الجمعة، ١٥ فبراير ٢٠٠٨

مذاق مر لكن حلو

رميت روحى علي السرير وبحلقت للسقف هروبا من اى كلام ومحاولة منى لايجاد صفحة بيضا في عقلي كى لا افكر في شئ وافتكرت علي سلامة وهو بيقول في يوم كده بيبان من اوله لا تقدر تبتديه ولا تعرف تكمله وقولت في نفسي اه في اسبوع كده بيبان من اوله لا تقدر تبتديه ولازم تكمله

الخميس بالنسبة لي احلي يوم في الاسبوع لان بعده الجمعة والسبت اجازة الواحد بقي يستريح ويرمى كل شئ وراه ويعمل كل الحاجات اللي بيحبها ومحروم منها طول الاسبوع- لعدم توافر الوقت.

الجمعة دى كانت غير اخواتها من الجمع مرت عليا حاجات كتير حادثة- مستشفي-نقطة شرطة- قسم شرطة - نيابة- قسم شرطة تانى شد وجذب مع زوجى لانه اتضايق انى عملت شكوى واتصال القسم مرة تانية بيا علشان الشكوى وخوفه من ان الضباط يخدوها علي كرامتهم انى ارسل شكوى فيضايقونى واحساسي انى لازم اخذ حقي تفاعلات نفسية غير عادية مرت بي

وفي وسط كل ذلك عندى اختبارات في الفقه والعقيدة وعلوم القران وانا كنت مركزة في القرأن ومفتحتش ولا كتاب فكنت بتحايل علي اى معلومة تدخل من غير تعب
مش عارفة ازاى إلا انه بفضل الله تعالي خلص الاسبوع علي خير واحلى حاجة اكتشفتها ان النهاردة الخميس يعنى اخر الاسبوع ها اجازة
والاحلى ان المذاق المر لكل تلك الاحداث كان حل حلو التفاعل معها

هناك تعليق واحد:

غير معرف يقول...

نفسى اقولك كل عام و أنت بخير بس عندى سؤال هل وصلتى من العمر ارزله حتى لا تسمعى كلمه جميله من زوجك أو حت sma منه تطرب بها أدناكى
لكن حقولك أيه هما الرجاله كده طناش طناش

poty الكبيره