مطلوب موافقة موثقة من زوجك علي سفرك لأداء العمرة
اكاد اجن انا مسافرة مع والده وهو محرمى لماذا موافقة الزوج يزيدها فرسة ويقول وموثقة
تتقاذفنى اضغاث الاحلام يميناً ويساراً ولا استطيع ان انام او اصحو .. ادرك انى نمت وانا زعلانة ومتضايقة وهى لسيت عادتى ..أردد المجتمع الذكورى تانى
يهاتفنى زوجى ليخبرنى انه في الشهر العقاري ذهب لتوثيق الموافقة ..لسانى حالى يقول كتر خيرك والله .. فيبادرنى علي فكرة ده اجراء جديد المملكة عملته مش من عندنا
اشعر بهدوء نسبي واقول جزاك الله خيراً....... وافكرك ماذا لو الحال مش ولا بد مع اناس اخرون لن تستطيع السيدة ان تؤدى العمرة ، امازح زوجى دلوقتى رسمى وفي السجلات انك موافق انى اسافر ..يرد ويقول وممكن ارجع في كلامى
اقوله بجد يعنى فتحوا الدفتر وكتبوا زوج شوية وشوية موافق انها تسافر مع باباه ومامتها وخالتها والعائلة كلها علشان تعمل عمرة
يرد اتهدى بقي خلالالالالالالالالاص دى اجراءات المملكة ولا لنا دخل بها
اتهد............................... واسكت واقول المهم اسافر موافقة موثقة.. انفلوانزا خنازير اى حاجة بس اسافر بيت الله
هناك ٢٦ تعليقًا:
شوية شوية
مجتمع ذكورى ونص يا جميل
بس انت بتموتى فى دباديب اللى وثق فى قلبك قبل الاوراق
تسافرى بالسلامة وامانة الدعاء لاشرف ولى
هنوءة حبيبتي تسافري وترجعي بألف سلامة انتي وكل اللي معاكي
ربنا يقدرك ويتقبل منك
خدوا بالكم من انفسكم ولا تنسيني من صالح دعائك أمانة عليكي تدعيلي ربنا يستجيب لدعواتي ليه
بوفر عليكي أهو أي صيغ وكلام كتير
يارب تفتكريني
ربنا يسلمك ويحفظك
اول مرة اسمع عن القرار ده ..
ربنا يبلغها لك يارب وتوصلى بالسلامة ..
وما تنسى الدعاء ..
هنى يا حبيبتى تروحى وترجعى انت وكل اللى معاك بالسلامه يارب
وفى شوية نصايح
كان كتبها لى الله يبارك فى عمره واسرته استاذنا عصفور المدينه
هاروح جرى اجيبهم وآجى
ليسته من الدعاء
لا طلبى واحد بس ادعى لى ربنا يفرج كربى يا جميله وربك عالم بكل شئ
بحبك مووووووووووت وهتوحشينى موت
ابعتى مفتاح المدونه امسحها واكنسها وارشها فل وياسمين علشان دول الزهرتين اللى بموت فيهم
امرك لله لو بتحبى اى زهور فواكه انسى
مليش فيهم يا إما امسحهشا بالديتول اهو مطهر
بجد متنسيش المطهر فى كل شئ واعملى حسابك هتتقرفوا جامد فى المطارات..هنا وهناك...وهناك اكتر علشان هما بجد غلابه من توافد البشر من كل العالم وممكن يكون فى قلق
استمتعى بكل لحظه ..وخلى بالك من الايرانيين او العراقيين .زشداد فى تعاملهم بيذقوا جامد
وفى الزيارة للرسول اخترى وقت الظهر غالبا بيكن رايق
اختارى وقت مفيهوش زحام شديد
استنى اجيب لك نصايح عصفور
سلام مؤقت
معلش ياحبى الحال من بعضه جوزى راح ياختى يعملها لى والامر لله وانت عارفة صعوبه خروجة الصبح و بلسانى مش بلسان حالى ياختى قولت له شكرا ياحبيبى تعبتك معايا (واجب برضه)بس البيه وزير الصحة النهارده بيبحث تاجيل العمرةوربنا يستر ودلوقت ادينى بقول ذكورى والف ذكورى بس نسافر يارب
متعرفيش محتاجة العمرة دى اد ايه
نور الفجر
عصفور المدينة يقول...
تقبل الله منك ومن زوجك الفاضل
وأعانكما على بره وطاعته
ولا تنسونا بالدعاء
بخصوص النصيحة المطلوبة
أولا لابد أن تكوني على وعي تام بأحكام العمرة
والثانية
تجنبي تماما اللجج والكلام مع رفقاء السفر وخاصة إذا كنت في مجموعة
بنو قومنا يحبون الكلام الكثير والفتاوى والخوض وفي أي تفصيلة صغيرة يغرقون في الكلام
الثالثة
إذا كنت في رحلة مع مجموعة أو شركة وهو مالا أفضله أنا بتاتا
توقعي دائما الفوضى في المواعيد والترتيبات فإن كانت فقد توقعتيها ولا تعترضي أبدااااااا لأنهم لن يتغيروا وإن كانوا من القلة المنضبطة فأبلغي عنهم كل من تعرفين
إذن كوني على استعداد دائم للفوضى في المواعيد وأول شيء تفكري فيه عند التأخير كيف سأستمتع بهذا التأخير كيف أستغله وليس كيف أقومهم أو أصلحهم وأعلمهم الانضباط
وعليه فلا تزاحمي أحدا ولا تستعجلي واتركي المزاحمين يتسابقون
وكما قيل
من لي بمثل سيرك المدلل
تمشي الهوينى وتجي في الأول
الرابعة
تجنبي ملاحظة الخلق وانشغلي بنفسك ومناجاة ربك
الرابعة -أيضا-
تجنبي الانشغال بالتسوق فما هنالك من بضاعة لا يفرق عما هنا سوى أنك سوف تضيعين وقتا ثمينا ربما لا تجدي فرصة قريبة لتعويضه
الخامسة
تعرفي قدر الإمكان على أخواتك المسلمات من البلاد الأخرى وتحسسي أخبارهن دون أن يطغى ذلك على وقتك وتركيزك في العبادة ولكن أعط ذلك قدرا فإن ذلك مما يرقق القلب ويشعرك بنعمة الله علينا
السادسة
قال الله عزوجل
وما تقرب إلي عبدي بشيء أحب إلي مما افترضته عليه
السابعة وهي مرتبطة بالرابعة
لا تفترضي أبدا أن أبناء تلك البلاد هم الصحابة أو أبناؤهم وبالتالي فلا تشغلي بالك بتصرفات أحد وإن كنت أحبذ أن تتبعي أفعال الصالحين منهم فسوف ترين منها عجبا لكن إن تتبعت الشر وجدتيه أمام ناظريك في كل مكان
عندما تفترقين عن زوجك للصلاة أو غيرها احرصا على تحديد مكان للقاء وليس موعد ويجب أن يكون هذا المكان واقعيا أي ليس مزدحما
وأفضل دائما استخدام الأرقام أو العلامات المرقمة وأرقام الأبواب والأعمدة ونحوها
خذي بالأيسر دائما وما تزاحم عليه الناس فاتركيه لهم
وبخصوص البنتين احرصي دائما أن يكون معهما رقم محمول وبيانات السكن
أعانكما الله
يا نؤتي ربنا يخليهولك يارب , و اوعي حاجة تعكر عليكي صفو نومك يا بنتي علي راي سعاد حسني بقي هي الدنيا كدة , اة كدة و نص و تلت تربع و لازم تتوقعي اي حاجة و افتكاسات جديدة عادي بقي صباحك سكر .
ربنا يتقبل منك يارب ..
انا كنت فاكرة انى ممكن اطلع عمرة مع والدتى
وبعد ما حوشت فلوس العمرة ورايحين نسال قالوا لا لازم محرم ليا لكن ماما ممكن تروح وحدها ...بس مروحناش لا انا ولا هي ..
ربنا يتقبل منك تانى وان شاء الله تبقي رحلة ممتعة اوى :)
مدونتك جميلة ماشاء الله :)
شويةوشوية:
أيوننننننننن لازمن ولابد وحتمن تكوني موثقة اليدين،مغمضة العينين ،مسدودة الأنف (علي رأي النابلسي الله يرحمه).بس ده مع إختلاف غايته طبعا وإنتوا عارفين (ترتر)!!!.
فكله يهون من أجل زيارة أطيب بقعة علي وجه الأرض .
ربنا يكتبها لكل مشتاق ويرزق كل من ليس له محرم بمحرم أو بموافقة موثقة.ونسألكم الدعاءوعمرة مقبولة إن شاء الله.
(ديدي)
مسائك منور بذكر الله
ادام عليكى السعادة دائما ولا عمرك تنامى زعلانة ابدا مجتمع ذكورى ذكورى وخلاص اتفرض علينا كده المهم ان جوزك عمل التوكيلكان نفسى اكون معكو هناك معى الصحبة الصالحة تروحو وتيجو بسلامه وادعيلى اكون هناك
قتطى
القدر وانا
والله انت عسل بجد وفهمانى كمان الله عليكي يا جميلة هو فعلا اللي وثق في قلبي بكسف بكسف اهو حبي زوجى علي العلن
بيبتى المصرية مسز رايتر
الله يسلمك يا قمر ان شاء الله مش هنساكوا في الدعاء الحمد لله املك بفضل الله ذاكرة قوية وكمان هكتب في ورقة علشان الزهايمر ميشتغلش معايا
ربنا يتقبل منكم ومنا
لحين ابو الدهب
المدونة منورة بوجودك جزاك الله خيرا
هو طلع قرار جديد فعلا المملكة اصدرته حظوظ ان شاء الله مش هنسي الدعاء ربنا يتقبل
ام البنات
ربنا يخليكي ليا يارب، هبعت المفتاح ابقي شأري عليها ورشى الزهور اللي تعجبك يا جميلة وهبقي اوصي بنوتى تطمنكوا ابنات بقوا بيحرضوا علي انشاء المدونات وشغالين مع نفسهم
النصائح جميلة جداً ومفيدة ربنا يجازيكي خير انت واستاذ عصفور بجد انا بحرمه وبقدره سبحان مؤلف القلوب
نور الفجر
ايوه طبعاً ما احنا صحبة ان شاء الله بس انت عارفة ان في نزناز في عقلي بسبب التفرقةدى مش عارفة اخلص منه وده الفرق اللي خلاكي مش لسان حالك
يارب نسافر ادينا مستنين
كفاية طيبة
اهلا اهلا بيكي نسكافية ولا شاي ، انت ملتى زى بنت خالتى وماما مصممة ان مامتها او هى محرمها اقول لها راجل راجل يا ستى لحد ما سألت فسكتت
ربنا يكتبها لك ولمامتك يارب
ديدي حبيبتى
انت اكتشاف والله بجد تعليقاتك علي التدوينات وعند شيماء بتقول انك اكتشاف مش هسيبك الا لما نظهر الاكتشاف ده بجد انا منبهرة بجد في حاجات مستخبية اكيد هتطلع
والله بحبك ان شاء الله ربنا يرزقك وخالتو بيبب حبيبتى حجة بقي وتكون د هدية من الله سبحانه وتعالي
قطتى
وهو انا قولت حاجة ذكورى ذكورى المهم نسافر ههههههههه الحمد لله الذي بنعمته تتم الصالحات
شوية وشوية :
مش للدرجة دي ؛؛ أخجلتم تواضعنا ،علي فكرة دي بوستاتكم هي إللي بتنكش وتطلع المستخبي ؛علي فكرة أنا أدمنت المرور علي المدونات والشكر لزهرتنا الجميلة إللي دلتني علي الطريق وانتي المحرك الأساسي - رفع الله قدركم وادام بيننا المعروف .
(ديدي)
وحشنى كلامك معلش مش متابعك خالص بس غصب عنى ... انا بس عايز اقولك يارب يكون ليكى نصيب وتروحى لقضاء العمره وتيجى بالسلامه ويارب الموضوع بتاع الانفلونزا ده مش يأثر على رحلتك وبجد اتمنى ان يكون ليكى نصيب وتروحى ..وتيجيلنا بالسلامه ان شاء الله . وابقى ادعيلى بقى مااااااااشى
تروحى وترجعى بالسلامة ان شاء الله من غير اى انفولونزا
واوعى تسمعى كلمه وتتهدى ابدا
خليك صاحية علشان تتكتبى دايما فى المدونة الجميلة دى
وابقى ادعى لكل البشر ربنا ينجيهم من وباء الانفولونزا اللعين ده
تروحي وترجعي بالسلامة إن شاء الله
وبعدين لو موافقة الزوج شرط من عند المملكة السعودية .
فاحنا عندنا موافقة أمن الدولة شرط من المملكة المباركة ( نسبة للسيد الرئيس ) ، ومحدش أحسن من حد .
:)
حببتى نوئة تروحى وترجعى بالف سلامة واهم حاجة تدعيلى ان ربنا يسبت ايمانى ويقونى ويارب كل اولادنا ينجحوا وكمان انى اكون السنة الجاية ان كان لينا عمر عند زيارة الرسور صلوات الله علية وتروحو وتستمتعو وتتنعمو بزيارة البيت والدعوة الحلوة وتيجو بالف سلامة وعقبالىىىىىىىىىىىىىىىى يارب امش
حببتى نوئة تروحى وترجعى بالف سلامة واهم حاجة تدعيلى ان ربنا يسبت ايمانى ويقونى ويارب كل اولادنا ينجحوا وكمان انى اكون السنة الجاية ان كان لينا عمر عند زيارة الرسور صلوات الله علية وتروحو وتستمتعو وتتنعمو بزيارة البيت والدعوة الحلوة وتيجو بالف سلامة وعقبالىىىىىىىىىىىىىىىى يارب امش
إرسال تعليق