مش عارفة بصراحة ايه اللي بيحصلي اظاهر انها هتبقي سلسة شملولة ولا ايه ولا امى اتوصت بي في الدعاء اليومين دول، بيَنى كده.. المهم بعد 14 سنة خدمة في ثانوى ااقصد بعد 14 سنة زواج بعد الشر بعد الشر صيفت يا جدعان لوحدى انا وزوجى والبنات بس.. ايه بتقولوا ايه ياولاد اه والله وزى ما اكون كده افتريت - والافتراء وحش- كان اخرته انه بقيت عثمانة ... دى دموع وكل يوم جوزى يبعت لي في رسايل صباح الخير يا سمارة
كأنى بفترى زى ما اكون كده خلصت كل المصايف اللي فاتت كل يوم كنت بروح البحر -مش عادتى طبعاً- واتشملل واعمل الفطار لسى حمادة والبنات وافطرتهم علي الشاطئ واغديهم علي الشاطئ يعنى بصراحة عديت ده طبعا مش طبعي انا كنت بكتفي باى حاجة واهو مصيف بس بقي مقولكوش اتشمللت واخدت معايا بفتيك فراج وشيش طاووق و كفة رز و اجنحة فراج وسمك فليه وبدعت بقي -يارب ميخدوش علي كده-وطبعا منستش اجيب لكم معايا شوية حاجات كده من تصميمى ااقصد تصويرى لاجل الابداع يكمل شوية صور محصلتش هدية مقبولة ايه رايكم
خلصت الرواية اللي كنت بقراها وحتى الان بفكرفيها هبقى احكى لكم عليها التدوينة اللي جاية ان شاء الله ولاول مرة احس انى فعلا غيرت جو نسيت كل حاجة كنت بفكربس ازاى امضي انا وعائلتى ايام جميلة رجعت احسن من قبل الاجازة وعندى استعداد انى اطحن شغل وبيت ومعهد اى حاجة سبحان الله ربنا بيعلمنا ان كل شئ بأوانه انا كنت بتمنى اجازة مع عائلتى من شهر ابريل وكنت حاسة وقتها انى فعلا محتاجها وزعلت لما منفعش واتأثرت كتير بس كل شئ بأوانه وهو ده اوانه بس الانسان دايما مستعجل، مخلتش حاجة معملتهاش لعب باسكيت ولعبت ونط حبل ونطيت ..فرجة علي نور ومهند واتفرجت ومت من الضحك علي البطء الفظيع اللي الناس عامله له كل الضجة دى بسبصراحة اهم ما في المسلسل ده الاحترام المتبادل بين الافراد وطريقة التعامل محترمة جدا بس ياريت نقتبس حاجة عدلة مش نتحصر علي الرومانسية بس...... ايه رايكم في تصويري بقي
هناك ٤ تعليقات:
السلام عليكم ورحمة الله و بركاته
Friend
حمد لله على السلامه و مصيف مقبول إن شاء الله ، و كل من شرب من ماء البحر له دعوه مستجابه فلا تنسينا فى دعاؤك و ألف الله بينك و بين أسرتك و جمع بينكم فى خير و أدام عليكم السعاده و هداكم لما فيه الخير.
و لكن سؤال هيا القصه دى مفيهاش غير أجمحة فراخ أمال فين الباقى ....أجنحة فراخ و على البحر و يا ترى مقليه و لآ مشويه و كانوا كام جناح...... الدنيا على جناح شملوله.
و السلام عليكم و رحمة الله و بركاته
حمد الله على السلامة والله فرحت لك جدا بس حقيقى مش عارفة ايه طعم المصيف مع اسرتى بس اصلى عمرى ماجربته لكن اكيد ممكن يكون مختلف وجميل بس يارب مايحرمنا من احببا واهلنا وناسنا صحيح كل واحد فينا بيحتاج كل فترة كده يكون لوحده او مع اسرته بس لكن مش كل واحد بيقدر
عموما الف مبروك طلبتى ونولتى وربنا يحقق لك لكن احلامك بس نصيحة متاخديش على كده عشان دى كانت صدفة
نور الفجر
و الله كان مصيف حلو جدا جدا يا سمارة:)
بس الحمد لله دلوقتى أنتى تعتبرى قشطة أخر حاجةبالنسبة لأول يوم كنتى جاية فيه.....يللا تعيشى و تصيفى
إرسال تعليق