققونا علشان نطالب بيها

مبدئيا نحاول ان نصلح انفسنا حتى لا نكون غثاء كغثاء السيل مما يصعب على الأكله التداعى علينا و اكلنا

صعب جدا ان الواحد يقعد يبص الى ايده و يدرك كم هى عاجزه و كم هو هين و قليل فى هذه الدنيا

فكيف نطلب ان نورد حوض النبى الكريم صلى الله عليه و سلم يوم الحساب و نشرب شربه من يده الكريمه و نحن لم يتنعض وجهنا ضيقا على اهانته و رد الأعتداء عليه ، بالتأكيد قليل من سينال تلك الشربه من يده صلى الله عليه و سلم

الموضوع يحزن جدا
كان الله فى عوننا جميعا و غفر لنا إسرافنا على نفسنا

و السلام عليكم ورحمة الله و بركاته
freind

أنسانة-شوية وشوية يقول...

نور الفجر فعلا الانفعال لا يجدى بس لازم نعمل حاجة فيدة علي الاقل يبقى لنا عين نقابل الرسول عليه الصلاة والسلام بها

محمود

انا تعباك معايا بس شوف كده الصوت مش ظاهر مش عارفة ليه
جزاك الله خيرا