الأربعاء، ١٩ مارس ٢٠٠٨

هروب

اوقات كتيرة بحس انى لازم اهرب مع نفسي وانى محتاجة اقعد معاها بشكل كبير علي الرغم من انى اجد نفسي وسط الناس واجدنى احس بنفسي مع احساسي بالناس وعلي الرغم بأنسى الكامل بالناس احتاج من آن لآخر ان أأنس بي.

هكذا احسست اليوم وكطفلة صغيرة تهرب من المدرسة هربت من الذهاب الي المعهد، وما ان وصلت البيت ولم اجد به احداً فرحت ليس لانى لا احب من ولكن لانى احتاجنى وحدى، القيت بميدلية مفاتيحى وشنطتى وكطفلة منتشة باحساس الفرح حضنتنى وسالتنى عاملة ايه.

وعزمتنى علي كوب من الشاى محصلش لونه الوردى وطعمه الرائع المذاق ما زلت اشعر به وامسكت كتابا احبه واخذت اقرأ منه وانا فرحة بشكل غير عادى حبيبتى وحشتينى الاوقات ضيقة فلا استطيع ان انفرد بك كثيراً فلا تغيبي علي هكذا سأنتظرك فلا تتأخري او حاولي الهروب مرة اخرى اذا خذلك الوقت فما اسعد احساسي بك وبي.....انتظرك فعودى الي كما كنت.....................أنا

هناك ٦ تعليقات:

http://kasperb4.blogspot.com/ يقول...

:)

بنت الصالحين يقول...

ههههههههههههههههههه

ايه يابنتي ده
حلو اوي
كتير بتحصل بس مش للدرجه دي

بس المهم انك فرحانه

عصفور المدينة يقول...

من شدة إعجابي بهذه التدوينة لم أستطع التعليق ووضعتها كتدوينة مختارة وهذه أول مرة تحدث في أول زيارة لهذه المدونة أضع أول تدوينة تصادفني فيها كتدوينة مختارة وبدون تردد

أنسانة-شوية وشوية يقول...

محمود
يا رب دايما منورنى بس ... عروستى

عاشقة الفردوس
سعيدة جداً بمرورك بجد انا متابعاكى من كتير وسعيدة انى شوفتك عندى وكمان تعليق احمدك يارب وبجد مش كتير بتحلص علشان كده انا فرحانة جدا

استاذى واخى الكريم عصفور المدينة لا تتخيل مدى سعادتى بتشريفك وكمان تعليق وكمان تختارها ضمن دوينات مختارة ربنا يجعلك دائما ممن يدخلون السرور علي قلوب الناس
احبكم في الله

غير معرف يقول...

الهروب الذذذذذذذذذذذذذيذ ده اجمل حاجة فى الدنيا وكل واحد محتاجه من وقت للتانى عشان يستعيد صحته النفسية ويعمل انتعاش لافكاره اللى مش بيلحق يدرسها وسط الزحمة ودوشة العيال .
بجد فتحتى نفسى للهروب بس مش عارفة حيكون امتى واكبر متعة الهروب من الثانوية العامة وتوابعها وكل اللى ليهم صلة بيها
نور الفجر

شبــ اون لاين ـــاب يقول...

مدونه جميله

و بندعوكى علشان تيجى تقول رايك عندنا و يمكن يكون فيه تعاون