قلة حيلة

حبيبتى صديقتى توأمى ليتنى استطيع ان امسح دمعة عينيك

ليتنى استطيع ان امسح دمعة طفل صغير

ليتنى استطيع امسح دمعة أمرأة مقهورة

ليتنى استطيع ان امسح دمعة رجل مقهورمطحون

ليتنى استطيع ان امسح دمعة مريض

ليتنى استطيع ان اخفف عنه الالم

ولكنى لا استطيع...فقد اتذكرهم دائماً بالدعاء

فيارب خفف عنهم وارحمهم وعافهم واعفوا عنهم رب اغفر وارحم وانت ارحم الراحمين فانك سبحانك القادر المقتدر العزيز الجبار اجبر كسرنا يمن كتابنا يسر حسابنا تولى امرنا برحمتك يا ارحم الراحمين

هل غفر لنا

هبت علينا نسائم شهر شعبان الفضيل والله انى لاشم عبير شهر رمضان وقفت اليوم انظر للنتيجة المعلقة علي الحائط واذا بنا اليوم في منتصف هذا الشهر الفضيل و بعد مرور ليلة النصف من شعبان اخذنى البكاء من شدة تفكيري هل غفر لي مضت ليلة النصف من شعبان التى قال عنها الحبيب صلي الله عليه وسلم
عَنْ أَبِي مُوسَى الأَشْعَرِيِّ عَنْ رَسُولِ اللَّهِ صلى الله عليه وسلم قَالَ : ( إِنَّ اللَّهَ لَيَطَّلِعُ فِي لَيْلَةِ النِّصْفِ مِنْ شَعْبَانَ فَيَغْفِرُ لِجَمِيعِ خَلْقِهِ إِلا لِمُشْرِكٍ أَوْ مُشَاحِنٍ )[9] .ـ عَنْ عَبْدِ اللَّهِ بْنِ عَمْرٍو أَنَّ رَسُولَ اللَّهِ صلى الله عليه وسلم قَالَ : ( يَطَّلِعُ اللَّهُ عَزَّ وَجَلَّ إِلَى خَلْقِهِ لَيْلَةَ النِّصْفِ مِنْ شَعْبَانَ فَيَغْفِرُ لِعِبَادِهِ إِلا لاثْنَيْنِ مُشَاحِنٍ وَقَاتِلِ نَفْسٍ )[10] .ـ عن أبي ثعلبة الخشني قال رَسُول اللَّهِ صلى الله عليه وسلم : ( إذا كان ليلة النصف من شعبان اطلع الله إلى خلقه فيغفر للمؤمنين و يملي للكافرين و يدع أهل الحقد بحقدهم حتى يدعوه )[11] .في الأحاديث السابقة يبين لنا النبي صلى الله عليه وسلم فضيلة هذه الليلة المباركة ، رزقنا الله تعالى فيها العفو والمغفرة ، وجعلنا من عتقائه من النار ورزقنا الفردوس الأعلي ورفقة حبيبنا محمد صلي الله عليه وسلم اللهم بلغنا رمضان وبارك لنا في شعبان امين امين امين

اسالكم الدعاء لنا ولابائنا وامهاتنا ولجميع المسلمين

احلي تحية لاحسن ناس- الصين

قرأت مقال للأستاذ/ فهمي هويدى اسمه المهم ان تكون مسنوداً يتحدث فيه عن ان السلطات الصينية نفذت حكم الاعدام في السيد/زينج زيايو رئيس مؤسسة الاغذية والادوية في الصين.ليه بقي الراجل اتحكم عليه بالاعدام اقول لكوا علشان ثبت انه تقاضي اثناء فترة عمله رشاوى تقدر 850 الف دولار وكمان غض البصرعن عمليات تلاعب وغش في انتاج الاغذية والادوية وده قال بيقولوا انه اساء الي سمعة المنتجات الصينية وانه تسبب في وفاة 13 طفل ثبت تناولهم البان مغشوشة. وفي التقرير اشارة الي ان البعض اعتبروا الحكم قاسياً وردت وكالة الانباء الصينية ان الحكم مبرراتً لان من يسئ الي سمعة الانتاج في البلد ويهدد حياة الناس ينبغي ان يبتر من المجتمع وان يحاسب بمنتهى الشدة.

بالله عليكم لما تقراوا الخبر ده زى كده تعملوا ايه بصراحة انا قولت ياسلالالالام يعدموا الراجل الغلبان علشان كده بس يا نهار امال لو كانوا عندنا كانوا عملوا ايه اكيد اكيد اكيد كانوا قرأوا الفاتحة على الكل مش كده ولا ايه.

كمان افتكرت لما احد الدول العربية ارادت ان تطبيق حد السرقة علشان محدش يسرق وكل من يثبت في حقه نهب المال العام معتقدين انهم بتغليظ العقوبة لن يجرأو احد علي السرقة او النهب وعندها اجتمع مجلش الوزراء علي غير عادة وحال لسانهم يقول هل من الوزراء من يستطيع ان يعيش بيد واحدة.

بقول ايه احلي تحية لاحسن ناس الصييييييييييييين

"التطبيع 1"

كنا قاعدين في أمان الله أنا والبنات وأبوهم طبعاً نشاهد برنامجاً تليفزيونياً- ده نادراً لما يحدث- وبعدين الست المذيعة أخذها الكلام وقاعدت تقول التطبيع وهل ده نوع من التطبيع وطبعاً لأن البنات صغيرة قعدوا يسألوني يعنى إيه تطبيع اعمل إيه بقي في الموقف اللي مش ولا بد ده . المفروض أن الأمهات بيعرفوا كل حاجة وأنا بيني وبينكوا محاولتش أدور ورا الكلمة دى نشرحها ازاى للاطفال عنها واخذتنى الشجاعة وقولتهم انتو لو دورتوا علي الحاجة هتثبت في دماغكوا لازم تدوروا بنفسكوا - قال يعنى عارفة- قامت الكبيرة تعمل بحث علي الانترنت وقالت لي بصي يا ماما أنا لقيت إيه:

علشان تعرفوا أني بعرف لغات)Normalization التطبيـــــــع

تغيير ظاهرة ما بحيث تتفق في بنيتها وشكلها واتجاهها مع ما يعده البعض «طبيعياً». ولكن كلمة «طبيعة» كلمة لها عدة معان. الطبيعة/المادة»، يعني إعادة صياغة الإنسان حسب معايير مستمدة من عالم الطبيعة/المادة بحيث تصبح الظاهرة الإنسانية في بساطة وواحدية الظاهرة الطبيعية/المادية . ولكن كلمة «طبيعي» يمكن أن تعني «مألوف» و«عادي»، ومن ثم فإن التطبيع من الاخر هو إزالة ما يعده المطبَّع شاذاً، ولا يتفق مع المألوف والعادي و«الطبيعي» . يعنى افهم ايه رديت اه يا حبيبتى يقصد ان زيدنا يبقي في دقيقنا وكله مع بعض عادى . ردت قالت لي ازاى يعنى عادى هل ممكن ننسي الاسرى واللي حصل فيهم ولا مذبحة بحر البقر اللي شوفناها في الفيلم والبرنامج اللي اتكلموا فيه علي اللي عمله الاسرائلين في الاسرى المصريين والدبابات كانت بتحصد الجنود المصريين وكان المذيع بيبكى ازاى بقي تقولي لي عادى وزيدنا في دقيقنا دى بصراحة معرفتش ارد اقول لها ايه وازاى صحيح. المهم هربت من الاسئلة وقولت المهم ان مش ممكن نوافق علي التطبيع الثقافي ردت يعنى ايه تطبيع ثاقفي دى كمان رديت هو بمثابة التعاون أو الجسر الموصل لعقول الاجيال القادمة ولذلك نعتبر التطبيع الاعلامي في غاية الأهمية والخطورة لأن الاعلام لازال الموجه الأساسي والرئيسي للفكر والثقافة في عالمنا العربي·‏‏ لكن الامل هو ان غالبية العلماء والكتاب مازلوا رافضين للتطبيع ومحاربوه فبدون تطبيع ثقافي يصبح التطبيع الشامل ناقصاً وغير مكتمل· والتطبيع الثقافي هو تتويج لعملية التطبيع الكامل، ويؤدي الى فتح المزيد من الثغرات في جدار الرفض العربي لكل تعايش مع المعتدين الصهاينة، وانهيار ما تبقى من حاجز نفسي يحول دون قيام علاقات طبيعية كاملة ومستقرة ثابتة· وهذا ما يبدو لنا صعباً مادمنا نومن بأن الصهاينة يحتلون أرضنا وشردوا شعبنا ويحرمون أهلنا من حق العودة الذي تقره جميع القوانين والشرائع ونصت عليه قرارات الأمم المتحدة بدءاً بالقرار رقم 194 لعام 1943، وماداموا يرفضون إقامة دولة فلسطينية ذات سيادة كاملة على أرضها وشعبها وتكون القدس عاصمتها·‏‏

فكما ان للتطبيع السياسي متطلبات مثل: فتح السفارت والمكاتب في البلدان العربية لاسرائيل

وان للتطبيع الاقتصادى متطلبات مثل: الغاء واستحداث قوانين من شأنها السماح بدخول السلع والبضائع الاسرائيلية للبلدان العربية.

فأن التطبيع الثقافي يتطلب إعادة النظر في التاريخ القديم والوسيط والحديث وان يلغى العرب من آدابهم كل مالا ترضى عنه اسرائيل وأيضا تغيير الكلمات التى تهيج النفوس في الروايات الصادرة عن الصراع العربي الاسرائيلي وعدم نشر المجازر التى حدثت وتحدث.

وحتى لا تتهم البلدان العربية بمعاداة السامية كما حدث للمفكر الفرنسي روجيه عليهم ان يعيدوا النظر أيضاً في آدابهم فيحذفوا الأشعار والنصوص والروايات التي لا يرضى عنها اليهود · وحتى يصبح التطبيع الثقافي مؤكداً وحقيقياً وصادقاً فإن على العرب أن يحذفوا من كتبهم المدرسية جميع الآيات القرآنية والاحاديث النبوية الشريفة التي تهجو اليهود وتذمهم وتتوعدهم وتتهمهم بالكفر وعصيان الله وانبيائه ورسله لأن بقاءها من وجهة نظرهم يسمم عقول الناشئة ، ويولد الكره والبغض لليهود ويحول دون التعايش بينهم وبين العرب·‏‏
هي دى الحقيقة طب هو فيه يا بنتى خطر اكثر من كده هو اخطر التطبيعات هو التطبيع الثقافي اخذت تنهيدة طويلة وقولت ربنا يستر ردت علي وقال لا طول ما الامهات بتقول اللي قولته ده وطول ما الاخبار بتجيب صور الشهداء في فلسطين والمذابح اللي بتحصل كل يوم مش ممكن هيحصل تطبيع- رديت في نفسي ياريت وتكون دى بشرة خير

" اكثر حاجة قرأتها واحترمتها جدا عن التطبيع هو مقال "التطبيع الثقافي خطر يهدد ثقافتنا العربية الاسلامية .

ودمتم بخير

انا وصديقي والتربية

كلمنى صديق لي اليوم من الغربة مش من بعيد من السعودية وحاله عدم زيه زى كل المتغربين واللي حاسين بالغربة في بلادهم واللي حاسين بالغربة في بيوتهم قالي ايه يابنتى اللي انت كتباه ده قولته كتباه ايه هو انا كتبت حاجة غلط قال لا بس فين الصح قولت كله صح قالي لا لازم نعمل قولت نعمل ايه

يعنى كنت بتكلم عن التعليم واللي بيتعلموا وبتكلم عن انه يكون لك هدف وخط واضح ولا انت مفهمتنيش قالي لا بس اكتبي حاجة بجد رديت وقولت ما هى شوية وشوية وعلي العموم انا بعمل حاجة عن الاباء والابناء والتربية ان شاء الله تكون فيها خير قالي مينفعش كتابه من غير فعل قولت انا بعمل في نطاقي لكن نطاق من حولي لا املكه رد وقال تفتكرى الشباب ممكن يشتغل اي حاجة او يبيع علي الرصيف قولت وليه لا لو اتربى علي ان العمل مهما كان مش عيب واعمل احسن من ان نأكل من كسب الاخرين لكن كل الاباء والامهات عايزين ولادهم يطلعوا اطباء ومهندسين طب نجيب نجارين منين وسباكين منين نستود يعنى ، برضه نرجع للتربية.

قالي طب ممكن الشباب يروحوا يستصلحوا اراضي قولت يعنى شايف الفلوس موجودة اوى والاستصلاح بيتكلف كتير قال يتشاركوا ولو كل واحد معاه قرش هيبقوا قرشين قولت برضه التربية احنا مربيناش اولادنا علي العمل الجماعي كل واحد عايزة حاجة لوحده وبس برضه نرجع للتربية. .

قال تفتكرى ممكن تزوجى بنتك لحد راتبة 300 جنيه قولت هربي بنتى علي (إذا جاءكم من ترضون دينه وخلقه فزوجه) مش هسأل وعلي فكرة باب عمره ما سأل اى زوج من ازواج بناته كان بيكتفي ان يعرف خلقه ودينه وبعدها مش مهم برضه نرجع تربية

قال لي الغربة اثرت علي قولت ازاى انا عمرى ما اتغربت قال صعب تلاقي حد بيحبك او يعاملك كويس وده احساس مرير كفاية انك مش في بلدك

نسيت اساله وانت لو جه لبنتك واحد راتبه 300 جنيه هتجوزها ولا لا.

المهم في النهاية انا اصريت ان العملية كلها تكمن في التربية

اللهم اعن المسلمين والمسلميات علي تربية ابنائهم ووفقهم لما في الخير لدينهم ودنياهم

نيرة فتاة احبها في الله

وانا بكتب عن التعيلم واللي بيتعلموا بصراحة افتكرت اوائل الثانوية العامة لهذه السنة وافتكرت وانا اشاهدهم في برنامج العاشرة مساء وقد ايه احببت هذه الفتاة نيرة محمد صبرى من كل قلبي وهى تتحدث بكل ثقة عن امالها المستقبلية التى لخصتها في ان تدخل اللغات والترجمة لكى تترجم كتب التى من شانها تغير نظرة الغرب للأسلام
اه.. كم احببت هذه الفتاة وكانت اول مرة اراها كم دعيت لها ولبناتى ان يمن الله عليً بأن يكون مثلها في ثقتها في اخلاصها في حبها للأسلام.
وسعدت كثيرا وانا ابحث عنها في الانترنت لكي اعرف اخبارها وما فعل التنسيق بها وعرفت عن طريق مدونة إصرار انها قد التحقت بجامعة الأزهر
وذلك لدراسة العلوم الإسلامية والترجمة الفورية،
وهي الطالبة الأولي في تاريخ أوائل الثانوية العامة التي تلتحق بجامعة الأزهر
آه لو تعلم نيرة كم احيت الامل في قلبي وفي قلوب الكثيرين اه لو تعلم كم دعوت لها ولبنات المسلمين ان يوقفهم لما فيه خير لهم وللاسلام والمسلمين
حبيبتى لا استطيع ان اعبر عن مشاعرى تجاهك سوى والله انى احبك في الله

نورالله طريقك وقدر لك الخير وجعل كل خطوة تخطيها في ميزان حسناتك وفي ميزان والديك ونور الله بصائر ابنائنا وابناء المسلمين جميعا
الموضوع مش موضوع مجموع كبير ولا صغير ومش موضوع كلية صيدلة ولا علوم الموضوع موضوع مبدأ وهدف واضح

التعليم واللي بيتعلموا واللي عايزين يتعلموا"1"

كانت قاعدة جميلة جداً وفيها اختلاف في اعمار الحاضرين من امهات وابناء متجمعناش من فترة طويلة انا والجيران وفجأة سمعت من ام من الحاضرات تقول حسبي الله ونعم الوكيل تخيلوا بنتى السنة دى عندها 5.4 خمس سنوات واربعة أشهر ومقبلتش في كجي 1 تخيلوا يعنى ادخلها كجي ان شاء الله علي 6 سنين يعنى تتخرج من الابتدائية علي بيت العدل علي طول رديت عليها قولتها ليه كنت مقدمة فين ومدرسة ولا اكثر قالت لي لا طبعاً اكثر من مدرسة تجريبية وواحدة بس خاصة لانها الاقرب في المصروفات الدراسية من التجريبي وطبعاً مقبلوهاش واضطريت علشان متقعدش جنبي في البيت انى ادخلها تمهيدي في الخاصة الرحمة يارب

واحدة تانية ردت عليها يااختى احسن حالك احسن من حالي انا بقي بنتى نجحت في الثانوية العامة بمجموع 96.5 % وكنا فرحنين فرحة وقولنا خلاص تعب الدروس اللي استنفذت كل مدخراتنا جه بفايدة ونتفاجأ ان التنسيق يوديها كلية العلوم (يع) اة والله مش مصدقين طبعا البنت المسكينة انفطر قلبها من العياط وبعد بحث من العيلة كلها والجيران جدتها قالت ودوها جامعة خاصة وانا هساهم وجدها كذلك وابوها قال مش ممكن التعب ده يروح في كلية العلوم نعمل جمعية بالباقي ونقدم في جامعة خاصة (من الاخر عملنا اكتتاب) لف ابوها علي كل اصدقاؤه علشان يلاقي واسطة تخفض له مصاريف كلية الصيدلة في اى جامعة خاصة إلا ان هداه الله الي الجامعة الروسية وجاب تخفيض يابلاش دفع 20000 بس بالباص بس المهم البنت مستقبلها ميضعش رديت عليها مستقبل ايه يعنى انت شايفة فيه فرق

بين خريجي الصيدلة ولا العلوم بعد التخرج كله واحد

ردت واحدة ثالثة يا جماعة انتوا ارحم مني علي الاقل عرفتوا رايحين فين وجايين منين انا بقي داخلة علي ثانوية عامة واعدادية وابتدائية ورمضان والعيد وهب

طبت ساكتة.

اكملكوا بكرة بقي علي بال منفوقها

وحسبي الله ونعم الوكيل