زوجى وحبيبيى أبو بناتى..............أحبك

زوجى وحبيبي ابو بناتى.........أحبك بصراحة أنا فرحانة جدا جدا لانى اخذت القرار اخيرا ونفذته كان نفسي اعمل مدونة من وقت طويييييل وقعدت افكر اعملها ولا لا طب هكتب ايه قعدت اتكلم مع نفسي كتير في الاخر قولتلها (نفسي طبعاً) انى حابة اشارك الناس كل الناس افراحهم واحزنهم همهم وفرحهم وهم كمان يشاركونى ناخد آراء بعض ونعبر عن احاسيس بعض يدعولي وأدعيلهم اخد ثوابهم وياخدوا ثوابي المهم عملت المدونة باركولللللللللللللللللللللللللللي

اخترت اسم المدونة شوية وشوية لان حال طبيعة البشر شوية وشوية شوية حب وشوية لا حب ولا كره شوية قلق وشوية آمان شوية فرح وشوية حزن وانا احب الناس اللي علي طبيعتها فحبيت المدونة تبقي علي طبيعتها برضه.

طب اول حاجة احب اكتب اكتب عن ايه وبما ان الناس شوية وشوية فانا الشوية النهاردة حالة حب مع زوجى فبصراحة ومن غير ما افكر كتير قررت اكتب عن زوجى وحبيبي وابو بناتي علي فكرة انا بحبه جدا علي الرغم ان مر علي زواجنا 13 سنة وشوية وبحبه كل يوم اكتر من اليوم اللي قابله وهو بالفعل سكنى